Luka 7:38 - Katɔti Ɔku Kedee

³⁸ Úbenye Yesu kudɔ na uuwulo teewi-nwu lɛgba lɛlɔ. Na uleku ɔmmɔ úti nwuna lili linwini úni imii bɔni néwi Yesu lɛgba mmɔ, na ɔ́dada-nwu lɛgba. Na úti nnɔmii bɔmmɔ úwi Yesu lɛgba lɛnɔ.

Luka 7:38 ပူးပေါင်းရင်းမြစ်များ

Ala Kalɔ Buse 18:4

Ya na beboku ntu bɔdi na bina ƒui bɛƒɔ lɛgba na bɛnwuna na kugyii kɔmɛni kalɔ.

Esra 10:1

Uwi ɔni Esra ɔkya uubó lɛlɔ taava kalɔ na uuwulo taakpali Katɔti na uudie bana alaekpidi kalɔ teevele buti taakyiɛ na Katɔti kaduli ni, bekyuli lisu pii bábaka bámana-nwu na badi beleku ku banana ku banamu na ama lɛnɔ bakya beewulo momoomo.

Kɔgya 38:18

Lídie mina alaekpidi kalɔ, ɔsika éduo-mi.

Kɔgya 51:17

Mmomu akpala ani mɔɔƒɔ́-ɔ anu ndi ka ukyuli ekpidi eduo-nwu geen na nwuna kayi kemmo, na eleni ɔmɛni.

Etemila 9:8

Tada lɛlɔ tese kalɛ kalɛ mmomu da lɛlɔ na egyeli lili na aklibi lɛlɔ kaduɛ.

Lɛnu Ƒui Ɔnu 1:3

Ebo ɔnyi ƒɛƒɛɛ ɔdi ɔni na si línu ka ɔdi ɔ́kpali-ɔ lɛnyi ni, na ɔnyi ɔmmɔ kani na muunú. Na unyeƒi ɔdi uuubo-nwu kemmo ka ɔmmɔ ɔsu geen na begblebi ƒui baayɔ́-ɔ!

Yesaia 57:9

Bɛɛkpí taawɛɛ ligyulo ƒɛƒɛɛ lidu lidu na biisié taatákpa Molek baƒiɔ. Na bɛɛtala batu na ɔlɔgyu na beesié taatálɔ ku bekpine ayu muedi teeye ala teenu.

Yesaia 61:3

Na lɛƒɔ lite bani nkya Yerusalem, na lɛya na bana anumi eteekeye ku lɛlɔyɔ ku lɛma na bana kɔnyana buwulo kenye. Na beteedie bumwi lɛnu, na kɔnyana lɛnu kenye. Na babla aani egyii ani na Unwoti ɔlati ɔ́lɛ, na aalɛ́ lili siin, na batina kalɛ na Unwoti uukeye.

Yeremia 31:9

Badubo buteewulo na baatákpali-mi teevele uwi ɔni na bakɛ ulu badubo ɔma. Na ndubo-ma bɔkpanku busienku abiɔ ani kemmo na ntu bɔbuni bɔkya na bani. Na badubɔsia ulu ɔni ntɛ kalɔ ƒiaa lɛlɔ na beletulo iye bagbanta. Ɔti na ndi nte Eƒraim mina kaƒɔ ubi udeedi ku nwuna badi.

Yoel 2:12

Unwoti ɔnini, “Útakpɛ tɔ kama útavili. Bɛkana na binwini bibo-mi kudɔ ku bina kayi ƒui. Bise keku kalɔ ku buwulo ku kɔnyana! Na binyimi kenye.

Sakaria 12:10

“Ami Unwoti ndubɔya na Yerusalem bebi ku bawɔ ƒui beduo kɔnyana bonwu kɔdi kemmo na bakpali-mi bevele uwi ɔni na bánu ukyuli ɔni na bátu lɛtula lɛdi. Na badubo-nwu buwulo aani kalɛ na bawɔne badi beewulo bana ubi unwi pɛ ɔni na báwɔ na úkpi iye ubi udeedi ɔni na báyila.

Mateo 5:4

Lɛlɔ litaayɔ bekyuli bani muuwulo kɔnyana. Katɔti ɔdubɔsia-ma kɔnu.

Luka 22:62

Mmɔ na Petro ɔ́vi ɔ́lɛ na útéwulo momoomo.

Luka 6:21

Lɛlɔ litaayɔ amii bani na kɔka kɔɔda ɔƒɛni, ɔsika amii ndubumo! Lɛlɔ litaayɔ amii bani muuwulo ɔƒɛni, ɔsika bɛdubɔma!

Luka 7:37

Uleku ɔyalɛ ɔdi ɔkya ɔma ɔmmɔ kemmo. Amu ka únu banii Yesu úbo Ƒarisini ɔmmɔ kesii ɔnii ubadi ni, úti ɔsii ku nnɔmii ƒɛƒɛɛ bɔdi úboku.

Luka 7:39

Ka Ƒarisini ɔni nálɔ Yesu bɔdi ɔ́nu ɔmɛni ni, ɔ́bla kasusu ɔnii, “Si ukyuli ɔmɛni ɔdi Katɔti kenye udiene geen ni, nka ɔlɛka ɔnu ɔti uleku ɔni udu nébo uutuku-nwu mɛni, na ɔti lɛyalɛ ngba bɔni lɛnɔ na ulie!”

Yohane 11:2

Maria ɔmɛni ndi ɔni nébeti nnɔmii bɔni muunwenyi ƒɛƒɛɛ úwi Blɔti Yesu lɛgba na ɔ́da nwuna lili linwini úni-nwu lɛgba. Na ɔnwani ndi Lasaro ɔni nébo uuƒi litemi na bɔɔsu ɔƒaani.

Yakobo 4:9

Na biteewulo kɔnyana. Amii bani mɔɔmá ni, bina lɛma linwini keku. Na bina lɛlɔyɔ linwini kɔnyana buwulo.