Luka 7:13 - Katɔti Ɔku Kedee

¹³ Ka Yesu ɔ́nu uleku ɔmɛni ni, nwuna lɛlɔ lɛ́bla-nwu kɔnyana. Amu na ɔ́su-nwu ɔnini, “Da buwulo ya.”

Luka 7:13 ပူးပေါင်းရင်းမြစ်များ

Kɔgya 103:13

Kalɛ na bebi lɛlɔ lɛɛbla bana bawɔne kɔnyana ni, lɛni na Unwoti lɛnɔ bekyuli bani mɔɔyia-nwu lɛlɔ lɛɛbla-nwu kɔnyana.

Kɔgya 86:15

Nsu awɔ ni, Katɔti ɔni mɔɔnu kɔnyana na aayɔ́-bu geen na adi. Eléti kɔnyi buti buti mmomu aayɔ́-bu uwi ndi uwi na alalɛ ƒula litemi kama lɛnɔ.

Kɔgya 86:5

Aabla-bu lɛƒɔndia, na eeti ekpidi taakyiɛ na bani ƒui mɔɔkpali-ɔ ni, aayɔ́-ma uwi ndi uwi geen.

Yesaia 63:9

Na si ɔ́nu ka béduo lɛbibo lɛdi kemmo ni, uukpóku Unwoti geen na ɔɔyá na nwuna katɔ ɔtu uusié taatáƒɔ teete-ma. Unwoti ɔ́nu kɔnyana geen anwuɔsu na údie nwuna bekyuli ɔ́lɛku bana bubie kemmo. Ɔ́nu-ma lɛlɔ akwa ammɔ kemmo ƒui na use aani bɔgyu na ɔ́gyu-ma ɔda nwuna enu kemmo.

Yeremia 31:20

Israel kadi bekyuli, ami ɔlati mina bebi bani mɔɔyɔ́ geen na bɛdi. Ɔɔɔdi ami na mɔɔyɔ́ teetulo ƒui na kadi bekyuli akɔ yoo? Ina ka muubó-mii lɛnimi enwu ku kɔnyi taasu ka ndubo-mii bɔtina ni, bɔyɔ na mɔɔyɔ́ ka bɛni bide-mi na lɛnu-mii kɔnyana. Ami Unwoti násu.

Marko 8:2

“Bekyuli bamɛni lɛlɔ lɛɛkywí-mi kaƒɔ, ɔsika báakya-mi kudɔ emeyi atɛ sɔɔn. Na ɔƒɛni ni, balakɛ lɛla lɛni badi.

Luka 10:1

Ɔmɛni kama ni, Blɔti ɔ́ƒuna banana liti ku aavlanyɔ-inyɔ babambadi na ɔ́tala-ma inyɔ inyɔ ɔnii besie lɛma ku akpaklɔ ani kemmo na nka ɔlɛka usie.

Luka 11:1

Limeyi lɛdi ni, Yesu ɔkya likpo lɛdi ɔɔkpali katɔ. Ka ɔ́wɔlɔ ni, nwuna batɛyane akɔ unwi ɔdi úbo-nwu kudɔ, na ɔ́su-nwu ɔnini, “Ati, tina-bu kalɛ na butaakpali katɔ aani kalɛ na Yohane ɔ́tina nwuna batɛyane.”

Luka 11:39

Anwuɔsu Blɔti ɔ́su-nwu ɔnini, “Ɔƒaani ni, amii Ƒarisiƒuɔ bɛɛƒɔ bina akyami ku lɛɛƒɛɛ kama, nsu bina lɛlɔ kemmo geen anwu ni, likyulikpi ku kalala bɔbla bɔ́ƒɔ-ni ƒui.

Luka 12:42

Mmɔ na Yesu údie kenye ɔnini, “Kabla ɔblane ɔni náda anu na ɔɔbla ala ulu lɛlɔ ni, anwu na nwuna Unwoti uuti teenyene kabla bablane bakladi kenye. Na anwu ndubute kabla bablane bakladi bana lɛdila kalɛ na ɔ́manku na uwi ɔbuni kemmo.

