Luka 6:39 - Katɔti Ɔku Kedee

³⁹ Amu na Yesu úbo-ma lɛgba ɔnini, “Ɔnumbwɛne ulakana ɔnumbwɛne ɔkpana bɔtɔnku. Si ɔɔɔdi lɛni ni, bana inyɔ ƒui badubɔnu beduo ubu kemmo.

Luka 6:39 ပူးပေါင်းရင်းမြစ်များ

Yesaia 56:10

Amii Israel kadi benengu, amii na nka ɔlɛka binye bitaagyumana mina bekyuli aani bakpewe bani mɔɔgyumana kaduli. Nsu biiinye bilasia lɛla biala anu na bilebo-ma ɔda ɔdi lɛnɔ. Mmomu bulie kani na bilie biisié taasɔ na bɛɛlɛɛ.

Yesaia 9:16

Batɔnkune bamɛni baatɔnku-ma taatáyila, na bani batɔnku mmɔ lɛnɔ baayii ulu.

Yeremia 6:15

Ɔlɛka kɔƒa kuteekpo-ma na bana ekpidi ani muusé lɛlɔ mmɔ ɔsu. Nsu bana anumi aláƒalɛ lɛla lɛdi munu munu. Anwuɔsu si nnii mɔɔní Yudaƒuɔ kɔtu ni, bana kɔwɔlɔkɔ ndi kukpi na bana ƒui badubo bubuli bɔtɛ kalɔ na bekpi ƒui aani bekyuli bamba kalɛ. Ami Unwoti násu.”

Yeremia 8:12

Ɔlɛka nka kɔƒa kukpo-ma na bana alaekpidi ani muusé lɛlɔ mmɔ ɔsu, nsu bana anumi aláƒalɛ muedi. Anwuɔsu si lɛ́ni Yuda kɔtu ama ɔdi ɔdubo bɔsa na bekpi aani kalɛ na bekyuli bamba lɛnɔ beekpi na beduo kubiɔ.

Mateo 13:3

Mmɔ na ɔ́tina-ma ala pii na agba kemmo ɔnini, “Uwi ɔdi nébo úbavi ni, ukyuli ɔdi úsie utágya edula.

Mateo 15:14

Anwuɔsu bitakpete-ma. Bese aani banumbwɛne bani mɔɔtɔnku banumbwɛne bamba. Na si ɔnumbwɛne ɔtɔnku nwuna ɔkpana ɔnumbwɛne ni, bana inyɔ ƒui badubɔnu beduo ubu kemmo.”

Mateo 23:33

“Bekyuli bekpidi bɛdi! Bise aani balakpi ku bana bebi! Anwuɔsu ni, bɛɛɛdubo bɔkana na bikeli Katɔti kɔtu kɔni na ɔdubɔni-mii na lɛgyavonku kemmo!

Romaƒuɔ 2:19

Na bɛ́ƒɔ lɛlɔ bɛ́di ka bɛdi lɛnumi bite banumbwɛne, na bɛdi bukeye bite bekyuli bani nkya lɛdisa kemmo.

Timoteo 2 3:13

Nsu bekyuli bekpidi ku ɔkɔ ala batinane ama ni, bubie bɔmmɔ bɔdubɔkɔ-ma katɔ bubu na bataatɔlɔ bekyuli. Na bana ɔbladu ɔmmɔ ɔdubɔtɔlɔ ama alati lɛnɔ.