Luka 7:22 - Katɔti Ɔku Kedee

²² Amu na údie kenye na ɔ́su Yohane batalane ɔnini, “Bɛsɔ binwini na bitásu Yohane ala ani na bɛ́nu na bínu bɛnii banumbwɛne baanu, bani na báƒɛ bewi kalɔ beesié, ɔlɛgyie beƒine lɛlɛ lɛ́ba-ma, batutine beenú, bekpine baata teelie ngba, na mɔɔsu bawabane Katɔti litemi buni.

Luka 7:22 ပူးပေါင်းရင်းမြစ်များ

Hiob 29:15

Na utulo ka mina anumi na banumbwɛne bada baanu teesie. Na mina lɛgba na bani na báƒɛ bewi kalɔ bada beesié.

Kɔgya 146:8

Unwoti Katɔti uubimi banumbwɛne anumi. Na bani na bekyuli béboku-ma kalɔ ni, ɔɔkɔliku-ma katɔ, na ɔɔyɔ́ bekyuli bani na bese siin.

Yesaia 42:16

Na ndubɔtɔnku mina banumbwɛne bɔsiaku ulu ɔni na baaagyi kudii lɛlɔ. Na lɛkpanku-ma lɛsiaku ulu ɔni lɛlɔ na bátasia kudii lɛlɔ. Na ndubɔya na kasuudikɔ kani na bakya kenwini bukeye. Na kesii kani na kese kpukplo kpukplo kabla suɛlɛ suɛlɛ. Na ndubo ala amɛni bɔbla ɔni na lɛɛɛdubo-nya bɔda buse.

Yesaia 43:8

Bɛsala mina bekyuli bite-mi. Bebo anumi ku atu, nsu belenu na balanu.

Yeremia 31:8

Ami Unwoti ndubɔsɔku mina bekyuli lɛsiku Babilon ku kalɔ kadi bekyuli ƒui akɔ liboku ɔma. Na banumbwɛne ku bekpulone ƒui badubɔkya mmɔ. Na baƒɔndane ku bani na uwi úudu-ma ka bawɔ ƒui badubɔkya kasala kammɔ kemmo.

Seƒania 3:12

Nsu bina akɔ bani muuboku lɛlɔ kalɔ buɛɛ na biibo-mi kudɔ bɛnii mbunku-mii ni, amii ɔsu naaayila-mii udu.

Mateo 11:5

Banumbwɛne baanu, na bani náƒɛ bewi kalɔ beesié. Ama bani muuƒi ɔlɛgyie lɛlɔ lɛɛbla sɛɛn na batutine beenú. Bekpine baata na mɔɔkɔ́ litemi buni lɛmmɔ lɛsa teete bawabane.

Mateo 21:14

Amu na badi béti banumbwɛne ku bani naaakana busie kaduɛ béboku kakpakɔ kaduli mmɔ, na Yesu ɔ́bwi-ma.

Luka 4:18

“Katɔti Kɔyu kɔ́ƒɔ-mi lɛlɔ kemmo ƒui, ɔsika Katɔti náƒuna-mi ɔnii nti litemi buni lɛmɛni mboku bawabane. Na ɔ́tala-mi ɔnii nkɔ lɛsa nte bekyuli bani na béƒie kalɛ na bakɛ bɔnwuna. Na bani na anumi ábwɛ-ma ni, bataanu. Na bekyuli bani na baanya taakya ku lɛbibo ni, bakɛ bɔnwuna.

Luka 7:21

Na uwi ɔmmɔ kani kemmo ni, Yesu ɔ́bwi bekyuli pii lɛlɛ na ɔ́gya ayu ekpidi, na ɔ́ya na banumbwɛne pii bánu.

Luka 7:23

Lɛlɔ lɛdubɔyɔ ukyuli ɔni nátanu linyeyɔla lɛdi na mina lɛlɔ.”

Yohane 1:46

Natanael údie kenye ɔnini, “Dɛ! Bɔsi na lɛla lɛbuni lɛdi lɛdubɔsi Nasaret ntu?” Ƒilipo ɔ́su-nwu ɔnini, “Awɔ bo, na abanu!”

Batalane Kabla 26:18

Na ndubɔya-a na etébimi-ma anumi na balɛ Satan ɔyikun kemmo na kasuudikɔ mmɔ bebo Katɔti ɔyikun ku bukeye kemmo. Na Katɔti ɔdubuti bana ekpidi ɔkyiɛ-ma na wabla-ma katɔ ala badine aani bani na ɔ́ƒuna úte nwuna lɛlɔ ka báƒɔ-mi bádi ɔsu.’

Batalane Kabla 8:7

Ɔ́bɔku ayu ekpidi pii ɔ́lɛku bekyuli lɛlɔ kemmo, na ayu ekpidi amɛni áva momoomo asa na ávi álɛ-ma lɛlɔ kemmo. Amu na ɔ́sɔ ɔ́bwi bani na lɛlɔ kakɛ kenwi kékpi-ma ku ama bani náƒɛ bewi kalɔ lɛnɔ.

Yakobo 2:5

Banwa, binu! Bɛgyi geen ka Katɔti ɔ́ƒuna kayawi kamɛni bawabane ka babla nwuna badi. Na ka báƒɔ Blɔti Yesu Kristo bádi ɔsu ni, bénwini kɔyu kemmo ala bakɛne. Na ama ndubuduo Katɔ Ɔga Ɔma aani kalɛ na Katɔti ɔ́su bekyuli bani mɔɔyɔ́-nwu úse.