Luka 7:50 - Katɔti Ɔku Kedee

⁵⁰ Amu na Yesu ɔ́su uleku ɔmmɔ ɔnini, “Ƒula bɔƒɔtaadi búdie-ɔ, ɔsu teesie ku keyi buɛɛ.”

Luka 7:50 ပူးပေါင်းရင်းမြစ်များ

Etemila 9:7

Di adila na ani na akya lɛlɔ kubiti, ɔsika Katɔti nése ɔmɛni úse úte ukyuli ɔ́si kukuuku.

Habakuk 2:4

Ukyuli biala na ɔɔtalaku lɛlɔ katɔ ulelie ngba. Nsu bani mɔɔsiaku-mi kama siin ni, badubulie ngba na bana bɔƒɔtaadi kemmo.

Mateo 9:22

Yesu únwini na ɔ́nu uleku ɔmmɔ na ɔ́su-nwu ɔnini, “Kɛ kayi, mina ubi ulekubi! Ƒula bɔƒɔtaadi bɔ́bwi-ɔ.” Mmɔ kani ɔlɛ ɔmmɔ ɔ́ba-nwu.

Marko 10:52

Amu na Yesu ɔ́su-nwu ɔnini, “Teesie. Ƒula bɔƒɔtaadi bɔ́bwi-ɔ.” Na kɔnakunwi ni, nwuna anumi ébimi na úse kalɔ ɔɔnu. Amu na ɔ́siaku Yesu, na bana ƒui bátɔlɔ bésie bana ulu.

Marko 5:34

Yesu ɔ́su-nwu ɔnini, “Mina ubi ulekubi, ƒula bɔƒɔtaadi bɔ́bwi-ɔ. Teesie ku keyi buɛɛ. Na ƒula lɛbibo lɛmmɔ lɛsɔ lilebo-ɔ lɛlɔ.”

Luka 17:19

Amu na Yesu ɔ́su-nwu ɔnini, “Ta nye, na eteesie. Ƒula bɔƒɔtaadi náya na ƒula ɔlɛ ɔ́ba-a.”

Luka 18:42

Mmɔ na Yesu ɔ́su-nwu ɔnini, “Amu sɔ taanu! Ƒula bɔƒɔtaadi bɔ́bwi-ɔ.”

Luka 7:9

Ka ɔ́su lɛni ni, ɔ́bla Yesu kalɛ kadi. Amu na únwini na ɔ́su bekyuli lisu lɛni nsiaku-nwu ɔnini, “Mɔɔyá-mii bɛti ka ni, ńtanu bɔƒɔtaadi bɔmɛni udu na Israelƒuɔ akɔ muedi dii!”

Luka 8:18

“Bɛnu lɛlɔ kemmo kaduɛ na kalɛ na biinú etemila lɛlɔ. Na ukyuli ɔni muunú na únu kalɔ ni, ɔdubunu kalɔ ubu. Na ukyuli ɔni neeese atu ni, libliidi lɛni na ɔɔbu ɔnii únu muedi ni, badubɔƒɔ-ni na nwuna kudɔ.”

Luka 8:42

ɔsika ubidi ulekubi unwi ɔni na ɔdubɔƒɔ aani akwa leevu-anyɔ ni, ɔtɛ ɔlɛ ɔdaku bukpi. Ka Yesu ɔkɛ úsela ni, lɛni na bekyuli baanwanɛ lɛlɔ ka bani bede-nwu.

Luka 8:48

Ɔmɛni ɔsu Yesu ɔ́su-nwu ɔnini, “Mina ubi uleku, ƒula bɔƒɔtaadi bɔ́bwi-ɔ. Teesie ku keyi buɛɛ.”

Samuel 1 1:17

Mmɔ ni, Eli ɔ́su-nwu ɔnini, “Teesie ku keyi buɛɛ. Na Israel Katɔti ɔdubɔbla lɛla lɛni na aawia ute-ɔ.”