Luka 8:15 - Katɔti Ɔku Kedee

¹⁵ Na edula ani nálɛ ébo kalɔ kabuni lɛlɔ ni, ese aani bekyuli bani muunú litemi lɛmmɔ teeti-ni taada ku kayi nwaa. Na beeboku lɛlɔ kalɔ na beenye momoomo teetédu kawɔlɔkɔ kalɛ na banwu ebi pii.

Luka 8:15 ပူးပေါင်းရင်းမြစ်များ

Kɔgya 119:11

Lɛ́klibi ƒula litemi lɛ́kya mina kayi kemmo kalɛ na naaabla likpidi lɛdi naaaƒiɔ-ɔ.

Kɔgya 51:10

Katɔti, bla-mi ukyuli ɔwɔdi na linye kpakplaa uwi ndi uwi na ntaabla ala siin.

Agba 3:1

Mina ubi, tayiƒala ala ani na lɛ́tina-a. Mmomu da mina ɔda bubo kya ƒula kayi kemmo.

Yeremia 15:16

Uwi ɔni na átɛmiku-mi ni, ebiti áda-mi geen ka lɛbla lɛsiaku lɛni kani, ɔsika awɔ Unwoti Ɔyikune Ƒui ɔdi na ndi.

Yeremia 31:33

“Bunyimi bɔni na ami Katɔti mɔɔsu ka ndubo bunyimiku-ma na uwi ɔni ndubo kemmo ndi ɔmɛni. Ndubuti mina ɔda bubo lɛkya-ma kayi kemmo. Na ndubunweni-mu lɛsia-ma kasusu lɛlɔ Ndubɔbla bana Katɔti na ama lɛnɔ babla mina bekyuli.

Yeremia 32:29

Na Babilonƒuɔ bekpone báata kekpo sɔsɔ na badubo ɔma ɔmmɔ bɔbwɛ na batu ogya bakya-nwu. Yerusalemƒuɔ bákya-mi kɔnyi geen na uwi ɔni na bákɔ bésie bana asa eli bátakyula oloƒui béte Baal baƒiɔ na beewi ntɛ kalɔ teete baƒiɔ bamba. Ndubo bɔya na bakyula lɛtɔ lɛmmɔ bewi kalɔ ɔƒaani!

Mateo 24:13

Na ukyuli ɔni ndubɔkya ɔkplu utálɛ kawɔlɔkɔ ni, Katɔti ɔdubute-nwu ngba ƒui.

Luka 11:28

Amu na Yesu údie kenye ɔnini, “Bekyuli bani muunú Katɔti litemi na baabla taasiaku-ni lɛlɔ mmomu na lɛlɔ lɛyɔ!”

Luka 6:45

Ukyuli ɔbuni ni, ala abuni na uudie taalɛku nwuna akɛla abuni ani nkya nwuna kayi kemmo. Na ukyuli ukpidi lɛnɔ uuboku akɛla ekpidi ani nkya-nwu kayi kemmo. Ɔsika ala ani néyi ukyuli kayi kemmo ni, anya na nwuna kenye kaasu.

Luka 8:14

Edula ani nálɛ ébo liyu livo akɔ ni, ese aani bekyuli bani muunú litemi lɛmmɔ, nsu kayawi lɛƒɛda ku lɛlakɛ ku kayawi kamɛni ebiti aatú taabali-ma, na alaya na ebi ammɔ egyie na baƒɛ-nya.

Luka 8:16

“Ukyuli ɔdi ulátu asogya teebi-nwu ala iye uti-nwu utábɛla ɔkya lɛla lɛdi kalɔ. Mmomu ɔɔkɔliku asogya ɔmmɔ taasia katɔ likpo lɛni maya na wekeye wewi kesii biala. Na ukyuli biala ɔni muuduo ɔtɔ ɔmmɔ kemmo ɔnu nwaa.

Yohane 14:15

“Si bɛɛyɔ́-mi ni, bɛdubɔdi mina ɔda bubo lɛlɔ.

Yohane 15:10

Si bɛɛdi mina ɔda bubo lɛlɔ ni, bɛdubulieku-mi na ndubɔyɔ-mii uwi ƒui. Lɛni kani na lɛ́di mina Ɔti ɔda bubo lɛlɔ na nliku-nwu, na ɔɔyɔ́-mi uwi ƒui.

Romaƒuɔ 2:7

Bekyuli bani mɔɔkya lɛbuni bɔbla ɔkplu na basiaku bukeye ku bumwi ku ngba bɔnii nsɔ naaadubo bɔsa kudii kama ni, Katɔti ɔdubɔya na bakɛ ngba ƒui bɔmmɔ.

