Luka 6:48 - Katɔti Ɔku Kedee

⁴⁸ Use aani ukyuli ɔni mɔɔtú ɔtɔ na ɔ́ka awodu libu budie, na ɔ́nwu lɛti ku atabi kpakplaa úti ɔ́kya ɔka kalɔ na lɛtakpɛ lɛlɔ asa na ɔ́tu ɔtɔ ɔ́sia-nwu lɛlɔ. Ka ketu kéyi na kágba kávi awodu ammɔ kalɔ ni, ɔtɔ ɔmmɔ útabla lɛla lɛdi, ɔsika ɔ́kɛ kenyekɔ kabuni.

Luka 6:48 ပူးပေါင်းရင်းမြစ်များ

Samuel 2 22:2

Na ɔ́su ɔnini, “Unwoti unye ute-mi aani lɛtakpɛ ku katamikukɔ kani lɛlɔ na líkpo kama.

Samuel 2 22:32

Na ɔma lɛnɔ ndi Katɔti ɔmmɔ si ɔɔɔdi Blɔti? Ɔsika anwu kani ndi lɛtakpɛ lɛni lɛlɔ na bula kama kekpo.

Samuel 2 22:47

“Bɛya bumwi Unwoti ɔni nli uwi ndi uwi. Anwu ndi mina lɛtakpɛ lɛni lɛlɔ na nkpo. Ndubo-nwu lɛnyi katɔ bɔkɔliku, ɔsika anwu mɔɔƒɔ́-mi.

Samuel 2 22:5

“Kukpi kabuli kényimi-mi. Na útiku-mi úselaku aani kalɛ ketu kani néyi keeminime.

Samuel 2 23:3

Israel Katɔti ɔni ndi lɛtakpɛ lɛni lɛlɔ na békpo kama násu-mi ɔnini, ‘Ukyuli ɔni mɔɔdi bekyuli lɛlɔ na ulu siin lɛlɔ, na ɔɔyia Katɔti na ulu ɔni lɛlɔ na ɔ́sia ɔɔdi bekyuli lɛlɔ ni,

Kɔgya 32:6

Anwuɔsu ukyuli biala mɔɔdi ƒula etemila lɛlɔ ɔsia anu na ɔkpali-ɔ uwi ndi uwi na adubunu ete-nwu. Na si ina ɔgbankpi ɔdi na ɔdi aani ketu néyi na kaanwanɛ lɛlɔ kalɛ kalɛ muedi, ntu bɔmmɔ bɔɔɔdubo bɔni bude-nwu na buƒie-nwu kudii.

Kɔgya 62:2

Awɔ lɛti ndi mina lɛtakpɛ lɛni lɛlɔ na nkpo kalɛ na lɛkɛ bɔƒɔ. Na awɔ ndi mina katamikukɔ kpakplaa ɔsu ɔdi biala uladi-mi lɛlɔ kudii.

Kɔgya 95:1

Bibo na budie lɛlɔyɔ lɛnu bute Unwoti. Na bubo-nwu kudu, ɔsika anwu ndi bula lɛtakpɛ ku ngba bɔƒɔ.

Agba 10:25

Ɔgbankpi uubo bekyuli bekpidi lɛlɔ aani ɔƒɛƒɛɛ ɔni mɔɔkya ligede, na uuti-ma ƒui. Nsu bekyuli babuni kɔwodu kalɔ ɔka ɔni bákya uunye teetu uwi.

Yesaia 26:4

Ti ƒula anu ƒui sia Unwoti lɛlɔ uwi ƒui, ɔsika anwu ndi kama kekpokɔ lɛtakpɛ lɛni nnye uwi ƒui.

Yesaia 28:16

Unwoti ɔnini, “Binu! Lɛ́ƒuna lɛtabi lɛni náƒɔ kuye na Sion, na ɔdi lɛtabi kpakplaa lɛni mabala kowodu likpo. Na ukyuli biala ɔni maƒɔ madi ni, enu alaƒɛ-nwu kudii.

Yesaia 59:19

Na ɔ́si ɔƒɛ katukɔ útédu kanukɔ ƒui bekyuli badubo butaayia-nwu na bemwi-nwu kalɛ na uukeye. Ɔsika ɔdubɔda ɔlɛ-ma lɛlɔ aani ketu kani néyi na kadanku ɔƒɛƒɛɛ kpakplaa na ɔbɔku-ma ƒui.

Nahum 1:8

Nsu nwuna bekisine ama ni, ɔɔbɔku-ma taatákya kasuudikɔ aani kalɛ na ketu kani néyi kaagbála ala ku kɔku momoomo taatɔlɔku, na ɔyila-ma udu.

