Luka 9:39 - Katɔti Ɔku Kedee

³⁹ Kɔyu kukpidi kɔdi kuukpóku-nwu na kɔɔyá na ɔɔva momoomo kɔnakunwi. Ɔɔsinsi lɛlɔ na uuti lɛlɔ taaƒiɛmi kalɔ na avlɔvɔ aalɛ́-nwu kenye. Lɛni na ɔɔbla-nwu laa ɔkplu kemmo asa na kɔyu kɔmmɔ kɔɔnyonu-nwu.

Luka 9:39 ပူးပေါင်းရင်းမြစ်များ

Marko 9:18

Uwi biala si kɔyu kɔmɛni kuukpóku-nwu ni, na kuubó-nwu kɔva kalɔ, na avlɔvɔ aalɛ́-nwu kenye, na ɔɔdu anyi, na nwuna lɛlɔ ƒui lɛɛsinsi. Amu na líti-nwu líboku ƒula batɛyane nnii babwi-nwu, nsu bátakana.”

Marko 9:20

Amu na béti-nwu béboku Yesu. Na ka kɔyu kɔmɛni kɔ́nya kɔ́nu Yesu ni, kɔ́kunku ɔnamu ɔmmɔ na kɔ́ya na úbuli ɔ́tɛ kalɔ uubó teeminime, na avlɔvɔ aalɛ́-nwu kenye.

Marko 9:26

Kɔyu kɔmɛni kɔ́va momoomo, na kúdi ɔnamu ɔmɛni kúbo kalɔ na kɔ́lɛ-nwu lɛlɔ kemmo kɔ́tɔlɔ. Ɔnamu ɔmɛni ɔ́tɛ mmɔ aani si bukpi na úkpi. Na ukyuli biala ɔni nnye mmɔ ɔɔsu ɔnini, “Úkpi!”

Luka 4:35

Amu na Yesu ɔ́bɔku kɔyu kɔmmɔ ɔnini, “Ba lɛsɛ! Na avi alɛ ukyuli ɔmmɔ lɛlɔ kemmo!” Amu na kɔyu kukpidi kɔmmɔ kúƒwimi ukyuli ɔmmɔ ɔ́ƒiɛmi kalɔ na bana anumi, na kɔ́vi kɔ́lɛ-nwu lɛlɔ kemmo kɔ́tɔlɔ. Nsu ukyuli ɔmmɔ útaƒɔ ɔlɛ ɔdi.

Luka 8:29

Ukyuli ɔmmɔ ɔ́su ɔmɛni, ɔsika Yesu ɔ́bɔku kɔyu kɔni nlie-nwu lɛlɔ mmɔ, na ɔ́su-ku ɔnii, “Vi lɛ-nwu lɛlɔ kemmo!” Uwi pii kɔyu kɔmmɔ kɔɔdi ukyuli ɔmmɔ lɛlɔ ɔni na si ina bényimi-nwu enu na bébo-nwu kɔgba muedi ni, ɔɔƒɛ abuala ammɔ na kɔyu kɔmmɔ kuukeliku-nwu taatákya ketele kemmo.

Luka 9:38

Mmɔ na ɔnana ɔdi ɔ́va momoomo ɔ́su ɔnini, “Ala ɔtinane! Buvele nda-a, nu mina ubi! Anwu kani ndi-mi ubi!

Luka 9:40

Lívele ƒula batɛyane nnii bagya kɔyu kukpidi kɔmmɔ bete-mi, nsu bátakana-ku bɔgya.”

Yohane 8:44

Bina ɔti ndi ukisine ɔmmɔ, na bɛwia ka bɛbla nwuna lɛƒɔyɔ. Bekyuli ɔdune kani na ɔdi ɔ́si kalɔ kesekɔ ƒui. Na ulayɔ litemi geen lɛmmɔ, ɔsika ulasu lɛla siin lɛdi kudii. Si ɔ́nyi ɔkɔ ni, nwuna udu na uudie taatina na bɔtɛmi kemmo. Ɔsika ɔkɔ ɔnyine na ɔdi, na anwu ndi ɔkɔ bɔnyi ƒui ɔti.

Petro 1 5:8

Bɛda kayi bɛva kalɔ buɛɛ na binye kagyumana! Ɔsika bina ukisine ɔni ndi ɔbɔnsamu mmɔ ɔsiaku-mii aani gyata ɔni nkɛ mɔɔva taavi na ɔɔwia ukyuli ɔni na uƒie.

Budie Taatina 9:11

Bebo ɔga ɔni ndi ɔtu ɔni mɔɔnu kasuudikɔ ubu bonwu ɔmmɔ lɛlɔ. Ɔtu ɔmmɔ lɛnyi na Hebri lɛdi kemmo ndi Abadon. Na Griki lɛdi kemmo ni, nwuna lɛnyi ndi Apolion ɔni kalɔ ndi Ɔkyulane.