Luka 8:3 - Katɔti Ɔku Kedee

³ Uleku ɔbambadi lɛnɔ ɔkya-ma akɔ ɔni baalɔ banii Yohana na ɔgyani baalɔ Kusa na útaabla kabla na Ɔga Herode litemi katɛkɔ aani ɔkutine unengu ɔdi kalɛ. Beleku bamba pii ku ɔni baalɔ Susana lɛnɔ básiaku Yesu na béteeti bana akɛla teebunku anwu ku nwuna batɛyane.

Luka 8:3 ပူးပေါင်းရင်းမြစ်များ

Ala Alɛdi 1 29:14

Bi ɔsu na ɔlɛka butaakɛ ebiti ka búti ala amɛni búboku-ɔ ɔsu? Awɔ adi na adi na ƒula ala kani na bɔ́sɔku búboku-ɔ.

Yesaia 23:18

Nsu na kawɔlɔkɔ ni, kɔsia kɔni na Tiro kadi bekyuli bamɛni bákɛ na bana kuye bɔdi kemmo ni, belému-nya belése lɛlɔ kani. Mmomu badubudie-ku bese sɛsɛɛ bete Unwoti na beti babla kabla na beye adala ku adila abuni bete bekyuli bani mɔɔbla Katɔti kabla.

Mateo 14:1

Lebo lɛmmɔ kemmo ni, Herode ɔni mɔɔdi lɛga na Galilea únu Yesu lɛlɔ litemi.

Mateo 14:3

Ɔ́su lɛni ɔsika Herode ɔmɛni náya na béƒie Yohane na ɔ́ya bényimi-nwu na béti-nwu bákya aban ɔtɔ. Herode ɔ́bla ɔmɛni na ɔnwani Ƒilipo ulekudi Herodia ɔsu.

Mateo 14:6

Limeyi lɛdi ni, Herode ɔɔdi nwuna lɛwɔmeyi na ɔ́lɔ bekyuli pii. Na Herodia ubidi ulekubi úbatɔ na bekyuli bammɔ anumi. Ɔmɛni ɔ́da Herode ebiti geen.

Mateo 2:11

Na ka béduo ɔtɔ ɔmmɔ kemmo na bánu ubi ɔmmɔ ku uni Maria ni, bálɛ akɔnkɔ na bémwi-nwu. Na báƒɛnimi bana kɔvumi na béte-nwu ala abuni adi ani ndi sika ugyiedi ku oloƒui ku klobo.

Mateo 20:8

“Amu uwi ɔni na lɛdɔ ɛku líbo ni, kemo ɔlati ɔmmɔ ɔ́su batumane bammɔ lɛlɔ ɔnune ɔnini, ‘Lɔ batumane bammɔ ƒui na aƒɔ-ma kayu. Na ese kalɔ asi bekyuli bekplodi lɛlɔ atálɛ bedeedi lɛlɔ.’

Mateo 25:40

“Amu na Ɔga ɔmmɔ ɔdubudie kenye ɔnini, ‘Mɔɔsu-mii nnii uwi ɔni na bíbunku ukyuli ɔni na bilábu ƒui na mina badi akɔ ni, ami na bɛ́bla bíte.’

Mateo 26:11

Bawabane bakya-mii akɔ uwi biala. Nsu ami ni, ɔɔɔdi uwi biala na ndubɔkya-mii kudɔ.

Mateo 27:55

Amu na beleku pii bani nási Galilea na badi Yesu bebunkune bákya mmɔ. Na benye ɔgyu baanu ala ani nálɛ.

Luka 24:10

Beleku bammɔ ndi Maria Magdalene ku Yohana ku Maria ɔni ndi Yakobo uni. Ama ku beleku babambadi násu batalane bammɔ ala amɛni.

Yohane 12:6

Nsu ɔɔɔdi ɔni na bawabane baakywí-nwu kaƒɔ ɔsu na úye ɔmɛni. Mmomu ka ɔdi uyune na anwu kani mɔɔda bana kavumi, na ɔɔyɔ́ ka nka utaaƒana egulabi ammɔ adi teedie taabla nwuna lɛlɔ ala ɔsu.

Batalane Kabla 13:1

Na Antiokia ni, Blɔti kenye bediene ku ala batinane badi bakya baƒɔtaadine lɛkpa lɛmmɔ kemmo. Na ama ndi Barnaba ku Simeon ɔni bátaalɔ Ukyuli Otondi ku Lukio ɔni nási Kirene ku Manaen ɔni ndi Ɔga Herode ɔvinkpana ɔ́si lɛnamu uwi ku Saulo.

Korintoƒuɔ 2 8:9

Ɔsika bɛgyi kalɛ na Blɔti Yesu Kristo lɛƒɔndia lise. Na ina ka ɔdi Katɔ Ɔga Ubi muedi ni, ɔ́nyonu lɛla biala na bina bɔdia ɔsu kalɛ na ɔkɛ nwuna lɛwaba kemmo na amii bínwini Katɔ Ɔga Ɔma ala bakɛne.

Ƒilipiƒuɔ 4:22

Katɔti bekyuli bani ƒui nkya mɛni beegyele-mii. Ɔni ntulo ndi bekyuli bani nkya Kaesare kaduli. Ɔsia lɛni.

Timoteo 1 5:10

Ɔlɛka bekyuli bataalɔ-nwu lɛnyi lɛbuni na nwuna ala abuni bɔbla ɔsu. Na ɔdi uleku ɔni nányuɛ nwuna bebi kaduɛ na ɔɔƒɔ́ baƒɔ. Ɔlɛka ɔbla uleku ɔni na ubo kɔnu ute nwuna baƒɔtaadine bakpana. Na uute bekyuli ƒui kebunku na bana lɛbibo kemmo. Na sɔsɔ ni, úti nwuna ngba bulie ƒui úte lɛbuni bɔbla.