Luka 8:24 - Katɔti Ɔku Kedee

²⁴ Batɛyane bammɔ bésie na bátágyila Yesu na básu-nwu banini, “Ati! Bɔdaku bukpi!” Amu na Yesu ɔ́ta únye na údie lɛdi ɔ́bɔku ɔƒɛƒɛɛ ku ntu bɔni mɔɔnwanɛ lɛlɔ mmɔ, na ana ƒui kenye káyɔ na ɔ́bla buɛɛ.

Luka 8:24 ပူးပေါင်းရင်းမြစ်များ

Kɔgya 65:7

Kalɛ na eeboku ɛpu ɔni mɔɔnwanɛ lɛlɔ na uubó ku kudu kalɔ buɛɛ ni, lɛni kani na eeboku kadi bekyuli lɛsɛ lɛni na baakya kalɔ.

Yesaia 50:2

Líbo ḿbawia-mii na ńtanu ɔdi, na lɛ́kpali-mii, nsu ńtenu bina ɔdi kɔku lɛnɔ. Bɛɛbu bɛnii mina ɔyikun ɔni na liti lɛƒɔ-mii ɔ́sa iye ɔ́yii udu na naaakana na maƒɔ-mii ngba? Ami muudie lɛdi na ɛpu ku ntukpa ƒui bɔɔkwii teenwini kalɔ kakwiidi na kɔkpaku kuukpi na kuubun teenwenyi ka básɔ bátakɛ ntu ɔsu.

Yeremia 5:22

Bi ɔsu na útalɛka lɛlɔ litaatɔ-mii na bitaayia-mi ku ɔbu? Ami násia ubili líte ɛpu na ɔ́bala ntu bɔmmɔ. Ntu bɔmmɔ buubó taababwɛ teewi ubili kowodu kɔmmɔ, nsu bulávia teebo kama teetulo kesii kani na lɛ́sia-mu ɔmii.

Nahum 1:4

Si Unwoti údie lɛdi ni, ɛpu ku ntukpa ƒui bɔɔkwii, na aku ani nkya Basan ku Karmel ku Lebanon abi lɛlɔ ƒui egyii ku anwula aayɛyɛ.

Mateo 14:30

Nsu ni, ka ɔ́nu ɔƒɛƒɛɛ ɔni muukpó momoomo ni, liƒu lɛ́da-nwu na úse kalɔ ɔɔnyi ntu bɔmmɔ kemmo. Amu na Petro ɔ́va ɔ́su ɔnini, “Blɔti, die-mi!”

Mateo 8:25

Batɛyane bammɔ bátágyila-nwu na básu banii, “Blɔti, ƒɔ-bu! Bɔdaku bukpi!”

Marko 4:39

Yesu ɔ́ta únye na údie lɛdi na ɔ́su ɔnini, “Ɔƒɛƒɛɛ, da bukpo ya!” Na ɔ́sɔ ɔ́su ntu lɛnɔ ɔnini, “Ntu, bla buɛɛ.” Amu na ɔƒɛƒɛɛ ɔ́da bukpo ɔ́ya, na ntu anumi ƒui bɔ́bla kpoo.

Luka 4:35

Amu na Yesu ɔ́bɔku kɔyu kɔmmɔ ɔnini, “Ba lɛsɛ! Na avi alɛ ukyuli ɔmmɔ lɛlɔ kemmo!” Amu na kɔyu kukpidi kɔmmɔ kúƒwimi ukyuli ɔmmɔ ɔ́ƒiɛmi kalɔ na bana anumi, na kɔ́vi kɔ́lɛ-nwu lɛlɔ kemmo kɔ́tɔlɔ. Nsu ukyuli ɔmmɔ útaƒɔ ɔlɛ ɔdi.

Luka 4:39

Amu na úsie uténye-nwu kudɔ na kesii kani na ɔtɛ, na ɔ́bɔku ɔlɛ ɔmmɔ. Na kɔnakunwi ni, ɔlɛ ɔmmɔ ɔ́ba-nwu na ɔ́ta únye na úsie kalɔ ɔɔnwá teete-ma.

Luka 5:5

Na Simon údie kenye ɔnini, “Ati, usien umodi ɔmɛni bɔ́bla kabla ku lɛnungyie na bútedie lɛla lɛdi. Nsu ni, ndubɔya na buwi lɛsawu lɛmmɔ aani kalɛ na ásu.”

Luka 8:25

Na úye batɛyane bammɔ ɔnini, “Bi ɔsu na biiibo bɔƒɔtaadi?” Nsu bunye kani na benye yaa, na liƒu lɛnɔ lɛ́da-ma. Na béye lɛlɔ banini, “Ukyuli ɔmani na ɔdi mɛni bɔdi? Ɔɔtɛmi teete ɔƒɛƒɛɛ ku ɛpu ntu bɔni mɔɔnwanɛ lɛlɔ na beenú-nwu litemi!”