Luka 6:29 - Katɔti Ɔku Kedee

²⁹ Na si ɔdi ɔƒiɛmi-ɔ kɔnu ɔtugya unwi ni, ya na ɔƒiɛmi-ɔ ɔtugya unyɔdi lɛnɔ. Na si ukyuli ɔdi úti ƒula awu ɔni na aakya taasia ɔtɔdi lɛlɔ ni, ya na uti ɔtɔdi lɛnɔ si ɔɔyɔ́.

Luka 6:29 ပူးပေါင်းရင်းမြစ်များ

Samuel 2 19:30

Mmɔ na Meƒiboset ɔ́su Ɔga Dawid ɔnini, “Ya-nwu na ɔ́kpa uti ala ana ƒui ka awɔ mina ati ku ɔga áasi ébeduo Yerusalem buɛɛ ɔsu.”

Ala Alɛdi 2 18:23

Ɔmmɔ kama Kenaana ubidi Sedekia úsie na útáƒiɛmi Mikaia lɛtukpo. Na úye-nwu ɔnini, “Ka Unwoti kɔyu kɔlɛ-mi kemmo ni, wɛ kakɛ na kɔ́vi kɔ́sia asa na kubetemiku-ɔ?”

Yesaia 50:6

Mɔɔda mina kama teese na beebó kugyiimi na baagyɔ-mi keduo linwini. Na ina ka bédumi-mi na bétuo lisuo béwi-mi anumi muedi ni, ńtedeyi ńtesie kɔmadɔ kesii bamba kadi.

Kɔnyana Buwulo 3:30

Lɛni kani na adubɔtɛya ala si bekyuli beedumi-ɔ na bana ebola éduo-ɔ lɛlɔ.

Mika 5:1

Yerusalemƒuɔ, bekpone bekisine báka bámana-a na báƒiɛmi Israel ɔtɔnkune ugyii anumi.

Mateo 26:67

Amu na bétuo lisuo béwi-nwu anumi na bébo-nwu. Na badi lɛnɔ báƒiɛmi-nwu lɛtugya.

Luka 22:64

Bényimi-nwu anumi na bébo-nwu, na béye-nwu banini, “Su-bu ukyuli ɔni nébo-ɔ.”

Luka 6:30

Ukyuli biala ɔni mevele-ɔ lɛla lɛdi ni, te-nwu. Na si ɔdi úti-ɔ lɛla lɛdi ni, tasu anii aasia-ni kama.

Yohane 18:22

Ka Yesu ɔ́su-nwu lɛla lɛmɛni ɔ́wɔlɔ ni, bagyumanane bammɔ akɔ unwi úbo-nwu kɔnu ɔtugya na úye Yesu ɔnini, “Ɔkpane Unengudi na eedie kenye lɛni?”

Batalane Kabla 23:2

Amu ka Anania ɔni ndi Yudaƒuɔ ɔkpane unengudi na bana akɔ mmɔ únu Paulo kenye kamɛni ni, údie lɛdi úte bani nnye Paulo kudɔ mmɔ na báƒiɛmi-nwu ɔtugya.

Korintoƒuɔ 1 4:11

Úti úbalɛ ku ɔƒɛni ni, bɔkɛ ku kɔka ku utukwɛ. Na buuubo adala abuni adi. Na bekyuli beebó-bu. Na buuubo keliekɔ kadi.

Korintoƒuɔ 1 6:7

Kasusu kani na bɛdanku asa na biiti lɛlɔ teesienku litemi katɛkɔ lɛti pɛ ɔɔtina ka bina bɔƒɔtaadi bɔ́sɔ ƒui. Aani ɔƒɔtaadine kalɛ ni, si ukyuli ɔdi ɔɔƒiɔ́-ɔ na ákya ɔkplu na átakya-nwu kenye ni, ɔdia utulo. Lɛni kani si ukyuli ɔdi úti-ɔ lɛla lɛdi ni, takpete ukyuli ɔmmɔ.

Korintoƒuɔ 2 11:20

Na bɛɛtunaku-ma si ɔdi úti-mii ɔ́bla nwuna kabla ɔblane iye ɔ́kɛ-mii lɛlɔ kɔsia kɔdi iye ɔ́kywɛ-mii kakpagyuɛ kadi iye baanu-mii kalɔ kalɔ iye ɔ́ƒiɛmi-mii ɔtugya muedi.

Hebriƒuɔ 10:34

Biiwuloku bani na batɛ aban ɔtɔ kɔnyana. Na bɛɛkɛ́ kayi ƒaa si ina béƒie-mii ala báƒɔ, ɔsika bɛgyi ka bibo akɛla ani ndia ntulo ammɔ na elébie kudii.