Luka 6:42 - Katɔti Ɔku Kedee

⁴² Dɛ na ɔ́bla na aasu ƒula ukyulikpana anii, ‘Buvele, ya na lidie-ɔ lɛlakpi lɛnumi.’ Na átakana na anu kegyiikɛ kani nsia-a lɛnumi? Anumi lɛlɔ ukyuli na adi! Ka kegyiikɛ kani nsia-a lɛnumi bɔtimi asa na anu nwaa na edie ƒ'ɔnwani lɛlakpi lɛnumi.

Luka 6:42 ပူးပေါင်းရင်းမြစ်များ

Agba 18:17

Kenye biala na ukyuli ɔsu ni, bekyuli beenú-ka aani litemi geen, wetédu uwi ɔni na lɛla lɛni geen nálɛ ni, básɔku-ni básu kaduɛ.

Mateo 26:75

Na Petro únyimo lɛla lɛni Yesu ɔ́su ɔnini, “Asa na akɔkɔ ɔdubute kenye ni, adubɔsu kɔtɛ sɔɔn ka aaagyi-mi.” Anwuɔsu ɔ́lɛ keyi na útéwulo geen.

Mateo 7:3

“Anwuɔsu ni, tanu alakpi ani nkya ƒula ɔnwani anumi. Mmomu ka ligyuku lɛni nkya-a anumi bɔnu asa.

Mateo 7:4

Tasu ƒula ɔnwani anii, ‘Ya na lidie-ɔ alakpi lɛnumi’ na uwi ɔni na ligyuku lɛkya awɔ ɔlati lɛnumi.

Luka 13:15

Mmɔ na Blɔti údie kenye na ɔ́su-nwu ɔnini, “Amii, anumi lɛlɔ bekyuli, biidie bebuo bani mɔɔbla-mii kabla iye beeti-mii ala lɛbuli na bɛɛkpanku-ma teesienku ntu kanikɔ.

Luka 22:32

Nsu ni, Simon, lɛ́ɛkpali katɔ na ƒula lili kalɛ na ƒula bɔƒɔtaadi bulayuɛ. Na uwi ɔni na adubunwini ebo-mi kudɔ ni, na akya ƒula banwani ɔkplu.”

Luka 6:41

“Bi ɔsu na aanu lɛlakpi lɛni nkya ƒula ɔnwani lɛnumi na alánu kegyiikɛ kani nsia-a lɛnumi aka?

Luka 6:43

“Kugyii kɔbuni kulánwu ebi ekpidi, na kugyii kukpidi lɛnɔ kulanwu ebi buni.

Batalane Kabla 2:38

Amu na Petro ɔ́su-ma ɔnini, “Ɔlɛka bina akɔ ɔdi biala ɔda ekpidi bɔbla ɔya na unwini ubo Blɔti kudɔ, na ɔƒɔ ntu bɔkpila ɔdi na Yesu Kristo lɛnyi kemmo kalɛ na Katɔti uti nwuna ekpidi ɔkyiɛ-nwu, na ukyuli ɔmmɔ wakɛ Katɔti Kɔyu aani kalɛ na Blɔti ɔ́su úse.

Batalane Kabla 8:21

Alakana kalabla kamɛni kemmo bɔkya, ɔsika ƒula kayi keeese siin na Katɔti anumi.

Romaƒuɔ 2:1

Anwuɔsu ni, si awɔ ɔdi aatɛku ukyuli litemi na aadú-ma kɔtɔ ni, eeebo kenye kadi na eedie. Na ulu biala lɛlɔ na ádu ƒula bakpana kɔtɔ ni, ƒula lɛlɔ na aadú kɔtɔ. Ɔsika ala ani na bábla ni, ana udu kani na awɔ lɛnɔ aabla.

Korintoƒuɔ 2 5:18

Katɔti nábla ala amɛni ƒui. Na údie lɛla lɛni nébile abu ku-nwu ntɛ kalɛ na bɔblaku-nwu unwi ɔkɛnku Kristo lɛlɔ. Na anwu kani néti kabla kamɛni ɔ́kya-bu enu kemmo ɔnii bɔkpanku bekyuli bamba buboku na ɔklibi ama ku-nwu ntɛ.

Timoteo 2 2:21

Anwuɔsu si ukyuli ɔdi ɔ́da lɛlɔ údie likpidi kemmo na ɔ́bla lɛlɔ sɛɛn ni, anwu náƒɔ Blɔti kuye aani akyami ani nse nte emeyi buni bɔdi. Na ɔ́manku ute ka ɔbla kabla kabuni.

Petro 2 1:9

Na si ɔdi ɔɔyaki ala amɛni adi ni, na ukyuli ɔmmɔ use aani ukyuli ɔni na ulánu ɔgyu. Na ɔ́yiƒala lɛnɔ ka Katɔti úti nwuna ekpidi ani na ɔ́ɔbla ƒui ɔ́kyiɛ-nwu.