Luka 8:13 - Katɔti Ɔku Kedee

¹³ Na ani nálɛ ébo atakpɛ lɛlɔ ni, ese aani bekyuli bani na bénu litemi lɛmmɔ na báƒɔ-ni ku ebiti mmɔ kani, nsu líteduo-ma lɛlɔ kemmo geen. Anwuɔsu baaƒɔ́ taadi uwi klukui kemmo kani. Na si uwi ɔni na bukpoku taanu bɔdi búbo ni, baayuɛ.

Luka 8:13 ပူးပေါင်းရင်းမြစ်များ

Hiob 19:28

“Ngyi ka binye bɛɛwia ulu ɔni lɛlɔ na bɛsia na bikpoku-mi, ɔsika bɛɛsu bɛnii ala amɛni ƒui kakwɛkɔ kási ami ɔlati.

Agba 12:12

Beyune ni, bana lɛlɔ ala ani na buyu na bétéyu-nya muedi eegyie bana lɛlɔ anumi. Nsu bekyuli babuni ni, ama alati mɔɔnwu bana ebi.

Agba 12:3

Ulikplu ala bɔbla buléboku keliela buni ku atu bɔyɔ. Mmomu bekyuli babuni muudie lidu teesie ɔgyu.

Yesaia 58:2

Baakɔ́ taayu limeyi ndi limeyi banii ami na baasiaku. Na beekpóku lɛlɔ aani si mina litemi na baawia batɛya. Na baatina lɛlɔ aani kadi bani bekyuli mɔɔwia ka babla lɛbuni na baadi mina ɔda bubo lɛlɔ. Baawia ka lɛni lide-ma suɛlɛ suɛlɛ na lɛtɛ litemi na ulu lɛlɔ siin lite-ma, na baasu ka lɛlɔ lɛɛyɔ́-ma ka bataasiaku-mi.

Esekiel 33:32

Bɔnu kani na baanu-ɔ aani ukyuli ɔni muudie bɔyɔ lɛnu taagya ala. Na beenú, nsu balabla lɛla lɛla taasiaku lɛla lɛni na aasu-ma lɛlɔ.

Hosea 6:4

Unwoti ɔnini, “Amii Israelƒuɔ ku Yudaƒuɔ, bi na bɛnii mblaku-mii? Bina bɔyɔ bɔni na bibo bite-mi ni, buse kani buse aani ulɔyɔ iye ɔtanta amii ani mɔɔyii taakya si ɔƒɛ ɔ́tu na kadi kaata.

Marko 6:20

Nsu ulákana na Herode ɔsu. Ɔsika Herode útaayia Yohane, na ɔgyi ka Yohane ɔdi ukyuli ɔni nse siin na use kedee. Anwuɔsu útaagyumana-nwu. Ɔ́yɔ ka uteenu-nwu ala bɔtina uwi ndi uwi ina ka nwuna litemi líteekpoku-nwu kayi si únu-ni.

Luka 8:12

Na edula ani nálɛ ébo ulu kɔtu ese aani bekyuli bani muunú, nsu ukisine uubo taabada litemi lɛmmɔ teedie-ma kayi kemmo. Na ɔ́ya-ma na balakana bɔƒɔ bɔdi na Katɔti ɔƒɔ-ma ngba.

Luka 8:14

Edula ani nálɛ ébo liyu livo akɔ ni, ese aani bekyuli bani muunú litemi lɛmmɔ, nsu kayawi lɛƒɛda ku lɛlakɛ ku kayawi kamɛni ebiti aatú taabali-ma, na alaya na ebi ammɔ egyie na baƒɛ-nya.

Yohane 15:2

Ɔɔmɛnɛ kagba biala kani naaakana bɔnwu teedie kɔgba kɔkladi akɔ. Na ɔɔƒiala kɔgba kɔni mɔɔnwu lɛnɔ kemmo kalɛ na kuna akɔ kɔbla nwaa na kɔkana kutaanwu kaduɛ.

Yohane 15:6

Ukyuli biala ɔni neeeliku-mi ni, use aani kugyii kagba kani békulo bávaakun na kákwii. Na kɔgba kɔmmɔ udu ni, bɔsala na baasála-ku taakya ogya na kɔkywi.

Yohane 5:35

Yohane úkeye aani ogya ɔni mɔɔda. Na nwuna bukeye bɔmmɔ bɔ́da-mii ebiti uwi klukui ɔdi kemmo.

Korintoƒuɔ 1 13:2

Na si muudie Katɔti kenye na muunú abɛla ku lɛlati ƒui kalɔ, na mbo bɔƒɔtaadi bɔni na lɛkana na lɛ́gyu abi muedi na ana kenyekɔ nsu naaayɔ bekyuli ni, lɛɛɛdi lɛla lɛdi.

Korintoƒuɔ 1 15:2

Na ani ndi litemi buni lɛmmɔ na nina lɛsa na lɛ́kɔ líte-mii. Litemi lɛmmɔ ndubɔƒɔ-mii ngba si bɛ́da-ni kpakplaa amu ntu ukpludi na bɛnii bɛ́ƒɔ-ni bɛ́di.

