Luka 7:16 - Katɔti Ɔku Kedee

¹⁶ Bekyuli bammɔ ƒui báyia geen, na bémwi Katɔti. Ɔmɛni ɔsu básu banini, “Katɔti kenye udiene ɔni náƒɔ kuye geen ɔ́da ɔ́lɛ-bu akɔ! Katɔti ɔ́yu úbo ɔnii ubedie nwuna bekyuli!”

Luka 7:16 ပူးပေါင်းရင်းမြစ်များ

Kɔgya 65:9

Aanu kalɔ kammɔ lɛlɔ kaduɛ. Na aaya na ɔnantu ɔɔna teewi-ka lɛlɔ na kaadia edula. Na ntukpa buubo ntu na aayá na edula lidu lidu aalɛ́.

Israelƒuɔ Bɔlɛ 4:31

Na ka bánu akɔla ala budie taatina ammɔ ni, báƒɔ bádi. Na ka bénu ka Unwoti úbo-ma lɛlɔ kasusu na ɔ́nu kalɛ na bakya beebó abi ni, bana ƒui béboku lɛlɔ kalɔ béte-nwu na bémwi-nwu.

Yeremia 33:9

Na si uwi ɔni na ala amɛni álɛ lɛni ni, kalɔ lɛlɔ kadi bekyuli ƒui badububo ala abuni ani na lɛ́bla líte Yerusalem bɔnu ku kalɛ na lɛ́ya na ɔ́kɛ keyi buɛɛ geen. Na lɛlɔ lɛdubɔyɔ-ma na batɔ ku ebiti na bemwi-mi na bataabu-mi lɛnɔ. Nsu liƒu bonwu lɛdubo-ma bɔda na lɛlɔ litaatɔ-ma.

Mateo 15:31

Ɔni na bekyuli bammɔ bánu ka bamumu beetemi, na bani na lɛlɔ ekpo átasa-ma ása-ma, na bani náƒɛ bewi kalɔ beesié, na banumbwɛne lɛnɔ baanu ni, ɔ́bla-ma kalɛ kadi. Na bémwi Israel Katɔti.

Mateo 21:11

Na bekyuli bamba bédie kenye banini, “Ɔmɛni ndi Katɔti Kenye Udiene Yesu ɔni nási Nasaret na Galilea kalɔ lɛlɔ!”

Mateo 28:8

Anwuɔsu bábabla bátɔlɔ kaƒiɔtɔ kammɔ kudɔ. Na ina ka liƒu lɛ́da-ma muedi ni, béti ebiti békeli bésie banii batásu Yesu batɛyane kenye kammɔ.

Mateo 9:8

Uwi ɔni na bekyuli bammɔ bánu ɔmɛni ni, liƒu lɛ́da-ma na bémwi Katɔti ka úti ɔyikun ɔmɛni udu úte ukyuli.

Luka 1:65

Liƒu bonwu lɛdi lɛ́da nwuna liku bekyuli ɔni náya na litemi lɛmɛni lígyingya lɛ́kya lɛma lɛni nkya Yudea abi lɛlɔ ƒui kemmo.

Luka 1:68

“Bɛya na bumwi Blɔti, Israel Unwoti, ɔsika úbo úbebunku nwuna kadi na ɔƒɔ-ma na bakɛ bɔnwuna.

Luka 19:44

Bekyuli badubo ɔma ɔmɛni bɔyila ku udu na badu bekyuli bani nkya-nwu kemmo ƒui. Na lɛtabi lɛdi muedi lɛsɔ lilése nina keliekɔ. Ɔsika bíni na bítanu bítati uwi ɔni na Katɔti úbo ɔnii ubedie-mii!”

Luka 2:20

Amu na baƒonu badane bammɔ básɔ bénwini na beemwi Katɔti na ala ani ƒui na bánu ku ani bénu lɛnɔ lɛlɔ, ɔsika ana ƒui ese pɛpɛɛpɛ kalɛ kani na Katɔti ɔtu ɔmmɔ ɔ́su-ma.

Luka 24:19

Amu na Yesu úye-ma ɔnini, “Bi ala?” Na bédie kenye banii, “Ala ani nálɛku Yesu Nasareni. Ukyuli ɔmɛni ɔdi Katɔti kenye udiene ɔni na Katɔti ku bekyuli ƒui bánu ka ubo ɔyikun geen na nwuna ablala ku ala ani na ɔ́su ƒui kemmo.