Luka 6:47

Ukyuli biala ɔni muubo-mi kudɔ na uubo teebenu lɛla lɛni mɔɔsu na ɔɔbla taasiaku-ni lɛlɔ ni, ndubɔtina-mii kalɛ na ukyuli ɔmmɔ use.

Luka 6:49

Nsu ukyuli biala ɔni muunú-mi litemi na uleti-ni taada ni, use aani ukyuli ɔni mɔɔtú ɔtɔ na ɔtɔ kalɔ katayu ɔkplu. Ɔsu si uwi ɔni na ketu kéyi na kágba kávi ɔtɔ ɔmmɔ kalɔ ni, ɔɔƒɛ teewi kalɔ ku kɔku bonwu!”

Yohane 16:33

Ala amɛni na lɛ́su-mii kalɛ na kayi kasɔ kelékpoku-mii si biliku-mi. Kayawi bekyuli badubo bɔya na bibo abi. Nsu binye kpakplaa! Ɔsika lɛ́ɛdi kayawi kamɛni lɛbibo biala lɛlɔ.”

Batalane Kabla 14:22

Mmɔ na bákya baƒɔtaadine bani nkya mmɔ ɔkplu banii benye kpakplaa na bana bɔƒɔtaadi kemmo. Na básu-ma lɛnɔ banini, “Ɔlɛka bubo abi pii asa na bɔkɛ lɛlɔyɔ na Blɔti lɛga bɔdi kemmo.”

Eƒesoƒuɔ 2:20

Amii lɛnɔ bise aani kowodu kɔni na bátu bálɛ kpakplaa kɔni na batalane ku kenye bediene bammɔ bátu. Na Kristo ɔlati ndi kowodu kalɔ lɛtabi lɛni nda kowodu kɔmmɔ.

Lɛkpa Ulu 32:15

Unwoti bekyuli bákɛ lɛlɔ, nsu balábu-nwu. Bélie lɛmwi, na bádi bémo. Nsu bénwini kama bákya bana Katɔti ɔni ndi bana Udiene. Na béni bana Ɔƒɔne Ɔyikune ƒui.

Lɛkpa Ulu 32:18

Na báyiƒala bana Katɔti ɔni ndi bana Ɔƒɔne Ɔyikune ƒui ɔni náya na belie ngba.

Lɛkpa Ulu 32:31

Bula bekisine alati bagyi ka bana baƒiɔ bese kpɛtɛ kpɛtɛ, na beeebo ɔyikun aani Israel Katɔti.

Timoteo 2 2:19

Nsu ni, Katɔti ɔtɔ kalɔ lɛtabi lɛni na ɔ́kya ni, lɛla biala lilakana-ni bɔkunku. Na lɛtabi lɛmɛni lɛlɔ ni, únweni etemila amɛni ɔ́sia ɔnini, “Blɔti ɔgyi bekyuli bani ndi anwu badi,” ku “Ukyuli ɔni masu ɔnii ɔsiaku Blɔti ni, ɔlɛka unwini kama ɔkya ekpidi bɔbla.”

Petro 2 1:10

Banwa, ɔmɛni ɔsu ni, binye kpakplaa bibu. Na lɛla lɛni na Katɔti ɔ́lɔ-mii na ɔ́ƒuna-mii ɔnii bɛbla ni, bɛkya-ni ɔyikun uwi biala kalɛ na bina bɔƒɔtaadi bulayuɛ.

Yohane 1 2:28

Mina bebi bayɔne, biliku Kristo kalɛ na si uwi ɔni na ɔ́da ɔ́lɛ ni, bɔdubɔkana na bunye-nwu anumi ku kaƒɔ ƒaa na kɔƒa kulékpo-bu limeyi lɛmmɔ lɛlɔ.

Yuda 1:24

Na anwu ɔni ndubɔkana na uƒie-mii ɔda na bilebuli ni, ɔdubɔkana na ɔbla-mii kedee lɛnɔ. Na lɛlɔ lɛyɔ-mii na ɔya na bɛkana na binye nwuna anumi ani muukeye lɛtɔtɔ na bilásɔ.

Samuel 1 2:2

Ukyuli ɔdi uuuse kedee aani awɔ Unwoti kalɛ. Na ɔdi lɛnɔ uuubunku-ɔ. Na lɛtakpɛ bonwu lɛdi liiibo na lɛdi kama kekpokɔ aani awɔ bula Katɔti.