Romaƒuɔ 6:22

Nsu ɔƒɛni ni, bɛ́lɛ ekpidi enu kemmo na bɛ́kɛ bɔnwuna. Na bínwini Katɔti kabla bablane. Ɔmmɔ ɔsu kɔsia kɔni na bɛɛkɛ́ ndi ɔni na bíti lɛlɔ bíte-nwu ƒui na bɛɛbla kedee kalɛ na bɛkɛ ngba bɔni nsɔ naaadubo bɔsa kudii.

Romaƒuɔ 7:18

Na ngyi ka na mina lɛlɔ kemmo ni, lɛla lɛbuni lɛdi biala liiibo. Na mɔɔsu ɔmɛni taasiku mina ɔlɔna udu ɔkukudi ɔmmɔ lɛlɔ. Ɔsika mɔɔyɔ́ geen ka nka lɛbla lɛbuni, nsu naaakana-ni bɔbla.

Romaƒuɔ 7:4

Mina banwa, lɛni kani na use ute amii lɛnɔ. Ɔsika na ɔda bubo bɔmmɔ kenye ni, ɔɔtina aani si bíkpi uwi ɔni na Kristo úkpi. Na bɛkana bilieku ukyuli bamba. Anwuɔsu bínwini ukyuli ɔni na Katɔti ɔ́gyila ɔ́lɛku bekpine akɔ mmɔ kalɛ na bula kelie kalɛ ku ala abuni keyi ete Katɔti.

Romaƒuɔ 8:25

Nsu si bula anumi asia ala ani na bula anumi alanu lɛlɔ ni, na bɔɔkɛ́ kayi buɛɛ taanu-nya ulu.

Korintoƒuɔ 1 7:19

Ɔsika si ɔdi ékulo lego iye étekulo lego ni, ɔmmɔ ɔɔɔda. Mmomu kalɛ na abla lɛla lɛni na Katɔti ɔ́su-bu ka bɔbla ni, anwu nda.

Eƒesoƒuɔ 2:8

Ɔsika Katɔti lɛƒɔndia ɔsu na bɛ́kɛ ngba bɔƒɔ. Na útasi amii alati kudɔ. Mmomu ɔ́si Katɔti bɔƒɔtaadi litela lɛni na úte-mii ɔsu.

Lɛkpa Ulu 30:6

Bina Unwoti Katɔti ɔdubɔya na binu lɛlɔ kalɔ na bina kayi kemmo amii ku bina bawɔ kalɛ na biteenu-nwu litemi na bitaayɔ-nwu ku bina kayi ƒui. Na ɔmɛni ndubɔya na bilie kalɔ kammɔ lɛlɔ bítu uwi.

Ƒilipiƒuɔ 1:11

Na bɛnwu ebi ani mɔɔtina ka bise siin na bina ngba bulie kemmo ka bɛ́ƒɔ Blɔti Yesu Kristo bɛ́di ɔsu, na biti ɔbu ku bumwi bite Katɔti.

Koloseƒuɔ 1:10

Ɔmɛni ndubɔya na bɛti bina lɛlɔ bɔda na bilie ngba bɔni na Blɔti ɔɔwia. Na bina ngba bulie ɔbladu biala ɔbla ɔbuni. Na ɔdubo-mii bubunku na bitaati Katɔti teebu.

Koloseƒuɔ 1:6

Litemi buni lɛmɛni ala abuni amu aalɛ́ku bekyuli na liigyingya na kayawi ekpo ƒui aani kalɛ na ɔ́lɛku-mii uwi ɔni na bínu Katɔti kɔnyana bɔnu litemi geen lɛmmɔ kudeedi, na bɛ́nu bɛ́ti kalɛ na Katɔti ɔɔyɔ́-mii.

Hebriƒuɔ 10:36

Ɔdi ka binye kpakplaa kalɛ na si bɛ́bla lɛla lɛni mɔɔyɔ́ Katɔti kaƒɔ bɛ́wɔlɔ ni, na bina kɔnu kutuku linyese lɛmmɔ.

Hebriƒuɔ 2:1

Ɔmɛni ɔsu na ɔdi ka bɔbla bɔsiaku ala ani na búnu lɛlɔ kaduɛ na bɔda-nya kpakplaa kalɛ na bulayii ulu geen ɔmmɔ.

Yakobo 1:4

Bɛya na kalɛ na binye kpakplaa mɛni usie anumi ubu na ɔlɛ-mii kɔsia ɔwɔlɔ. Na bɛbla baƒɔtaadine babuni bani na lɛbuni bɔbla bɔ́ƒɔ-ma lɛlɔ kemmo ƒui.

Yohane 1 2:3

Si bɔɔdi Katɔti ɔda bubo lɛlɔ ni, bɔgyi nwaa ka bɔ́ti-nwu.