Luka 9:11 - Katɔti Ɔku Kedee

¹¹ Ka bekyuli pii bénu lɛni ni, básia-nwu kama bésie mmɔ. Yesu lɛnɔ ɔ́ƒɔ-ma na ɔ́tɛmi úte-ma ɔ́si Katɔti lɛga kadikɔ ala lɛlɔ, na ɔ́bwi bani na ɔlɛ ɔda.

Luka 9:11 ပူးပေါင်းရင်းမြစ်များ

Yesaia 61:1

Unwoti Ɔyikune Ƒui Kɔyu kɔ́ƒɔ-mi lɛlɔ kemmo! Ɔsika ɔ́tala-mi ɔnii nkɔ litemi buni lɛsa nte bawabane. Na lɛbwi bani muunú ɔlɛ na bana kayi kemmo na basɔ beeebo lɛnunsia, na libo kudu lite bani na béƒie na bébo-ma lɛkpu ka badubɔkɛ bɔnwuna na balɛ kasuudikɔ mmɔ.

Mateo 12:15

Uwi ɔni na Yesu únu ka Ƒarisiƒuɔ beeti-nwu lɛlɔ kasusu kekpidi ni, ɔ́tɔlɔ-ma kudɔ mmɔ, na bekyuli pii badi básiaku-nwu. Ɔ́bwi bani muuƒi ƒui na bana akɔ.

Mateo 14:14

Amu na Yesu ɔ́lɛ ɔkɔlɔ ɔmmɔ kemmo. Na uwi ɔni na ɔ́nu bekyuli pii bammɔ ni, bana lɛlɔ lɛ́kywi-nwu kaƒɔ na ɔ́bwi bani muuƒi.

Mateo 21:31

“Bana kemmo ɔmani nábla ɔti ɔmmɔ lɛyɔla?” Bédie kenye banii, “Ubi unengudi ɔmmɔ.” Amu na Yesu ɔ́su-ma ɔnini, “Mɔɔsu-mii nwaa nnii beyune ku bayalɛ baaví-mii teeduo Katɔ Ɔga Ɔma!

Mateo 21:43

Amu na Yesu ɔ́sɔ ɔ́su-ma ɔnini, “Anwuɔsu mɔɔsu-mii nnii Katɔti ɔdubɔƒɔ nwuna lɛga kadikɔ kammɔ na bina kudɔ bileduo-ka! Na ɔdubuti ute bekyuli bamba bani ndubɔbla nwuna lɛyɔla.

Luka 1:53

Ɔ́ya na bekyuli bani na kɔka kɔɔda ƒui bémo ku ala abuni sɔɔn, na balakɛne bénwini ku enukplu.

Luka 5:31

Amu na Yesu údie kenye ɔnini, “Bekyuli bani mbo lɛlɔ ɔkplu baláwia uvone, amu ntu balɛne lɛti.

Luka 8:1

Na uwi ɔdi kama ni, Yesu ɔ́vi ɔgbami úsie lɛma ku akpaklɔ kemmo. Na ɔkɛ ɔɔsu litemi buni taasiku Katɔti lɛga kadikɔ lɛlɔ. Leevu-inyɔ banii na ɔ́ƒuna lɛnɔ basiaku-nwu.

Luka 8:10

Amu na ɔ́su-ma ɔnini, “Katɔti úti nwuna lɛga bɔdi lɛnunda abɛla ɔ́tina-mii. Nsu bekyuli bakladi ama ni, agba na muubó-ma kalɛ na “ ‘si ina baanu ni, balanu baláti. Na ina beenú ni, belénu kalɔ.’

Luka 9:10

Batɛyane bammɔ bénwini bébo na bábasu Yesu ala ani ƒui na bábla. Amu na útiku-ma na bátɔlɔ bésie ɔma ɔni baalɔ banii Betsaida kakɛ.

Luka 9:12

Lebo lɛni na ɔƒɛ úsela bɔnu ni, Batɛyane leevu-inyɔ bammɔ bébo Yesu kudɔ na básu-nwu banini, “Ya na bekyuli bamɛni batɔlɔ na beteesie akpaklɔ ani nde amadɔ mɛni kemmo, kalɛ na bakɛ adila ku keduokɔ, ɔsika mɛni ɔdi ketele ntɛ.”

Luka 9:2

Amu na ɔ́tala-ma ɔnii beteesie na batásu Katɔti lɛga kadikɔ etemila bete bekyuli na babwi balɛne.

Yohane 4:34

Yesu ɔ́su-ma ɔnini, “Mina adila ndi ka lɛbla anwu ɔni nátala-mi lɛƒɔyɔ na lɛwɔlɔ kabla kani na úte-mi ka mbabla.

Yohane 6:37

Bekyuli bani ƒui na Ati úte-mi ni, badubo-mi kudɔ. Na bani muubo-mi kudɔ mmɔ ni, lɛɛɛdubo-ma buni.

Batalane Kabla 28:31

Ɔ́kɔ Katɔti lɛga kadikɔ lɛsa ku kayi buse úte-ma, na ɔ́tina-ma ala ani nkɛnku Yesu Kristo lɛlɔ. Na ukyuli ukyuli útetile-nwu kuƒi.

Romaƒuɔ 10:14

Nsu ukyuli biala ɔni na útaƒɔ útadi ni, dɛ na ɔdubɔkana na ɔkpali-nwu uvele lɛla lɛdi? Na ukyuli ɔni lɛlɔ lɛsa na bátakɔ bétete-ma kudii ni, dɛ na badubɔkana na baƒɔ-nwu badi? Na si ɔdi útatákɔ lɛsa lɛmmɔ útete-ma dii ni, dɛ na badubunu-ni?

Romaƒuɔ 10:17

Anwuɔsu ni, bɔƒɔtaadi bunye litemi lɛmmɔ bunu lɛlɔ. Na litemi lɛmmɔ bunu lɛkɛnku Kristo litemi lɛlɔ.

Romaƒuɔ 15:3

Ɔsika Kristo muedi ni, ɔɔɔdi lɛla lɛni mayɔ-nwu kaƒɔ kani na ɔ́bla. Mmomu bénweni ka Kristo ɔmmɔ ɔ́su Katɔti ɔnini, “Edumi ani na bekyuli bédumi-ɔ ni, ana ƒui ébo ábasia-mi lɛlɔ.”

Timoteo 2 4:2

si bebo kɔnu o-o, iye beeebo kɔnu o-o ni, die litemi buni lɛmmɔ kenye. Klibi-ma, na adɔnku-ma, na akya-ma ogya. Na si eedie ala kalɔ taatina-ma ni, na ewi lɛlɔ na akɛku-ma kayi geen.

Hebriƒuɔ 4:16

Anwuɔsu bɛya na buti bula lɛlɔ ƒui bute-nwu na bɔkpɛ bude-nwu na nwuna lɛgaboku kudɔ ku kayi buse ka ubo lɛƒɔndia ɔsu. Na ɔkɛnku nwuna lɛƒɔndia ɔsu ni, ɔdubɔnu-bu kɔnyana na ubunku-bu uwi biala na búvele-nwu lɛla lɛdi.