Luka 7:34 - Katɔti Ɔku Kedee

³⁴ Ka Ukyuli Ɔyawine Ubi úbo ni, anwu ɔ́di na ɔ́ni ntɛ. Na bɛnii, ‘Bɛnu ɔdivone ku ntɛkpine ɔmɛni! Ɔdi kuyi baƒɔne ku alaekpidi bamba lidu bablane ɔkpana!’

Luka 7:34 ပူးပေါင်းရင်းမြစ်များ

Mateo 11:19

Nsu uwi ɔni na ami ɔni ndi Ukyuli Ɔyawine Ubi líbo ni, lɛ́di na lɛ́ni. Na ukyuli biala ɔ́su ɔnii, ‘Bɛnu ɔdivone ɔmɛni! Uukpi ntɛ! Anwu ku kuyi baƒɔne ku bekyuli bekpidi muusié.’ Nsu takpete-ma. Katɔti lɛnunda lɛdubudie lɛlɔ keyi na lɛla lɛni na ukyuli ɔɔbla kemmo.”

Mateo 5:46

Si bekyuli bani mɔɔyɔ́-mii kani na amii lɛnɔ bɛɛyɔ́ ni, Katɔti ɔɔɔdubo-mii kayu kadi bɔƒɔ. Lɛni kani na kuyi baƒɔne lɛnɔ baabla.

Mateo 9:11

Amu na Ƒarisiƒuɔ bani nánu ɔmɛni ni, béye nwuna batɛyane banii, “Bi ɔsu na bina ala ɔtinane ku bekyuli bamɛni udu baadi?”

Luka 11:37

Uwi ɔni na Yesu ɔ́wɔlɔ butemi ni, Ƒarisini ɔdi ɔ́lɔ-nwu bɔdi na nwuna kaduli. Amu na úsie útélie kalɔ na ɔtɔ kemmo na baadi.

Luka 14:1

Na lɛnwunameyi lɛdi lɛlɔ ni, Yesu úsie Ƒarisiƒuɔ benengu akɔ unwi ɔdi kesii likpo lɛni na bálɔ-nwu banii ubadi. Na bekyuli bakya baatú-nwu kpakplaa.

Luka 15:2

Mmɔ na Ƒarisiƒuɔ ku ɔda bubo ala batinane bése kalɔ beetemi teewi-nwu na bana lɛlɔ kemmo banii, “Ukyuli ɔmɛni ɔɔƒɔ́ alaekpidi bablane na anwu ku-ma baadi muedi!”

Luka 19:7

Bekyuli bammɔ ƒui bése kalɔ beetemi na Yesu lɛlɔ kalɔ kalɔ banii, “Ɔnana ɔmɛni úsela utéduo ukyuli ɔni ndi alaekpidi ɔblane ɔmɛni kudɔ.”

Luka 5:29

Lewi ɔ́ya na bánwa adila abuni ɔnii uuti ɔkya Yesu kubiti na nwuna kaduli. Na bekyuli pii bébo mmɔ ku kuyi baƒɔne bamba lɛnɔ.

Luka 7:33

Ntu Ɔkpilane Yohane úbo na anwu úlie kɔka, na ntɛ lɛnɔ bútetuku-nwu kenye, nsu bɛnii, ‘Kɔyu kukpidi kɔsiaku-nwu!’

Luka 7:35

Nsu bekyuli bani ƒui nsiaku Katɔti lɛnunda kama ni, beedie taatina ka lɛdi lɛnunda geen.”

Luka 7:36

Ƒarisini ɔdi ɔ́lɔ Yesu ɔnii ubadi na nwuna kesii. Na Yesu úsie na útádi.

Yohane 12:2

Mmɔ ni, bánwa Yesu ebiti bɔkya adila na anwu ku nwuna badi bádi. Na Marta néti adila ammɔ útése-ma. Lasaro lɛnɔ ɔ́kya Yesu ku bani mɔɔdi mmɔ akɔ.

Yohane 2:2

Na bálɔ Yesu ku nwuna batɛyane lɛnɔ banii bebo uleku ketikɔ mmɔ.