Luka 9:20 - Katɔti Ɔku Kedee

²⁰ Amu na úye-ma ɔnini, “Na amii nɔɔ? Ɔma na bɛɛsu ka anwu na ndi?” Mmɔ na Petro údie kenye ɔnii, “Awɔ ndi Katɔti Ukyuli Ɔƒunadi ɔmmɔ.”

Luka 9:20 ပူးပေါင်းရင်းမြစ်များ

Mateo 22:42

“Bi na bɛɛkali taasiku Ukyuli Ɔƒunadi ɔmmɔ lɛlɔ? Na ɔma kaba kemmo ubi na ɔdi?” Bédie kenye banii, “Ɔga Dawid kaba kemmo ubi na ɔdi.”

Mateo 26:63

Nsu Yesu úbile kenye na útasu lɛla lɛdi. Ɔkpane unengudi ɔ́sɔ ɔ́su-nwu ɔnini, “Lɛ́kpali Katɔti mɔɔkya-a nnii su-bu si awɔ ndi Ukyuli Ɔƒunadi ɔni ndi Katɔti Ubidi ɔmmɔ.”

Mateo 5:47

Na si bina bakpana lɛti na biigyele ni, bítabla lɛla lɛdi bítagya. Ama bani naaadi baƒɔtaadine muedi ni, baabla lɛni.

Marko 14:61

Nsu Yesu úbile kenye na útasu lɛla lɛdi. Ɔkpane ɔmɛni ɔ́sɔ úye-nwu ɔnini, “Awɔ ndi Kristo ɔni na Katɔti ɔ́ƒuna úse? Awɔ ndi Unwoti Kedee Ubidi?”

Marko 8:29

Amu na Yesu ɔ́sɔ úye-ma ɔnini, “Na amii nɔɔ? Ɔma na bɛɛkali ka ami ndi?” Petro ɔ́su-nwu ɔnini, “Awɔ ndi Kristo ɔmmɔ.”

Luka 22:67

Amu na kasalakɔ bekyuli bammɔ béye Yesu banini, “Su-bu si awɔ ndi Ukyuli Ɔƒunadi ɔmmɔ.” Amu na údie kenye ɔnini, “Si ina lɛ́su-mii lɛla lɛdi ni, bɛɛɛdubo bɔƒɔ bɔdi.

Luka 9:19

Amu na bédie kenye banii, “Badi baasu banii awɔ ndi Ntu Ɔkpilane Yohane. Na badi lɛnɔ banii awɔ ndi Elia. Na badi lɛnɔ baasu taatina banii Katɔti kenye bediene bakukudi bammɔ akɔ unwi násɔ únwini úbo uli ngba.”

Yohane 1:41

Lɛla lideedi lɛni na Andrea ɔ́bla ndi ka úsie útáwia ɔnwani Simon na ɔ́su-nwu ɔnini, “Abu bɔ́nu Mesia ɔmmɔ,” iye Kristo. Na anyi ammɔ kalɔ budie ndi Ukyuli Ɔƒunadi.

Yohane 1:49

Natanael ɔ́su-nwu ɔnini, “Rabi, awɔ ndi Katɔti Ubidi. Awɔ ndi Israelƒuɔ Ɔga.”

Yohane 11:27

Ka Yesu úye-nwu lɛni ni, Marta údie kenye ɔnini, “Ɛɛn, Blɔti, lɛ́ƒɔ-ɔ lɛ́di ka awɔ ndi Ukyuli Ɔƒunadi ɔni ndi Katɔti Ubidi ɔni na básu bése ka ɔdubo kayawi.”

Yohane 20:31

Na amɛni kani na línweni líse kalɛ na bɛƒɔ bɛdi ka Yesu ndi Ukyuli Ɔƒunadi ɔmmɔ. Na anwu ndi Katɔti Ubidi ɔni na si bɛ́ƒɔ-nwu bɛ́di ni, na ɔya na bilie ngba na nwuna ɔyikun kemmo.

Yohane 4:29

“Bibo na bibanu ukyuli ɔni násu-mi ala ani ƒui na lɛ́bla na ngba kemmo! Ɔdubɔkana na wadi Katɔti Ukyuli Ɔƒunadi ɔmmɔ?”

Yohane 4:42

Kama ni, bekyuli bammɔ básu uleku ɔmmɔ banini, “Ɔƒɛni bɔdaku bɔƒɔ taadi, ɔsika abu alati búnu nwuna etemila, na ɔɔɔdi lɛla lɛni na ásu lɛti pɛ ɔsu. Sɔsɔ na ɔdi, bɔ́ti ka anwu ndi bekyuli bayawine Ɔƒɔne.”

Yohane 7:41

Na babambadi lɛnɔ banini, “Ɔmɛni ndi Ukyuli Ɔƒunadi.” Nsu badi ama ni, béye banini, “Ukyuli Ɔƒunadi ɔmmɔ ni, Galilea na ɔdubo bɔsi?

Batalane Kabla 17:3

Na uudie lɛbibo lɛni na básu bése ka Kristo ɔdubo bɔnu ku kalɛ na ɔsɔ ɔdubɔta na ulie ngba ɔni na ɔsɔ ulekpi. Paulo ɔ́su-ma ɔnii, “Ukyuli ɔni lɛlɔ litemi mɔɔsu-mii mɛni ndi Yesu ɔni ndi Ukyuli Ɔƒunadi ɔmmɔ.”

Batalane Kabla 8:36

Amu na uwi ɔni na bakɛ bésela ni, bátánu ntu bɔdi ka bunye likpo lɛdi na ulu kudɔ mmɔ. Na unengu ɔmmɔ ɔ́su Ƒilipo ɔnini, “Aanu ntu bɔdi. Bi ɔsu na naaakana Katɔti ntu bɔkpila ɔdi ɔmmɔ bɔƒɔ?” Amu na Ƒilipo ɔ́su-nwu ɔnini, “Si áƒɔ ádi ku ƒula kayi ƒui ni, adubɔkana.”

Batalane Kabla 9:22

Amu na Saulo úsie anumi geen na nwuna litemi bɔsu kemmo. Na Yudaƒuɔ bani nkya Damasko mmɔ ɔdi biala útakana lɛla lɛdi bɔsu. Na údie kalɔ ɔ́tina-ma ka Yesu ndi Kristo.

Yohane 1 5:1

Bekyuli bani ƒui náƒɔ bádi ka Yesu ndi Ukyuli Ɔƒunadi ɔmmɔ ni, badi Katɔti bebi. Na alakana ubi ɔti bɔyɔ na ekisi nwuna bebi! Anwuɔsu si aayɔ́ Katɔti ni, aayɔ́ nwuna bebi lɛnɔ.