Luka 6:49 - Katɔti Ɔku Kedee

⁴⁹ Nsu ukyuli biala ɔni muunú-mi litemi na uleti-ni taada ni, use aani ukyuli ɔni mɔɔtú ɔtɔ na ɔtɔ kalɔ katayu ɔkplu. Ɔsu si uwi ɔni na ketu kéyi na kágba kávi ɔtɔ ɔmmɔ kalɔ ni, ɔɔƒɛ teewi kalɔ ku kɔku bonwu!”

Luka 6:49 ပူးပေါင်းရင်းမြစ်များ

Agba 28:18

Bekyuli babuni ni, Unwoti ɔdubudie-ma, na lɛla lɛdi lilabla-ma. Nsu bani na bana kasiakɔ kese gontii ni, Unwoti ɔdubɔyila-ma udu.

Esekiel 33:31

Anwuɔsu bana ƒui beebo teebenu lɛla lɛni na adubɔsu, nsu béni na balabla taasiaku kalɛ na ásu-ma. Ama baasu ka basiaku-mi kama siin, nsu baanya bana bakpana taakya na beeyu bana egulabi.

Hosea 4:14

“Na lɛɛɛdubo-ma kɔtu bɔni na ɔmɛni ɔsu, ɔsika amii alati kakpakɔ bayalɛ bɔmmɔ kama na bɛsia, na amii ku-ma bɛɛsála taabla akpala teete baƒiɔ. Na ɔmmɔ geen na lɛsugba lɛmɛni lɛɛtina lɛnini, ‘Bɔyii na bekyuli bani na beeebo kasusu badubo bɔyii ku udu.’

Mateo 23:3

Anwuɔsu ɔlɛka bɛbla lɛla biala na básu-mii kaduɛ. Nsu ni, bitasiaku ala ani na baabla kama, ɔsika baládi ala ani baasu mmɔ lɛlɔ.

Mateo 24:10

Bekyuli bani náƒɔ-mi bádi pii badubunwini kama bakya-mi uwi ɔmmɔ kemmo. Na badubɔkya bana bakpana kakya na beteekisi lɛlɔ.

Marko 4:17

Nsu litemi lɛmmɔ lidu lítada kalɔ kaduɛ. Báƒɔ bádi uwi blii suɛ kani. Nsu si lɛsɛ lɛdi iye bukpoku bɔdi búbo-ma lɛlɔ na litemi lɛmɛni lɛlɔ ɔsu ni, baasɔ teenwini teesie kama.

Luka 12:47

“Kabla ɔblane ɔni ngyi lɛla lɛni na nwuna Unwoti ɔɔwia ka nka ɔbla ute-nwu nsu uuní-ni bɔbla ka útada lɛlɔ útese ɔsu ni, bubo na badubo-nwu bubo na ebola eduo-nwu lɛlɔ.

Luka 19:14

“Nsu ɔnana ɔmɛni ɔma bekyuli béteekisi-nwu, anwuɔsu bátala batu badi na básia-nwu kama banii batásu Ɔga Unengudi banii, ‘Bulayɔ ka ɔnana ɔmɛni unwini-bu ɔga.’

Luka 19:27

Na ɔƒɛni ni, mina bekisine bani na banii nka baláwia ka bese-mi lɛga ni, bɛkpanku-ma biboku mɛni na bɛdu-ma na mina anumi.’ ”

Luka 6:46

“Bi ɔsu na bɛɛlɔ-mi bɛnii Blɔti, nsu bilábla taasiaku lɛla lɛni na lɛ́su-mii lɛlɔ?

Luka 6:48

Use aani ukyuli ɔni mɔɔtú ɔtɔ na ɔ́ka awodu libu budie, na ɔ́nwu lɛti ku atabi kpakplaa úti ɔ́kya ɔka kalɔ na lɛtakpɛ lɛlɔ asa na ɔ́tu ɔtɔ ɔ́sia-nwu lɛlɔ. Ka ketu kéyi na kágba kávi awodu ammɔ kalɔ ni, ɔtɔ ɔmmɔ útabla lɛla lɛdi, ɔsika ɔ́kɛ kenyekɔ kabuni.

Luka 7:1

Ka Yesu ɔ́su bekyuli bamɛni ala amɛni ƒui ɔ́wɔlɔ ni, ɔ́tɔlɔ úsie Kapernaum.

Yohane 15:2

Ɔɔmɛnɛ kagba biala kani naaakana bɔnwu teedie kɔgba kɔkladi akɔ. Na ɔɔƒiala kɔgba kɔni mɔɔnwu lɛnɔ kemmo kalɛ na kuna akɔ kɔbla nwaa na kɔkana kutaanwu kaduɛ.

Batalane Kabla 20:29

Na ngyi kede kede ka si lɛ́tɔlɔ-mii kudɔ ni, bekyuli badubo bɔta bukpoku-mii na begyingya-mii aani kalɛ na begiti beekpóku baƒonu.

Batalane Kabla 26:11

Lɛ́siaku-ma na líkpoku-ma lɛni laa útédu lɛma bamba na ɔgyu kemmo muedi. Na lɛ́ya na baabla-ma kalala na Yudaƒuɔ kɔsakɔ ƒui. Na línye-ma lɛlɔ na beetemi kɔbɔ ala taasiku Yesu lɛlɔ.

Tesalonikaƒuɔ 1 3:5

Ala amɛni ɔsu na lɛ́tala Timoteo nnii ubanu si bɛmu bɛda bɔƒɔtaadi bɔmmɔ kpakplaa. Ɔsika litemi lɛmɛni liléte-mi bɔlɛɛ. Na mɔɔyia ka ɔƒɛni kalɛ ukisine ɔmmɔ úbo úbeƒu-mii kasusu na bula lɛbibo ƒui lɛ́bla keeke.

Petro 2 2:20

Si bekyuli bávumana kayi na Katɔti údie-ma ɔ́lɛku ala ani muukpóku-ma ƒui kudɔ ka báƒɔ Blɔti ku Ɔƒɔne Yesu Kristo asa na básɔ bénwini bésie belie bana ngba kuuku bɔmmɔ ni, bana ablala eebie teetulo kalɛ na úse kalɔ kesekɔ ƒui.

Yohane 1 2:19

Na bekyuli bamɛni bálɛ bula lɛkpa lɛmɛni kemmo, ɔsika baaadi bula badi. Na si bula bekyuli na badi ni, nka bamu bakya-bu akɔ. Nsu bana bɔtɔlɔ bɔmmɔ bɔ́tina geen ka bana akɔ ɔdi biala ɔɔɔdi bula badi.