“Si bɛdi banundane ni, bɛdubunu ala ani mɔɔsu-mii mɛni kalɔ. Ami ndi bina Unwoti ɔni ndanku-mii mɔɔsiaku ulu ɔbuni lɛlɔ. Na si bínu-mi litemi ni, bɔdubusie aani bavinkpana. Nsu si bɛɛbla ulikplu ala ni, bɛdubo butulo na bibuli.”
Nsu uwi ɔni na ami ɔni ndi Ukyuli Ɔyawine Ubi líbo ni, lɛ́di na lɛ́ni. Na ukyuli biala ɔ́su ɔnii, ‘Bɛnu ɔdivone ɔmɛni! Uukpi ntɛ! Anwu ku kuyi baƒɔne ku bekyuli bekpidi muusié.’ Nsu takpete-ma. Katɔti lɛnunda lɛdubudie lɛlɔ keyi na lɛla lɛni na ukyuli ɔɔbla kemmo.”
Bekyuli bammɔ ƒui bénu Yohane litemi buni bɔsu, na ama ku kuyi baƒɔne muedi báƒɔ lɛla lɛni na Katɔti ɔɔwia taasiku-ma kudɔ ku bana kɔyi kemmo, na ɔ́kpila-ma ntu.
Ka Ukyuli Ɔyawine Ubi úbo ni, anwu ɔ́di na ɔ́ni ntɛ. Na bɛnii, ‘Bɛnu ɔdivone ku ntɛkpine ɔmɛni! Ɔdi kuyi baƒɔne ku alaekpidi bamba lidu bablane ɔkpana!’