Luka 7:12 - Katɔti Ɔku Kedee

¹² Uwi ɔni na údu ɔma ɔmmɔ kabanye ni, ɔ́siaku kekwa bablane otogyi ɔdi ka ɔ́si ɔɔlɛ́. Ukpinele ɔdi ubi ɔnanabi unwi pɛ ndi ukpine ɔni na beti béselaku. Na ɔma ɔmmɔ bekyuli pii báka bámana ukpinele ɔmɛni.

Luka 7:12 ပူးပေါင်းရင်းမြစ်များ

Ala Kalɔ Buse 22:12

Mmɔ ni, ɔtu ɔmmɔ ɔ́su Abraham ɔnini, “Ƒula kɔnu kutetuku ɔnamu ɔmmɔ. Na tabla-nwu lɛla lɛdi lɛnɔ. Ɔƒɛni na lɛ́nu lɛ́ti ka aayia Katɔti sɔsɔ. Ɔsika éteni ka eti ƒ'ubidi ɔni ndi ubi unwi pɛ ɔni na ebo ete-nwu.”

Ala Kalɔ Buse 22:2

Amu na Katɔti ɔnini, “Ta na eti ƒ'ubidi Isak unwi pɛ ɔni na aayɔ́ mmɔ, na eteesie Moria kalɛkɛ lɛlɔ. Mmɔ ni, tádu-nwu na akyula-nwu eti abla akpala ete-mi na kɔbi kɔni matina-a lɛlɔ.”

Samuel 2 14:7

Ɔmmɔ ɔsu kɔdua kɔmmɔ bekyuli ƒui báta bénye-mi lɛlɔ banii nnyonu mina ubi unwi pɛ ɔmmɔ nte na badu anwu lɛnɔ. Ɔsika kalɛ na úbile ɔnwani ngba ni, lɛni kani na ɔlɛka badu anwu lɛnɔ. Na anwu kani nébu na ɔdi bula ala ɔdine. Na si lɛ́nyonu-nwu líte-ma ni, ami ɔdi ɔ́sa. Lɛgyabi linwi pɛ lɛni nébu-mi asi kemmo na badubo bunine mmɔ. Na mina ɔgyani lɛnyi lɛyii na uledie kaba kadi ulése na kalɔ kamɛni lɛlɔ.”

Baga 1 17:12

Mmɔ na uleku ɔmmɔ údie kenye ɔnini, “Na Unwoti Katɔti anumi ni, bodobodo ɔdi biala uuubo-mi. Lɛla lɛni mbo ndi ɔlaaƒɔ lɛkɔkɔ linwi lɛni nwi ɔɔƒɛɛ kemmo ku nnɔ blii bɔni nwi libui kemmo kani na mbo. Na líbo mbayɔ ekyweni adi kalɛ na lisie ɔma ntéti ɔmmɔ lɛnwa lite ami ku mina ubi. Na si bɔ́di bɔ́wɔlɔ ni, bɔsɔ bulie kɔka kɔmmɔ kemmo butaanu kukpi anumi.”

Baga 1 17:18

Amu na ukpinele ɔmmɔ ɔ́su Elia ɔnini, “Katɔti ukyuli, bi ɔsu na ábla-mi lɛni? Bubo na ébo mɛni ka abaya na linyimo mina likpidi na adu mina ubidi?”

Baga 1 17:23

Amu na Elia ɔ́gyu ɔnamu ɔmmɔ na ɔ́yu úsie kalɔ. Na úsie útásu ɔnamu ɔmmɔ uni ɔnini, “Nu! Ƒ'ubidi uli ngba.”

Baga 1 17:9

“Teesie ɔma ɔni baalɔ Sareƒat na ude Sidon na etélie mmɔ. Ɔsika líbo ɔda líte ukpinele ɔdi nli mmɔ ka uteete-ɔ adila.”

