Luka 6:7 - Katɔti Ɔku Kedee

⁷ Na ka ɔda bubo ala batinane ku Ƒarisiƒuɔ badi baawia ulu ɔni lɛlɔ na basia na bada Yesu kenye ka ɔɔƒiɔ́ ɔda bubo bɔmmɔ ɔsu ni, básia-nwu anumi kaduɛ banii baanu si wabwi ɔlɛ na lɛnwunameyi lɛlɔ.

Luka 6:7 ပူးပေါင်းရင်းမြစ်များ

Kɔgya 38:12

Bani mɔɔwia-mi ngba bayila lɛnɔ baakywɛ bana kɔkpagyuɛ uwi ndi uwi. Na bani mɔɔwia ka babla-mi kalala lɛnɔ benye kagyumana baasa lili likpidi mina lɛlɔ.

Yesaia 29:21

Na ɔkɔ kenye bediene bani mɔɔnyi ɔkɔ teedie ala kenye kalɛ na badu bekyuli bani na nka bátaƒiɔ kɔtɔ lɛ́nɔ badubo bɔyii ƒui.

Yeremia 20:10

Muunú ka bekyuli bammɔ baatɛmi kabɛnsɛ banini, “Ukyuli biala ɔɔyia na uwi ɔmɛni geen na ɔlɛka budie Yeremia bɔƒiɔ na bɔdu-nwu kɔtɔ!” Na bekyuli bani ƒui na mɔɔlɔ nnii mina bakpana ƒui benye kagyumana ka banu mina likpidi lɛdi na bakɛ kasiakɔ. Na baasu banini, “Ɔƒɛni kalɛ Yeremia ɔdubɔƒiɔ ɔbla lɛla lɛdi na ɔnu-bu kakpagyuɛ na bɔsia ɔmmɔ lɛlɔ bɔkɛ-nwu.”

Mateo 5:39

Nsu ɔƒɛni ni, ami mɔɔsu-mii nnini, bitedie bina bakpana ekpidi ani na bábla-mii kasi. Si ukyuli ɔdi ɔ́ƒiɛmi-ɔ kɔdianu ɔtugya ni, nwini kɔmii ɔdi lɛnɔ te-nwu.

Marko 3:2

Uwi ɔmmɔ ni, Ƒarisiƒuɔ badi bakya kasalakɔ kammɔ. Na benye baanu si ɔdubɔbwi ɔnana ɔmmɔ na lɛnwunameyi lɛlɔ na bawia-nwu litemi.

Luka 13:14

Yudaƒuɔ kasalakɔ kammɔ lɛlɔ ɔnune úti kɔnyi geen sɔsɔ na ɔni na Yesu ɔ́bwi ɔlɛne na lɛnwunameyi lɛlɔ ɔsu. Anwuɔsu ɔ́su bekyuli bammɔ ƒui ɔnini, “Bubo emeyi aku ani buti bɔbla bula kabla. Anwuɔsu bibo na emeyi amɛni kemmo si lɛla lɛdi lɛda bina akɔ ɔdi na babwi-nwu, na ɔɔɔdi lɛnwunameyi lɛlɔ!”

Luka 20:20

Ɔmmɔ ɔsu ni, báwia ulu ɔbambadi ɔni lɛlɔ basia na beƒie-nwu. Béte bekyuli badi ala na bɔbɛ kemmo. Na bása ku-ma lili banii besie Yesu kudɔ. Na babla lɛlɔ aani si litemi lɛmmɔ geen na ama alati baawia bati bete lɛlɔ. Na bátala-ma banii batákywɛ Yesu kakpagyuɛ ku etemila adi. Na bakɛ ulu ɔni na beti-nwu bakya Roma aban unengu enu kemmo.

Yohane 9:16

Amu na Ƒarisiƒuɔ bammɔ badi básu banini, “Ukyuli ɔni nábla lɛla lɛmɛni ni, ɔɔɔdi Katɔti nátala-nwu! Ɔsika uládi lɛnwunameyi ɔda ɔni na Katɔti úbo-bu lɛlɔ.” Na babambadi ama banini, “Dɛ na ukyuli ɔni na ɔdi alaekpidi ɔblane wakana na wabla akɔla budie taatina amɛni udu?” Mmɔ ni, bekyuli bammɔ béle lɛlɔ akpa anyɔ.