Luka 9:22 - Katɔti Ɔku Kedee

²² Yesu ɔ́sɔ ɔ́su-ma ɔnii, “Ɔlɛka ami, Ukyuli Ɔyawine Ubi, libo abi geen na kadi benengu ku bakpane benengu ku ɔda bubo ala batinane enu kemmo na beni-mi, na badu-mi. Nsu na emeyi atɛ kama ni, Katɔti ɔdubɔgyila-mi ɔlɛku bekpine akɔ mbelie ngba.”

Luka 9:22 ပူးပေါင်းရင်းမြစ်များ

Ala Kalɔ Buse 3:15

Na ndubɔya na awɔ ku uleku ɔmɛni binwini bekisine, na ƒula ubi ku uleku ɔmɛni ubi lɛnɔ benwini bekisine. Ɔdubo-ɔ lili bubo bɔbwɛ, na awɔ adu-nwu lɛnikpo.”

Daniel 9:26

Na uwi ɔmɛni kawɔlɔkɔ ni, badubo Ukyuli Ɔƒunadi ɔmɛni bɔdu na nwuna lɛla biala lilébu. Kadi bamba lɛlɔ ɔdine ɔni ndi ɔƒɔ ɔdi ku nwuna bekpone badubo babasia mmɔ bavi aani kalɛ na ketu keeyi taagba taavi kesii kadi na babwɛ ɔma ɔmmɔ ku kakpakɔ kammɔ na kekpo ku ala bubile bɔmmɔ bɔdubusie anumi utédu kawɔlɔkɔ aani kalɛ na Unwoti ɔ́lɛ ugyii úse.

Sakaria 13:7

Unwoti Ɔyikune Ƒui ɔnini, “Ya liti mina kewii na likpoku mina baƒonu ɔdane ku mina ɔkpana. Du baƒonu ɔdane ɔmmɔ na baƒonu bammɔ badubugyingya, na ndubudie banamudi bammɔ atu.

Mateo 17:12

Nsu mɔɔsu-mii nnii Elia úubo, nsu bekyuli bátanu-nwu bátati. Na bábla-nwu kalala kalɛ na baayɔ́. Lɛni kani na badubɔbla ami Ukyuli Ɔyawine Ubi lɛnɔ kalala.”

Mateo 17:22

Uwi ɔni na batɛyane bammɔ ƒui bábasa na Galilea ni, Yesu ɔ́su-ma ɔnini, “Badubo ami Ukyuli Ɔyawine Ubi buti bɔkya bekyuli enu kemmo,

Mateo 27:63

Na básu-nwu banini, “Unengu, uwi ɔni na ɔkɔ ɔnyine ɔmmɔ úlie ngba ni, ɔ́su ɔnini, ‘Si líkpi ni, nsɔ ndubɔta lɛlɛ bekpine akɔ emeyi atɛ kama.’

Marko 8:31

Amu na Yesu úse kalɔ ɔɔtina nwuna batɛyane ala adi. Ɔ́su-ma ɔnini, “Ɔlɛka Ukyuli Ɔyawine Ubi ubo abi pii na ɔma benengu ku bakpane benengu ku ɔda bubo ala batinane enu kemmo na bedumi-nwu. Badubɔdu-nwu, nsu na limeyi lɛtɛdi lɛlɔ ni, ɔdubɔta ulie ngba.”

Marko 9:31

ɔsika ɔkya ɔɔtina nwuna batɛyane ala. Ɔ́su-ma ɔnini, “Ukyuli ɔdi ɔdubo Ukyuli Ɔyawine Ubi kakya bɔkya na uti-nwu ute bekyuli na badu-nwu. Na limeyi lɛtɛdi lɛlɔ ni, ɔsɔ ɔdubɔta na ulie ngba.”

Luka 17:25

Nsu ni, ɔlɛka lɛka abi bubo geen na ɔmwi limeyi bekyuli beni-mi.

Luka 24:26

Bɛɛɛgyi bɛnii ɔlɛka Ukyuli Ɔƒunadi ɔmmɔ ubo abi amɛni udu asa na uduo nwuna lɛga bɔdi bukeye kemmo?”

Luka 24:44

Amu na ɔ́su-ma ɔnini, “Ala amɛni lɛlɔ kɔtɛ geen na lɛ́tɛmiku-mii ɔni na lɛ́kya-mii kudɔ. Ala ani ƒui na bénweni na Mose ɔda bubo ɔku kemmo ku Katɔti kenye bediene ala ani bénweni ku kɔgya ɔku kemmo ni, ɔlɛka ebo-nwu kemmo lɛni.”

Luka 24:7

ɔlɛka bekyuli beti Ukyuli Ɔyawine Ubi bakya bekyuli bekpidi enu kemmo. Na bakana-nwu bamana ugyii lɛlɔ. Na emeyi atɛ kama ni, ɔdubɔsɔ ɔta ɔlɛ bekpine akɔ.”

Luka 9:44

“Bitayiƒala lɛla lɛni na líse kalɔ ndaku-mii bɔsu! Badubo Ukyuli Ɔyawine Ubi buti bɔkya bekyuli enu kemmo.”

Korintoƒuɔ 1 15:4

Na báva-nwu, na Katɔti ɔ́gyila-nwu ɔ́lɛku bekpine akɔ emeyi atɛ kama, na úbo uli ngba aani kalɛ na ɔkya Bunweni Kedee Ɔku kemmo.

Petro 1 1:11

Básia ulu biala lɛlɔ ka bati uwi ku ukyuli ɔni lɛlɔ na ala amɛni adubɔlɛ. Na Kristo Kɔyu náƒɔ-ma lɛlɔ kemmo na kɔ́ya na básu-bu ala bése. Kɔyu kɔmmɔ kɔ́su kúse kalɛ na Kristo ɔdubo abi bubo ku kalɛ na lɛlɔ lɛdubo-nwu bɔyɔ na ɔmmɔ kama.