Luka 8:49 - Katɔti Ɔku Kedee

⁴⁹ Uwi ɔni na Yesu ɔmu ɔdaku litemi lɛmɛni bɔsu ni, anwu kani na ɔtu ɔdi ɔ́da úbalɛ na ɔ́si Yudaƒuɔ kasalakɔ unengu ɔni baalɔ Yairo mmɔ kesii. Na úbasu-nwu kenye ɔnini, “Ƒ'ubidi ulekubi ɔmmɔ úukpi ɔsu da ala ɔtinane ɔmmɔ bɔlɔ ya.”

Luka 8:49 ပူးပေါင်းရင်းမြစ်များ

Yesaia 7:12

Nsu Ahas úbulo na ɔ́su ɔnini, “Oowo, lɛɛɛdubo mina Unwoti bɔkɔku bɔnu.”

Mateo 26:10

Ka Yesu únu lɛla lɛni na badaku bɔsu ni, ɔ́su-ma ɔnini, “Bi ɔsu na bilaya na uleku ɔmɛni ɔkɛ atu kesekɔ? Ɔ́bla lɛla lɛbuni úte-mi.

Mateo 9:18

Uwi ɔni na Yesu ɔɔtɛmiku-ma ni, Yudaƒuɔ kasalakɔ lɛlɔ ɔnune ɔdi úbo-nwu kudɔ na ɔ́lɛ akɔnkɔ úvele-nwu ɔnini, “Mina ubi ulekubi úkpi ɔƒaani, nsu bo na eti ƒula enu asia-nwu lɛlɔ na ɔdubɔta.”

Marko 5:22

Na ukyuli ɔni baalɔ Yairo na ɔkya ɔma ɔmmɔ kasalakɔ batɔnkune akɔ ni, úbo mmɔ. Ka ɔ́nu Yesu ni, úboku lɛlɔ kalɔ.

Luka 11:7

“Na banii ƒula ɔkpana ɔmmɔ ɔ́su-ɔ ɔnii, ‘Tebete-mi lɛƒɛda lɛdi! Ami ku mina bebi bɔ́ɔtɛ na bɔ́kalɛ ɔtɔ. Nsɔ lɛɛɛdubo bɔkana bɔta ɔƒɛni bubete-ɔ lɛla lɛdi.’

Luka 7:6

Ɔmɛni ɔsu Yesu ɔ́ta ɔ́siaku-ma. Yesu útagyunku kaduli kammɔ pii ɔdi asa na unengu ɔmɛni ɔ́tala nwuna bakpana ɔnii batásu-nwu banii, “Ati, sɔ tebo abi. Ami ni, ńtamanku ka awɔ ebo-mi kudɔ na mina kaduli.