Luka 13:15

Mmɔ na Blɔti údie kenye na ɔ́su-nwu ɔnini, “Amii, anumi lɛlɔ bekyuli, biidie bebuo bani mɔɔbla-mii kabla iye beeti-mii ala lɛbuli na bɛɛkpanku-ma teesienku ntu kanikɔ.

Luka 17:5

Yesu batalane bévele Yesu banii, “Blɔti, ya na bula bɔƒɔtaadi bumomo bubu.”

Luka 17:6

Amu na Blɔti ɔ́su-ma ɔnini, “Si bibo bɔƒɔtaadi na búdu aani lɛla lɛdi kebi kani nse blii suɛ ntulo ƒui ni, nka bɛdubɔkana na bɛsu kugyii kɔmɛni bɛnii, ‘Gyu likpo lɛmɛni na etéduo ɛpu kemmo ngye.’ Na kɔdubɔbla lɛni kani.

Luka 18:6

Mmɔ na Blɔti úsie anumi na ɔ́su-ma ɔnini, “Binu lɛla lɛni na litemi ɔtɛne ukpidi ɔmmɔ ɔ́su.

Luka 19:8

Amu na Sakeo ɔ́ta únye na ɔ́su Blɔti ɔnini, “Ati! Buvele, nu! Ndubuti mina lɛkɛ kakɛ kenwi ƒui lite bawabane. Na bekyuli bani ƒui na líti lɛnungyie kemmo lɛ́ƒɔ-ma ala litulo kalɛ na ɔdi ka lɛƒɔ ni, ndubɔƒɔ-ma kayu kammɔ akpa ene.”

Luka 22:61

Mmɔ na Blɔti únwini na ɔ́nu Petro ɔnusɛ. Amu na Petro únyimo ka Blɔti ɔ́su-nwu ɔnini, “Asa na akɔkɔ wete kenye usien ɔmɛni ni, adubɔsu kɔtɛ ƒui ka aaagyi-mi.”

Luka 24:3

Anwuɔsu béduo bésie kaƒiɔtɔ kammɔ kemmo, nsu bátanu Blɔti Yesu ukpine ɔmmɔ.

Luka 24:34

Na básu-ma banini, “Blɔti ɔ́ta ɔ́lɛ kekpine sɔsɔ, na údie lɛlɔ ɔ́tina Simon.”

Luka 7:12

Uwi ɔni na údu ɔma ɔmmɔ kabanye ni, ɔ́siaku kekwa bablane otogyi ɔdi ka ɔ́si ɔɔlɛ́. Ukpinele ɔdi ubi ɔnanabi unwi pɛ ndi ukpine ɔni na beti béselaku. Na ɔma ɔmmɔ bekyuli pii báka bámana ukpinele ɔmɛni.

Luka 7:14

Amu na Yesu úsie ɔ́vi-ma ntɛ na útétuku ukpine adaka ɔmmɔ. Amu na bekyuli bani nti ukpine ɔmmɔ bédi bénye. Mmɔ na Yesu ɔ́su ɔnini, “Okloƒu! Mɔɔsu-ɔ nnii ta nye!”

Luka 7:19

na ɔ́tala-ma ɔ́kya Blɔti ɔnii betéye-nwu banini, “Awɔ ndi ukyuli ɔni mebo munuu butaasia ukyuli bamba anu?”

Luka 8:52

Na bekyuli pii benye mmɔ beewulo kɔnyana ku keku na ubi ɔmmɔ ɔsu. Amu na Yesu ɔ́su-ma ɔnini, “Bɛsɔ bitewulo. Ubi ɔmmɔ útekpi. Bɔlɛɛ na ɔda.”

