Luka 7:41 - Katɔti Ɔku Kedee

⁴¹ Amu na Yesu úse kalɔ na ɔ́su-nwu ɔnini, “Ukyuli ɔdi ɔ́kya ɔni muuvó egulabi teete bekyuli, na nkyuli inyɔ badi bada-nwu kayu. Unwi ɔda egulabi bumomo ɔni mabla aani kɔbuli kunwi lɛyuƒɔla kayu. Na unyɔdi ɔda abuli leevu lɛyuƒɔla kayu.

Luka 7:41 ပူးပေါင်းရင်းမြစ်များ

Yesaia 50:1

Ɔmmɔ kama ni, Unwoti úye nwuna kadi bekyuli ɔnini, “Bi mɔɔtina ka lɛ́nyonu-mii aani kalɛ na ɔnana ɔɔnyonu ulekudi? Munuu bɛɛkali ka buti na líti-mii líye aani kalɛ beeti bebi teeye banii beténwini ukyuli ɔdi kabla bablane na kayu kadi kenye? Oowo, mmomu bina likyulikpi ku alaekpidi ɔsu na béƒie-mii bátɔlɔku bésienku kaƒɔ.

Yeremia 3:11

“Ɛbɔ Israel kadi bekyuli ɔdi, ɔsika ama básɔ bátanyi ɔkɔ bamba ɔdi banii beesé-mi lisusu lɛdi.

Bumomo Bɔka 27:3

“Bula ɔti úkpi na ketele kalɔ kakwiidi kemmo ɔni na útawɔ ubi ɔnanabi ɔdi. Na lɛnɔ uuubunku Kora kama basiakune bani náta bénye Unwoti lɛlɔ. Na anwu ɔlati likpidi kukpi na úkpi.

Mateo 18:28

“Amu ka ɔnana ɔmɛni ɔ́lɛ ni, útánu nwuna kabla ɔblane ɔkpana ɔni nda-nwu abuli atɛ lɛyuƒɔla kayu. Amu na úƒie-nwu na ɔ́da-nwu limɔ ɔ́mana momoomo na ɔ́su-nwu ɔnini, ‘Ƒɔ-mi kayu kani na ada-mi!’

Mateo 6:12

Na eti bula ekpidi akyiɛ-bu aani kalɛ na buuti taakyiɛ bani mɔɔƒiɔ́-bu.

Marko 6:37

Yesu ɔ́su-ma ɔnini, “Amii bite-ma lɛla lɛdi na badi.” Amu na básu-nwu banini, “Ɔmmɔ ɔdubɔƒɔ aani ukyuli abuli maane lɛyuƒɔla! Aayɔ́ ka bubile ɔmɛni na bodobodo lɛti pɛ lɛlɔ bute bana bɔdi?”

Luka 11:4

Na eti bula alaekpidi akyiɛ-bu, ɔsika abu lɛnɔ buuti taakyiɛ ukyuli biala ɔni mɔɔƒiɔ́-bu. Na taya na buduo bukpoku taanu kemmo. Na edie-bu alɛku alaekpidi akɔ.’ ”

Luka 12:48

Nsu kabla ɔblane ɔni naaagyi lɛla lɛni na nwuna Unwoti ɔɔwia ka ɔbla nsu ɔ́bla lɛla lɛni na bani-nwu kɔtu ni, nwuna kɔtu bɔni bɔɔbla blii suɛ. Si ukyuli ɔni na béte-ɔ ala pii ni, lɛni kani na ɔlɛka abla ala pii. Na ukyuli ɔni na béte-ɔ ala pii betulo ni, lɛni kani na ɔlɛka abla kabla pii etulo.

Luka 13:4

Na nkyuli leevu-maane bani na Siloa ɔtɔ ubendi ɔmmɔ ɔ́ƒɛ úbo na békpi nɔɔ? Bɛɛkali ka ɔmɛni ɔsu ama ndi bekyuli bekpidi ntulo ama bani nli Yerusalem mmɔ ƒui?

Luka 7:40

Amu na Yesu údie ɔ́lɛ-nwu na ɔ́su-nwu ɔnini, “Simon, mbo lɛla lɛdi na ndubo-ɔ bɔsu.” Amu na Simon ɔnini, “Ala ɔtinane, taasu-mi lɛla lɛmmɔ.”

Luka 7:47

Anwuɔsu mɔɔsu-ɔ ka ni, na bɔyɔ bɔni na údie ɔ́tina-mi ɔsu ni, ɔ́kɛ nwuna ekpidi pii ani na ɔ́bla ƒui buti taakyiɛ. Na ukyuli ɔni na blii na béti bákyiɛ-nwu ni, nwuna bɔyɔ lɛnɔ buse blii.”

Romaƒuɔ 3:23

Bekyuli ƒui bábla likpidi, na bátamanku ka bakɛ Katɔti lɛgadi bukeye.

Romaƒuɔ 5:20

Ka ɔda bubo bɔmmɔ búbo ni, bɔ́ya na bekyuli bánu bana ekpidi báti bébu. Na si bɔ́nu bula alaekpidi pii ani na bɔ́bla bɔ́ti ni, mmɔ kani na bɔdubɔnu Katɔti kɔnyana kɔni na ubo úte-bu lɛnɔ bɔti bubu.