Luka 9:47 - Katɔti Ɔku Kedee

⁴⁷ Amu ka Yesu ɔ́ti-ma kasusu ɔsu ni, úti ɔnamu ɔdi úbenyene-ma anumi na nwuna kudɔ.

Luka 9:47 ပူးပေါင်းရင်းမြစ်များ

Kɔgya 139:2

Na agyi-mi ablala ku kɔvinkɔ ƒui. Na mina lili kemmo kakali ƒui kátabɛ-ɔ na kesii kani na eli mmɔ.

Kɔgya 139:23

O Katɔti, awɔ ɔlati kɔku-mi na ati kalɛ na nse.

Yeremia 17:10

Nsu ngyi bina ablala ku kasusu ƒui, na ndubo bɔnu ka bɛ́kɛ lɛla lɛni na lɛ́manku-mii.

Mateo 12:15

Uwi ɔni na Yesu únu ka Ƒarisiƒuɔ beeti-nwu lɛlɔ kasusu kekpidi ni, ɔ́tɔlɔ-ma kudɔ mmɔ, na bekyuli pii badi básiaku-nwu. Ɔ́bwi bani muuƒi ƒui na bana akɔ.

Mateo 9:4

Yesu ɔ́nu bana kasusu kamɛni ɔ́ti na úye-ma ɔnini, “Bi ɔsu na biiti kasusu kekpidi kamɛni udu?

Luka 5:22

Amu ka Yesu ɔ́nu-ma kasusu ɔ́ti ɔsu ni, úye-ma ɔnini, “Bi ɔsu na bɛɛkali ala amɛni udu?

Yohane 16:30

Na ɔƒɛni na bɔ́ti ka agyi lɛla biala, na ɔ́sɔ útalɛka ukyuli ɔdi uye-ɔ litemi lɛdi. Ɔmɛni lɛti pɛ ɔ́ya na bɔ́ti ka Katɔti kudɔ na ási ébo.”

Yohane 2:25

Anwuɔsu uláwia ka ukyuli ɔdi ɔtina-nwu lɛla lɛdi na ukyuli lɛlɔ, ɔsika anwu ɔlati ɔgyi ukyuli ɔyawine udu geen.

Yohane 21:17

Kɔtɛdi ni, Yesu ɔ́sɔ úye Petro ɔnini, “Simon, Yohane ubidi, aayɔ́-mi?” Amu ka Yesu ɔ́sɔ úye-nwu kɔtɛdi ɔnii, “Aayɔ́-mi?” ɔsu ni, Petro lɛlɔ lɛ́bla anwu ɔlati kɔnyana, na ɔ́su Yesu ɔnini, “Blɔti, agyi lɛla biala. Na agyi lɛnɔ ka mɔɔyɔ́-ɔ!” Amu na Yesu ɔ́su-nwu ɔnini, “Taanu mina baƒonu lɛlɔ.

Korintoƒuɔ 1 14:20

Banwa, bitabla lɛlɔ aani banamu na bina kasusu kemmo. Mmomu bɛbla lɛlɔ aani benengu si biiti kasusu. Nsu na likpidi lilu lɛlɔ ni, bɛbla lɛlɔ aani banamu.

Hebriƒuɔ 4:13

Ala ani ƒui na Katɔti údie lítabɛ-nwu. Na ɔɔnu lɛla biala kalɛ na lise. Na nwuna anumi na bɔdubo bula akunta ƒui bɔbu.

Budie Taatina 2:23

Lɛnɔ ni, ndubo uleku ɔmɛni basɔnɔbi ƒui bɔdu. Na mmɔ ni, baƒɔtaadine lɛkpa lɛmmɔ ƒui badubɔti ka ami ndi ukyuli ɔni ngyi ukyuli biala kayi ku lili kemmo. Ndubo bina akɔ ɔdi biala kayu bɔƒɔ na lɛla lɛni na ɔ́bla kenye.