Galatiƒuɔ 3:1

Amii Galatiƒuɔ alati bilákali ɔmɛni bilanu! Ɔma néƒie-mii kasusu úbo likpo lɛni? Ɔsika bina anumi na lɛ́su-mii Kristo kukpi na ugyii lɛlɔ litemi.

Galatiƒuɔ 3:4

Na abi ani na bíbo ni, bɛɛyɔ́ ka abla ukpludi? Nsu nka ɔɔɔdi ukpludi nɔɔ!

Eƒesoƒuɔ 3:17

Na muuvele nnii Kristo ɔsia bina bɔƒɔtaadi lɛlɔ na ulie-mii kayi kemmo kalɛ na si bina bɔyɔ bɔni na bibo búdie litu na bɔda kalɔ kpakplaa aani kugyii kalɛ ni,

Koloseƒuɔ 1:23

Anwuɔsu ɔdi ka binye kpakplaa na bina bɔƒɔtaadi kemmo, na bitaya na enu aƒɛ-mii na bɛyila lɛnunsia lɛni bibo ɔ́si uwi ɔni na bínu litemi buni lɛmmɔ. Na ɔdi litemi buni lɛni lɛsa na lɛ́kɔ líte bayawine ƒui. Na ani ɔsu na ami Paulo ḿbenwini Katɔti kabla ɔblane.

Koloseƒuɔ 2:7

Binye kpakplaa na nwuna kemmo aani kalɛ na kugyii ugyiitu ɔɔnyí kalɔ kemmo. Na bina bɔƒɔtaadi buteesie anumi teebu aani kalɛ na bɔ́tina-mii mmɔ. Na bitaagya Katɔti enu uwi ndi uwi.

Tesalonikaƒuɔ 1 3:5

Ala amɛni ɔsu na lɛ́tala Timoteo nnii ubanu si bɛmu bɛda bɔƒɔtaadi bɔmmɔ kpakplaa. Ɔsika litemi lɛmɛni liléte-mi bɔlɛɛ. Na mɔɔyia ka ɔƒɛni kalɛ ukisine ɔmmɔ úbo úbeƒu-mii kasusu na bula lɛbibo ƒui lɛ́bla keeke.

Timoteo 1 1:19

Da ƒula bɔƒɔtaadi kaduɛ kalɛ na ƒula kayi kaládu-ɔ kɔtɔ. Ɔsika bekyuli bani na bétenu bana kayi bɔlɛ ni, bayii bana bɔƒɔtaadi ulu.

Hebriƒuɔ 10:39

Nsu abu ni, bɔɔɔdi bekyuli bani muunwíni bula bɔƒɔtaadi kama na bɔyii udu. Mmomu bɔ́ƒɔ bɔ́di, na Katɔti ɔ́ƒɔ-bu.

Yakobo 2:26

Anwuɔsu ni, kalɛ na ɔlɔna ɔni kemmo na kɔyu kuuubo ɔdi ukpine ni, lɛni kani na si áƒɔ ádi na ƒula bɔƒɔtaadi bulábla kabla kadi ni, bɔƒɔtaadi bɔmmɔ búkpi.

Petro 2 2:20

Si bekyuli bávumana kayi na Katɔti údie-ma ɔ́lɛku ala ani muukpóku-ma ƒui kudɔ ka báƒɔ Blɔti ku Ɔƒɔne Yesu Kristo asa na básɔ bénwini bésie belie bana ngba kuuku bɔmmɔ ni, bana ablala eebie teetulo kalɛ na úse kalɔ kesekɔ ƒui.

Petro 2 2:22

Sɔsɔ na ɔdi ka agba ani na bébo ébo éte lɛni na bana lɛlɔ ka akpewe ɔsɔ uuti nwuna kɔdala taadi, na ɔplakuo ɔni na bákpila-nwu ɔsɔ uunwíni taatákpi aba.

Yohane 1 2:19

Na bekyuli bamɛni bálɛ bula lɛkpa lɛmɛni kemmo, ɔsika baaadi bula badi. Na si bula bekyuli na badi ni, nka bamu bakya-bu akɔ. Nsu bana bɔtɔlɔ bɔmmɔ bɔ́tina geen ka bana akɔ ɔdi biala ɔɔɔdi bula badi.

Yuda 1:12

Badi bekyuli bani ablala mɔɔyá na bina kasala keesé lɛlɔ si bɛ́sala bɛɛdi Blɔti adila ammɔ. Beedie lɛlɔ na ama lɛti baadi teemo kalɛ na baayɔ́. Bese aani ɔnantu ɔni nánwu, nsu ulána kudii, na ɔƒɛƒɛɛ kani muubó-nwu taavinku. Na bese lɛnɔ aani egyii ani naaanwu ina egyiibi bɔnwu uwi muedi. Bese aani egyii ani na bágyu-nya ku ligyiitu na ékpi ƒui.