Luka 6:6 - Katɔti Ɔku Kedee

⁶ Na lɛnwunameyi lɛbambadi lɛlɔ ni, Yesu úsie Yudaƒuɔ kasalakɔ na útátina ala. Na mmɔ ni, ukyuli ɔdi ɔkya ɔni na nwuna kɔdianu kɔ́gogolo-nwu.

Luka 6:6 ပူးပေါင်းရင်းမြစ်များ

Baga 1 13:4

Uwi ɔni na Yerobeam únu lɛla lɛni na Katɔti kenye udiene ɔmmɔ ɔ́va ɔ́su úwi Betel lɛkpabi lɛmmɔ lɛlɔ ni, únene kɔnu ɔ́kywɛ-nwu ɔ́siku lɛkpabi lɛmmɔ kudɔ mmɔ na ɔ́su ɔnini, “Biƒie ukyuli ɔmmɔ na binyimi-nwu.” Nsu kɔnu kɔni na únene ɔ́tina kenye udiene ɔmmɔ kúkpi kɔnakunwi, na kɔ́goglo na ɔ́sɔ útakana-ku bunene lɛnɔ.

Sakaria 11:17

“Bɔbuɛ ute awɔ baƒonu ɔdane keeke ɔni neeebo kɔsia na eedie baƒonu atu! Mɔɔwia ka nka kewii kekulo-ɔ kɔnu na ɔbla lɛnuku, na ƒula kɔdianu lɛnumi lɛnɔ lɛbwɛ.”

Mateo 4:23

Yesu ɔ́vi Galilea kalɔ lɛlɔ ƒui na ɔ́tina ala na Yudaƒuɔ kasalakɔ. Na ɔ́kɔ lɛsa na Katɔti lɛgadi litemi buni lɛlɔ. Na ɔ́bwi bekyuli bani muuƒi lɛlɛ lidu lidu ƒui.

Luka 13:10

Na lɛnwunameyi lɛdi lɛlɔ ni, Yesu ɔkya ɔɔtina ala na Yudaƒuɔ kasalakɔ kadi.

Luka 14:3

Amu na Yesu úye ɔda bubo ala batinane ku Ƒarisiƒuɔ bammɔ ɔnini, “Bula ɔda bubo búte-bu ulu ka bɔbwi ukyuli na lɛnwunameyi lɛlɔ, munuu bútete-bu ulu?”

Luka 4:16

Ɔmmɔ kama ni, Yesu úsie Nasaret kesii kani na bátumini-nwu ɔ́si lɛnamu uwi. Na lɛnwunameyi lɛlɔ ni, úsie Yudaƒuɔ kasalakɔ aani kalɛ kani na ɔɔyɔ́ bɔbla. Na ɔ́ta únye ka utaaka Bunweni Kedee Ɔku kemmo ala.

Luka 4:31

Ɔmmɔ kama ni, Yesu ɔ́tɔlɔ úsie Kapernaum ɔma kemmo na Galilea kalɔ lɛlɔ. Mmɔ ni, úse kalɔ ɔ́tina bekyuli ala na lɛnwunameyi lɛlɔ.

Luka 6:1

Na lɛnwunameyi lɛdi lɛlɔ ni, Yesu ku nwuna basiakune bakɛ ulu ɔni ntɛ ɔ́vi edula kemmo kadi. Amu na basiakune bammɔ bakya baaƒɛ edula ammɔ taavumi taakun.

Luka 6:5

Amu na kawɔlɔkɔ ni, Yesu ɔ́su-ma ɔnini, “Ukyuli Ɔyawine Ubi ni, anwu ndi Unwoti ute lɛnwunameyi.”

Yohane 5:3

Mmɔ na balɛne pii badi bátaatɛ bani ndi banumbwɛne ku bekpulone ku lɛlɔ kakɛ kenwi bekpine. Na béteenye mmɔ taagya ntu bɔmmɔ bɔkunku bɔdi udu.

Yohane 9:16

Amu na Ƒarisiƒuɔ bammɔ badi básu banini, “Ukyuli ɔni nábla lɛla lɛmɛni ni, ɔɔɔdi Katɔti nátala-nwu! Ɔsika uládi lɛnwunameyi ɔda ɔni na Katɔti úbo-bu lɛlɔ.” Na babambadi ama banini, “Dɛ na ukyuli ɔni na ɔdi alaekpidi ɔblane wakana na wabla akɔla budie taatina amɛni udu?” Mmɔ ni, bekyuli bammɔ béle lɛlɔ akpa anyɔ.