Luka 8:29 - Katɔti Ɔku Kedee

²⁹ Ukyuli ɔmmɔ ɔ́su ɔmɛni, ɔsika Yesu ɔ́bɔku kɔyu kɔni nlie-nwu lɛlɔ mmɔ, na ɔ́su-ku ɔnii, “Vi lɛ-nwu lɛlɔ kemmo!” Uwi pii kɔyu kɔmmɔ kɔɔdi ukyuli ɔmmɔ lɛlɔ ɔni na si ina bényimi-nwu enu na bébo-nwu kɔgba muedi ni, ɔɔƒɛ abuala ammɔ na kɔyu kɔmmɔ kuukeliku-nwu taatákya ketele kemmo.

Luka 8:29 ပူးပေါင်းရင်းမြစ်များ

Marko 5:8

Ɔ́su lɛni ɔsika únu ka Yesu ɔɔsu ɔnini, “Kɔyu kukpidi, vi lɛ ɔnana ɔmɛni kemmo!”

Luka 8:28

Uwi ɔni na ɔ́nu Yesu ni, ɔ́va momoomo na úƒwimi lɛlɔ ɔ́va kalɔ na Yesu lɛgba kudɔ. Na ɔ́su-nwu ɔnini, “Yesu, Katɔti Ɔni Ntulo Ƒui Ubi! Bi na aawia mina kudɔ mɛni? Buvele nda-a, tani-mi kɔtu.”

Luka 8:30

Yesu úye-nwu ɔnini, “Dɛ na baalɔ-ɔ lɛnyi?” Amu na údie kenye ɔnini, “Ami baalɔ banii Lisu.” Ɔ́su lɛni ɔsika ayu ekpidi pii néduo akya-nwu lɛlɔ kemmo.

Luka 9:39

Kɔyu kukpidi kɔdi kuukpóku-nwu na kɔɔyá na ɔɔva momoomo kɔnakunwi. Ɔɔsinsi lɛlɔ na uuti lɛlɔ taaƒiɛmi kalɔ na avlɔvɔ aalɛ́-nwu kenye. Lɛni na ɔɔbla-nwu laa ɔkplu kemmo asa na kɔyu kɔmmɔ kɔɔnyonu-nwu.

Luka 9:42

Ka ɔnamu ɔmmɔ ɔ́si ɔdubo ni, anwu kani na kɔyu kɔmmɔ kúbo-nwu kɔ́va kalɔ na ɔ́sinsi. Amu na Yesu ɔ́bɔku kɔyu kukpidi kɔmmɔ na ɔ́bwi ɔnamu ɔmmɔ, na ɔ́sɔku-nwu úte ɔti.