Luka 7:2 - Katɔti Ɔku Kedee

² Mmɔ ni, Romaƒuɔ bekpone unengu ɔdi ɔ́kya ɔni mbo kabla ɔblane ɔni na ɔɔyɔ́ geen. Kabla ɔblane ɔmɛni úbo uuƒi kpakplaa ɔni na ɔɔyɔ́ ukpi muedi.

Luka 7:2 ပူးပေါင်းရင်းမြစ်များ

Ala Kalɔ Buse 24:27

Na ɔ́su ɔnini, “Bemwi Unwoti mina ɔtɔlati Abraham Katɔti. Ɔsika útayiƒala kalɛ na ɔɔnu mina ɔtɔlati kɔnyana ku kalɛ na ɔɔdi nwuna etemila ani na ɔ́su-nwu úse lɛlɔ teete-nwu. Na ami ni, Unwoti Katɔti ɔ́tɔnku-mi na lísie ulu ɔmɛni ńtédu mina ɔtɔlati lɛlɔ bekyuli kudɔ.”

Ala Kalɔ Buse 35:8

Na uwi ɔmmɔ kemmo Yakob ulekudi Rebeka ubo ulekubi ɔni nátaanu-nwu kaduli lɛlɔ. Ulekubi ɔmɛni baalɔ Debora, úbekpi na báva-nwu na kugyii bonwu kɔmmɔ kani kalɔ si ási Betel áyu ésela kada kakɛ. Ɔmmɔ ɔsu baalɔ kugyii kammɔ Keku Kugyii iye Alon Bakut na bana butemi kemmo.

Hiob 31:5

“Na ɔgyi ka mɔɔdi nwuna etemila ƒui lɛlɔ na naaanyi ɔkɔ.

Agba 29:21

Si ákya kabla ɔblane ásiku lɛnamu uwi ni, ɔdubo ubaya na kɔnyana kuƒie-ɔ kama.

Mateo 27:54

Na uwi ɔni na bekpone unengu ku bekpone bani nnye mɔɔgyumana Yesu bánu kalɛ na kalɔ kákunku ku ala ani nálɛ ƒui na mmɔ ni, ɔtɔtɔ ɔ́gyu-ma na liƒu lɛ́da-ma geen! Na básu banii, “Sɔsɔ na ukyuli ɔmɛni ɔdi Katɔti Ubidi.”

Luka 23:47

Bekpone ɔtɔnkune ɔmmɔ ɔ́nu lɛla lɛni nálɛ na úmwi Katɔti ɔ́su ɔnini, “Sɔsɔ geen na ɔdi ka ukyuli ɔmɛni ɔdi ukyuli ɔbuni.”

Luka 7:1

Ka Yesu ɔ́su bekyuli bamɛni ala amɛni ƒui ɔ́wɔlɔ ni, ɔ́tɔlɔ úsie Kapernaum.

Luka 7:3

Amu ka unengu ɔmɛni únu Yesu kɔku ni, ɔ́tala Yudaƒuɔ benengu badi ɔnii batásu-nwu na ubo, na ubabwi nwuna kabla ɔblane ɔmɛni ute-nwu.

Luka 8:42

ɔsika ubidi ulekubi unwi ɔni na ɔdubɔƒɔ aani akwa leevu-anyɔ ni, ɔtɛ ɔlɛ ɔdaku bukpi. Ka Yesu ɔkɛ úsela ni, lɛni na bekyuli baanwanɛ lɛlɔ ka bani bede-nwu.

Batalane Kabla 10:1

Lebo lɛmmɔ ni, ɔnana ɔdi úlie Kaesarea ɔma kemmo ɔni baalɔ banii Kornelio. Ɔdi unengu úte Romaƒuɔ bekpone.

Batalane Kabla 10:7

Amu ka Katɔti ɔtu ɔmɛni ɔ́tɔlɔ ni, Kornelio ɔ́lɔ nwuna kaduli nkyuli inyɔ ku bekpone bani mɔɔgyumana-nwu mmɔ akɔ unwi ɔni lɛnɔ ndi ukyuli ɔbuni.

Batalane Kabla 22:26

Amu na unengu ɔmɛni úsie bana ɔtɔnkune kudɔ na útéye-nwu ɔnini, “Bi ɔdi na bɛɛbla mɛni? Ɔnana ɔmɛni ni, Romani na ɔdi!”

Batalane Kabla 23:17

Amu na Paulo ɔ́lɔ bekpone bani nnye mmɔ kemmo unwi na ɔ́su-nwu ɔnini, “Tiku ɔnamu ɔmɛni teesienku bina ɔtɔnkune kudɔ. Ɔ́da litemi kpakplaa lɛdi na ɔsu-nwu.”

Batalane Kabla 27:1

Amu na uwi ɔni na bálɛ ugyii ka ɔdi ka busie Italia ni, béti Paulo ku batɔntɛne bakladi bákya bekpone unengu ɔni baalɔ Yulio enu kemmo. Ɔdi aban bagyumanane lɛkpa linwi lɛni baalɔ Ɔga Unengudi Bekpone Lɛkpa.

Batalane Kabla 27:3

Amu na nwuna kadi kégye ni, bútédi búnye Sidon Ketudɔ. Amu na Yulio úte Paulo kuƒi ku kaƒɔ ƒaa ɔnii uteesie ɔma kemmo na utánu nwuna bakpana kalɛ na bete-nwu ala ani na weti wesie ulu.

Batalane Kabla 27:43

Nsu ka bana ɔtɔnkune ɔmɛni ɔɔwia ka ɔƒɔ Paulo ngba ɔsu ni, útatunaku-ma. Anwuɔsu údie ɔ́su ɔnii si bani makana ni, baba lɛgyu beduo ntu kemmo na bakpi beteesie ketudɔ.

Koloseƒuɔ 3:22

Amii bekyuli bamba kabla bablane binu bina benwoti litemi na ulu biala lɛlɔ. Na bidie kayi na bɛbla kabla uwi biala kemmo, na ɔɔɔdi uwi ɔni na bakya-mii kudɔ lɛti kalɛ bakɛ-mii lɛlɔ kubiti. Mmomu bɛbla kabla ku kayi ƒui na ɔbu ɔni bibo bite Blɔti ɔsu.