Baga 2 4:16

Mmɔ na Elisa ɔ́su uleku ɔmmɔ ɔnini, “Lɛkwa lɛni ndubo aani ɔƒɛni kalɛ bene ni, awɔ lɛnɔ adubɔgyu ƒula kaƒɔ ubi ada enu kemmo.” Amu na uleku ɔmmɔ úkeyi lɛlɔ na údie kenye ɔnini, “Ati, buvele nda-a, tatɔlɔ-mi, ɔsika Katɔti ukyuli na adi.”

Baga 2 4:20

Ka kabla ɔblane ɔmmɔ ɔ́kwɛni ɔnamu ɔmmɔ úsienku uni ni, uni ɔ́gyu-nwu ɔ́sia lɛgba lɛlɔ. Na mmɔ kani na ubi ɔmmɔ úlie laa útédu ɔƒiiwi lebo, na úbekpi.

Hiob 29:13

Na bekyuli bani na ala étulo na nka bukpi na bada muedi ni, lídie-ma na beete-mi kusɛ kusɛ. Na bekpinele kayi káyɔ-ma ƒaa na bédie lɛlɔyɔ lɛnu.

Sakaria 12:10

“Ami Unwoti ndubɔya na Yerusalem bebi ku bawɔ ƒui beduo kɔnyana bonwu kɔdi kemmo na bakpali-mi bevele uwi ɔni na bánu ukyuli ɔni na bátu lɛtula lɛdi. Na badubo-nwu buwulo aani kalɛ na bawɔne badi beewulo bana ubi unwi pɛ ɔni na báwɔ na úkpi iye ubi udeedi ɔni na báyila.

Luka 7:11

Ɔmmɔ kama ni, Yesu úsie ɔma ɔni baalɔ Nain kemmo, na nwuna basiakune ku bekyuli pii badi bakɛ basiaku-nwu.

Luka 7:13

Ka Yesu ɔ́nu uleku ɔmɛni ni, nwuna lɛlɔ lɛ́bla-nwu kɔnyana. Amu na ɔ́su-nwu ɔnini, “Da buwulo ya.”

Luka 8:42

ɔsika ubidi ulekubi unwi ɔni na ɔdubɔƒɔ aani akwa leevu-anyɔ ni, ɔtɛ ɔlɛ ɔdaku bukpi. Ka Yesu ɔkɛ úsela ni, lɛni na bekyuli baanwanɛ lɛlɔ ka bani bede-nwu.

Luka 8:52

Na bekyuli pii benye mmɔ beewulo kɔnyana ku keku na ubi ɔmmɔ ɔsu. Amu na Yesu ɔ́su-ma ɔnini, “Bɛsɔ bitewulo. Ubi ɔmmɔ útekpi. Bɔlɛɛ na ɔda.”

Yohane 11:19

Na Yudaƒuɔ pii bésie mmɔ bátásia Maria ku Marta kɔnu ka bana ɔnwani úkpi ɔsu.

Batalane Kabla 9:39

Amu na anwu lɛnɔ ɔ́ta ɔ́siaku-ma, na ka ɔ́nya úbeduo ni, bétiku-nwu bésienku kesii kani na Dorka ɔtɛ. Na bekpinele bani nkya mmɔ ƒui bábaka bámana-nwu na beewulo. Na bada lɛwu lɛni na Dorka ɔ́ka úte-ma baatina Petro.

Batalane Kabla 9:41

Amu na Petro úte-nwu kɔnu na anwu lɛnɔ úƒie-ku ɔ́da na ɔ́ta únye. Amu na Petro ɔ́sɔ ɔ́lɔ baƒɔtaadine ku bekpinele bammɔ ƒui úboku. Na úti-nwu ɔ́kya-ma lɛkɔkɔ.

Yakobo 1:27

Bɔƒɔtaadi ulu ɔni na Katɔti ɔɔnu ka use sɛɛn na bɔƒiɔ bɔdi buuubo-nwu kemmo ndi ɔmɛni. Ɔlɛka ukyuli ubunku bekyuli bani muubó abi aani bekpinebi ku bekpinele kalɛ. Na ɔda lɛlɔ udie kayawi ekpidi biala kemmo.