Yohane 11:2

Maria ɔmɛni ndi ɔni nébeti nnɔmii bɔni muunwenyi ƒɛƒɛɛ úwi Blɔti Yesu lɛgba na ɔ́da nwuna lili linwini úni-nwu lɛgba. Na ɔnwani ndi Lasaro ɔni nébo uuƒi litemi na bɔɔsu ɔƒaani.

Yohane 11:3

Lasaro banwani belekubi bamɛni básia Yesu kenye banini, “Blɔti ƒula ɔkpana ɔyɔne uuƒi.”

Yohane 20:13

Amu na béye-nwu banini, “Uleku, bi ɔsu na eewulo?” Mmɔ ni, Maria lɛnɔ údie kenye ɔnini, “Bekyuli badi bébeti mina Ati bátɔlɔku. Na lɛɛɛgyi kesii kani na béti-nwu bésienku!”

Yohane 20:15

Amu na Yesu lɛnɔ úye-nwu ɔnini, “Uleku, bi ɔsu na eewulo? Ɔma na aawia?” Nsu Maria ɔ́kali ɔnii anwu mɔɔnu kaƒiɔtɔ kammɔ lɛlɔ. Anwuɔsu na ɔ́su-nwu ɔnini, “Ati, buvele, si awɔ nédie-nwu átɔlɔku mɛni ni, na atina-mi kesii kani na éti-nwu étése, na lisie ntéti-nwu mmɔ.”

Yohane 4:1

Na uwi ɔmmɔ ni, Ƒarisiƒuɔ bénu ka Yesu útaabla ntu bɔkpila ɔdi teete bekyuli na ɔɔkɛ́ basiakune pii teetulo Yohane

Yohane 6:23

Uwi ɔmmɔ kemmo ni, lɛkɔlɔ bamba lɛni nási Tiberia líbo líbedi línye-ma kudɔ na kesii kani na Yesu úti bodobodo úte-ma na bádi mmɔ uwi ɔni na Blɔti ɔ́gya Katɔti enu ɔ́wɔlɔ kemmo.

Korintoƒuɔ 1 7:30

Na bekyuli bani muuwulo ni, babla aani si bana lɛlɔ liiibo kɔnyana. Na bani mɔɔmá ni, babla aani si kubiti kuláda-ma. Na bekyuli bani muuyé ala ni, babla aani si ala ani na béye ƒui aaadi bana ɔdi.

Tesalonikaƒuɔ 1 4:13

Banwa, bɔɔyɔ́ ka bɔsu-mii lɛla lɛni ndubɔlɛku bekyuli bani néekpi, kalɛ na biléteewulo kɔnyana aani bekyuli bani neeebo lɛnunsia.

Hebriƒuɔ 2:17

Ɔmɛni ɔsu na Katɔti ɔ́bla-nwu aani nwuna banwa kalɛ na ulu biala lɛlɔ. Ɔ́bla lɛni kalɛ na unwini ɔkpane unengudi ɔni mɔɔnu kɔnyana na ɔɔbla lɛla biala ulu lɛlɔ teete Katɔti, na uti nwuna ngba ɔkpa kalɛ na Katɔti uti bekyuli ekpidi ɔkyiɛ-ma.

Hebriƒuɔ 4:15

Ɔɔɔdi ɔkpane unengudi ɔni na bula lɛlɔ lilakywi-nwu kaƒɔ na bula kpɛtɛ kpɛtɛ bɔbla kemmo. Mmomu ɔdi ukyuli ɔni na ala ékpoku-nwu ánu na ulu biala lɛlɔ aani bula kalɛ kani. Nsu útabla likpidi lɛdi.

Litemi Batɛne 10:16

Mmɔ na bébo baƒiɔ bani na báƒɔ bése lɛlɔ mmɔ bévaakun, na bése kalɔ baabla Unwoti kabla. Ɔmɛni ɔsu ɔ́sɔ útakana bunye bɔnu Israelƒuɔ abi ani na beebó mmɔ.