Luka 7:33 - Katɔti Ɔku Kedee

³³ Ntu Ɔkpilane Yohane úbo na anwu úlie kɔka, na ntɛ lɛnɔ bútetuku-nwu kenye, nsu bɛnii, ‘Kɔyu kukpidi kɔsiaku-nwu!’

Luka 7:33 ပူးပေါင်းရင်းမြစ်များ

Mateo 10:25

Anwuɔsu ni, ɔtɛyane biala ɔbla kalɛ na ɔlɛ nwuna ala ɔtinane. Na ukyuli ɔni na baadi lɛlɔ lɛnɔ ni, ɔbla kalɛ na ɔlɛ nwuna Unwoti. Na si bekyuli beedumi ɔtɔlati ɔdi banii ayu ekpidi ɔtɔnkune na ɔdi ni, na badubɔlɔ kaduli kammɔ bekyuli ƒui anyikpi betulo ɔtɔlati ɔmmɔ.

Mateo 3:1

Uwi ɔmmɔ kama ni, Ntu Ɔkpilane Yohane úsie ketele kani nkya Yudea kalɔ lɛlɔ, na úse kalɔ ɔɔkɔ́ lɛsa

Mateo 3:4

Na awu ɔni na Yohane ɔkya ni, ɔƒlumu linwini na béti bédi-nwu. Na ebuo ɔku kabuli kada-nwu kavobi. Na nwuna adila ani na ɔɔdi ndi uwɔ ku baalɔlɔ bani muubile edula.

Marko 1:6

Uwi ɔmɛni kemmo ni, Yohane ɔkya ɔƒlumu linwini awu, na úti ebuo ɔku kabuli ɔ́da kavobi. Nwuna adila ani na ɔɔdi ndi uwɔ ku baalɔlɔ bani muubile edula.

Luka 1:15

Ɔdubo ukyuli ubendi bɔbla na Katɔti anumi. Útalɛka ɔni ntɛ kpakplaa iye bɔbambadi bɔdi udu lɛnɔ. Na ɔ́si nwuna bɔwɔ uwi ni, Katɔti kɔyu kɔdubɔƒɔ-nwu lɛlɔ kemmo.

Luka 7:32

Bese aani banamu wɛlɛ wɛlɛ bani mɔɔƒia na kuyeya. Badi baava taasu bakpanadi banini, “ ‘Búdie uleku buti lɛnu búte-mii, nsu bítatɔ! Búdie lɛkwanu búte-mii, na bítewulo.’

Luka 7:34

Ka Ukyuli Ɔyawine Ubi úbo ni, anwu ɔ́di na ɔ́ni ntɛ. Na bɛnii, ‘Bɛnu ɔdivone ku ntɛkpine ɔmɛni! Ɔdi kuyi baƒɔne ku alaekpidi bamba lidu bablane ɔkpana!’

Yohane 10:20

Na bana akɔ pii básu banini, “Kɔyu kukpidi kɔsiaku ukyuli ɔmɛni, na uukpi libuo! Bi ɔsu na ɔlɛka binye biteenu ala ani na ɔɔsu?”

Yohane 8:48

Mmɔ na Yudaƒuɔ básu Yesu banini, “Ɔdi litemi geen ka bɔ́su-ɔ ka Samariani ukpidi na adi, na kɔyu kukpidi kɔsiaku-ɔ!”

Yohane 8:52

Mmɔ na Yudaƒuɔ bammɔ básu-nwu banini, “Ɔƒɛni na bɔti nwaa ka kɔyu kukpidi kɔsiaku-ɔ! Abraham úkpi, na Katɔti kenye bediene lɛnɔ békpi, nsu awɔ aasu ka ukyuli biala ɔni madi ƒula ala ani na aatina lɛlɔ ulekpi kudi kudii!

Batalane Kabla 2:13

Amu na ama bani nnye mmɔ badi básu banini, “Ntɛ mɔɔda-ma, ɔɔɔdi lɛla lɛdi biala lɛdi.”