Luka 7:39 - Katɔti Ɔku Kedee

³⁹ Ka Ƒarisini ɔni nálɔ Yesu bɔdi ɔ́nu ɔmɛni ni, ɔ́bla kasusu ɔnii, “Si ukyuli ɔmɛni ɔdi Katɔti kenye udiene geen ni, nka ɔlɛka ɔnu ɔti uleku ɔni udu nébo uutuku-nwu mɛni, na ɔti lɛyalɛ ngba bɔni lɛnɔ na ulie!”

Luka 7:39 ပူးပေါင်းရင်းမြစ်များ

Baga 2 5:20

Amu na Elisa kabla ɔblane ɔni baalɔ Gehasi ɔ́su lɛlɔ ɔnini, “Aa, mina ati ɔ́nyonu Naaman, Siriani ɔmɛni, na ɔ́tɔlɔ na útaƒɔ lɛla lɛdi. Na Unwoti ɔni nli ngba mɛni anumi ni, ndubukeli lɛsiaku-nwu kama na ntáƒɔ lɛla lɛdi lɛsiku-nwu kudɔ.”

Agba 23:7

Badubɔsu-ɔ banini, “Di na ani,” nsu ɔɔɔdi ku bana kaƒɔ ƒaa. Benye baabu ala ani na aadi akunta kalɛ na édu.

Yesaia 65:5

Bekyuli bamɛni mɔɔsu bekyuli bamba banii batani betede-ma, ɔsika ama bese sɛɛn na belese lɛlɔ aani bana bakpana. Nsu geen ni, bekyuli bamɛni bese aani uyɔ na mina enwu kemmo na bese aani ogya ɔni mɔɔda limeyi limodi.

Mateo 20:16

Amu na Yesu ɔ́wɔlɔ ɔnini, “Lɛni geen na bekyuli bani ntɔ badubɔvi bakpɛ kama, na bani nkpɛ kama bavi batɔ.”

Mateo 21:11

Na bekyuli bamba bédie kenye banini, “Ɔmɛni ndi Katɔti Kenye Udiene Yesu ɔni nási Nasaret na Galilea kalɔ lɛlɔ!”

Marko 7:21

Ɔsika ukyuli kayi kemmo na kasusu kekpidi kaasí, na aka mɔɔyá na ɔɔbla ala ani naaadia. Na ala ammɔ ndi lɛyalɛ bɔbla ku kuyu ku ukyuli bɔdu ku kɔsɔnɔ bɔdi ku

Luka 12:17

Ɔmɛni ɔsu ɔ́bla kasusu ɔnii, ‘Ka liiibo kesii kani makya mina edula amɛni ni, bi na ɔlɛka lɛbla?

Luka 15:2

Mmɔ na Ƒarisiƒuɔ ku ɔda bubo ala batinane bése kalɔ beetemi teewi-nwu na bana lɛlɔ kemmo banii, “Ukyuli ɔmɛni ɔɔƒɔ́ alaekpidi bablane na anwu ku-ma baadi muedi!”

Luka 16:3

“Mmɔ na kabla ɔblane ɔmmɔ ɔ́su lɛlɔ ɔnii, ‘Mina Unwoti ɔdubo-mi bɔgya na mina kabla kemmo. Bi na ndubo bɔbla? Liiibo ɔyikun na makana kalɔ bubeyi. Na ala buvele lɛnɔ buukpó-mi kɔƒa.

Luka 18:4

“Ɔbla uwi pii ni, litemi ɔtɛne ɔmmɔ úni na útabla lɛla lɛdi na litemi lɛmmɔ lɛlɔ. Nsu kawɔlɔkɔ ni, ɔ́su nwuna lɛlɔ ɔnini, ‘Ina ka naaayia Katɔti na naaaƒalɛ ukyuli ni,

Luka 3:8

Bɛtina na bina ɔbladu kemmo ka bínwini kama bɛ́kya bina alaekpidi. Na bitakali ka Abraham kaba kemmo bebi bɛdi ɔsu ni, Katɔti ɔɔɔdubo-mii kɔtu bɔni. Mɔɔsu-mii nnii Katɔti ɔkana udie kaba ɔsiku atakpɛ amɛni kemmo ute Abraham.

Luka 7:16

Bekyuli bammɔ ƒui báyia geen, na bémwi Katɔti. Ɔmɛni ɔsu básu banini, “Katɔti kenye udiene ɔni náƒɔ kuye geen ɔ́da ɔ́lɛ-bu akɔ! Katɔti ɔ́yu úbo ɔnii ubedie nwuna bekyuli!”

Luka 7:37

Uleku ɔyalɛ ɔdi ɔkya ɔma ɔmmɔ kemmo. Amu ka únu banii Yesu úbo Ƒarisini ɔmmɔ kesii ɔnii ubadi ni, úti ɔsii ku nnɔmii ƒɛƒɛɛ bɔdi úboku.

Luka 7:38

Úbenye Yesu kudɔ na uuwulo teewi-nwu lɛgba lɛlɔ. Na uleku ɔmmɔ úti nwuna lili linwini úni imii bɔni néwi Yesu lɛgba mmɔ, na ɔ́dada-nwu lɛgba. Na úti nnɔmii bɔmmɔ úwi Yesu lɛgba lɛnɔ.

Luka 7:40

Amu na Yesu údie ɔ́lɛ-nwu na ɔ́su-nwu ɔnini, “Simon, mbo lɛla lɛdi na ndubo-ɔ bɔsu.” Amu na Simon ɔnini, “Ala ɔtinane, taasu-mi lɛla lɛmmɔ.”

Yohane 4:19

Mmɔ ni, uleku ɔmɛni údie kenye ɔnini, “Ɔbune, mɔɔtí ka Katɔti kenye udiene na adi!

Yohane 7:12

Na lɛni kani na nwuna lɛlɔ atɛ ada na bana akɔ mmɔ. Badi baasu banii, “Ukyuli ɔbuni na ɔdi.” Na babambadi lɛnɔ banini, “Oowo! Bekyuli na uuƒú taakya!”

Yohane 9:24

Benengu bammɔ básɔ bálɔ ɔnana ɔni na nka anumi ábwɛ-nwu mmɔ, na básu-nwu banini, “Yia Katɔti, na asu-bu litemi geen lɛmmɔ! Abu bɔgyi ka ukyuli ɔmmɔ ɔdi alaekpidi ɔblane!”