Luka 5:26

Ɔmɛni ɔ́bla bekyuli bammɔ ƒui dɛye dɛye! Na ka liƒu lɛ́ƒɔ-ma lɛlɔ kemmo ƒui ɔsu ni, bémwi Katɔti na básu banii, “Bi akɔla budie taatina adi na bɔ́nu mɛni ɔmwi?”

Luka 5:8

Ka Simon Petro ɔ́nu lɛla lɛni nálɛ mɛni ni, ɔ́lɛ akɔnkɔ na Yesu anumi na ɔ́su-nwu ɔnini, “Blɔti, takpɛ tede-mi, ɔsika alaekpidi ɔblane na ndi.”

Luka 7:15

Na ukpine ɔmmɔ ɔ́ta úlie na úse kalɔ ku butemi. Amu na Yesu úti-nwu úte uni.

Luka 7:39

Ka Ƒarisini ɔni nálɔ Yesu bɔdi ɔ́nu ɔmɛni ni, ɔ́bla kasusu ɔnii, “Si ukyuli ɔmɛni ɔdi Katɔti kenye udiene geen ni, nka ɔlɛka ɔnu ɔti uleku ɔni udu nébo uutuku-nwu mɛni, na ɔti lɛyalɛ ngba bɔni lɛnɔ na ulie!”

Luka 8:37

Ɔmɛni ɔsu Gerase kalɔ kammɔ ku kana amadɔ bekyuli básu Yesu banii ɔtɔlɔ bana kalɔ lɛlɔ, ɔsika baayia. Anwuɔsu Yesu úduo ɔkɔlɔ kemmo ka ɔtɔlɔ.

Luka 9:19

Amu na bédie kenye banii, “Badi baasu banii awɔ ndi Ntu Ɔkpilane Yohane. Na badi lɛnɔ banii awɔ ndi Elia. Na badi lɛnɔ baasu taatina banii Katɔti kenye bediene bakukudi bammɔ akɔ unwi násɔ únwini úbo uli ngba.”

Yohane 1:21

Bakpane bammɔ básɔ béye-nwu banini, “Amu ɔma na adi? Katɔti Kenye Udiene Elia na adi?” Údie kenye ɔnini, “Ɔɔɔdi anwu na ndi.” Béye-nwu banii, “Na awɔ ndi Kenye Udiene ɔni básu bése ka ɔdubo?” Na ɔ́sɔ ɔ́su-ma ɔnini, “Oowo.”

Yohane 1:25

Anwuɔsu béye-nwu banini, “Si aaadi bekyuli bani na Katɔti ɔ́su úse ka badubo akɔ unwi aani Ukyuli Ɔƒunadi, iye Elia, iye Kenye Udiene ɔmmɔ ni, bi ɔsu na aabla ketu kemmo ntu bɔkpila ɔdi ɔmɛni?”

Yohane 4:19

Mmɔ ni, uleku ɔmɛni údie kenye ɔnini, “Ɔbune, mɔɔtí ka Katɔti kenye udiene na adi!

Yohane 6:14

Amu ka bekyuli bammɔ bánu akɔla budie taatina bɔmɛni ni, básu banini, “Sɔsɔ anwu ndi Katɔti Kenye Udiene ɔni mebo kayawi.”

Yohane 9:17

Amu na Ƒarisiƒuɔ bammɔ básɔ béye ɔnana ɔmmɔ banini, “Ka aasu anii anwu nábwi-ɔ lɛnumbwɛ ni, bi na awɔ ɔlati aasu taasiku ukyuli ɔmmɔ lɛlɔ?” Amu na ɔnana ɔmmɔ údie kenye ɔnini, “Katɔti kenye udiene na ɔdi.”

Batalane Kabla 5:5

Amu ka Anania ɔ́nya únu litemi lɛmɛni ni, anwu kani na úbuli ɔ́tɛ kalɔ, na úkpi! Na ɔmɛni ɔ́da bekyuli bani nánu ƒui liƒu.

Batalane Kabla 7:37

“Mose ɔmmɔ ɔlatidi násu Israelƒuɔ ɔnini, ‘Katɔti ɔdubudie kenye udiene ɔdi aani ami kalɛ, na ɔdubudie-nwu ɔlɛku bina kaba kemmo.’

Galatiƒuɔ 1:24

Anwuɔsu beemwi Katɔti ɔkɛnku ami ɔsu.

Lɛkpa Ulu 18:15

Mmomu ɔdubuti kenye udiene ɔdi umene aani ami Mose kalɛ. Na ukyuli ɔmmɔ ɔdubɔsi bina kadi bekyuli akɔ. Na si úbo ni, na ɔdi biala unu-nwu litemi.