Luka 7:46 - Katɔti Ɔku Kedee

⁴⁶ Awɔ étete-mi nnɔmii bɔdi anii nkya lili. Nsu anwu úti nnɔmii ƒɛƒɛɛ úwi-mi lɛgba ƒui.

Luka 7:46 ပူးပေါင်းရင်းမြစ်များ

Samuel 2 12:20

Mmɔ kani na Dawid ɔ́ta kɔnakunwi. Na ka útákpi ntu ɔ́wɔlɔ ni, ɔ́wɛɛ ala ƒɛƒɛɛ na ɔ́vumana nwuna adala na úsie útákpa na Unwoti kakpakɔ na. Ɔmmɔ kama únwini úsie kaduli na úye na béboku-nwu adila na ɔ́di.

Samuel 2 14:2

Ɔmmɔ ɔsu ɔ́tala ukyuli ɔdi na Tekoa ɔma kemmo ka batálɔ uleku ɔnundane ɔdi na ɔkya mmɔ béboku-nwu. Ka uleku ɔmmɔ úbo ni, Yoab ɔ́su-nwu ɔnini, “Bla lɛlɔ aani ukyuli ɔni na kukpi kɔ́du na uuwulo kɔnyana. Na ada kukpi ala na tawɛɛ nnɔmii ƒɛƒɛɛ iye ugyulo ɔbuni ɔdi. Na abla lɛlɔ aani uleku ɔni kukpi kɔ́du-nwu na ɔkya kɔnyana kemmo uwi gyɔlɔɔ mɛni.

Kɔgya 104:15

Ɔɔkɛ́ ntɛ bɔni mɔɔkya-nwu kayi ebiti ku nnɔmii bɔni mɔɔyá nwuna anumi ekeye ku adila ani muute-nwu ɔlɔkplu.

Kɔgya 23:5

Aayá muuwi lɛlɔ buɛɛ taadi adila abuni teemo uwi ɔni na mina bekisine benye baanu. Eewi-mi nnɔmii lili na aanu-mi lɛlɔ geen aani kalɛ na baabla lɛƒɔ teete ɔbune. Na áya na mina ɔɔƒɛɛ úyi ku atu.

Etemila 9:8

Tada lɛlɔ tese kalɛ kalɛ mmomu da lɛlɔ na egyeli lili na aklibi lɛlɔ kaduɛ.

Daniel 10:3

Na ńtadi lɛla lɛbuni lɛdi iye lɛkun lɛna. Na ńtani ntɛ bɔdi lɛnɔ, na ńtawɛɛ nnɔmii bɔdi anumi iye lɛkya-mu lili lɛnɔ.

Amos 6:6

Na si ntɛ bɔkya wɛ bɛdubo bɔya na beti-mu beboku-mii na bɛni-mu ɔdivo kemmo bɛsia kama. Na bɛɛwɛɛ ligyulo ƒɛƒɛɛ lidu lidu lɛni náƒɔ kuye na bɛɛɛdaku-ni si bɔbwɛ Israel kalɔ kemodi kammɔ kaabwɛ.

Mika 6:15

Bɛdubo bɔtuma, nsu bɛɛɛdubo edula ammɔ bɔƒɛ. Na ndubɔya na bidie nnɔ kaduɛ, nsu amii alati bileti-mu bilabla lɛla lɛdi. Na bɛdubo egyiibi bubulo na bidie ntɛ, nsu bilákɛ-mu biláni.

Mateo 6:17

Si biilie kɔka ni, bɛƒɔ anumi na bigyeli lili.

Luka 7:47

Anwuɔsu mɔɔsu-ɔ ka ni, na bɔyɔ bɔni na údie ɔ́tina-mi ɔsu ni, ɔ́kɛ nwuna ekpidi pii ani na ɔ́bla ƒui buti taakyiɛ. Na ukyuli ɔni na blii na béti bákyiɛ-nwu ni, nwuna bɔyɔ lɛnɔ buse blii.”

Rut Keliela Ɔku 3:3

Anwuɔsu ta na awia ntu bɔdi na akpi, na awia oloƒui ƒɛƒɛɛ ɔdi awɛɛ, na eti ƒula awu ani mɔɔdia bɔnu teetulo akya. Na eteesie kesii kani na beebó edula ammɔ. Nsu taya na Boas ɔnu ɔti ka akya mmɔ uti utédu ka ɔ́wɔlɔ.