Luka 6:27 - Katɔti Ɔku Kedee

²⁷ “Nsu amii bani muunú-mi butemi ni, mɔɔsu-mii nnii bɛyɔ bina bekisine na bɛbla lɛbuni bite-ma.

Luka 6:27 ပူးပေါင်းရင်းမြစ်များ

Baga 1 13:6

Amu na Ɔga Yerobeam ɔ́su kenye udiene ɔmmɔ ɔnini, “Vele ƒula Unwoti Katɔti na akpali-nwu na ɔsɔku mina kɔnu ɔklibi aani kalɛ kuse kudeedi.” Ɔmmɔ ɔsu, kenye udiene ɔmmɔ úvele Unwoti na ɔ́ya na ɔga ɔmmɔ kɔnu kɔ́bla aani kalɛ kuse kudeedi.

Kɔgya 7:4

Mina ɔkpana ɔmani na lídie líte iye mina ukisine ɔmani lɛlɔ na lɛ́ta línye na ulu ukpidi ɔdi lɛlɔ?

Agba 24:17

Lɛlɔ litayɔ-ɔ si ánu ka ƒula bekisine bébuli. Na ebiti atada-a na kayi kemmo si bétulo.

Agba 25:2

Unwoti ala ani na ɔ́bɛla bekyuli ni, anya mɔɔtina kalɛ na úbomo na uukeye. Na ɔga ɔni mɔɔwia-nya kalɔ taati ni, ɔɔƒɔ́ lɛnyi na baabu-nwu.

Marko 4:24

Amu na Yesu ɔ́sɔ ɔ́su-ma ɔnini, “Bise atu kaduɛ na lɛla lɛni biinú lɛlɔ! Ɔsika kalɛ na aakɔ́ku bekyuli bamba taanu ni, lɛni kani na Katɔti ɔdubɔkɔku-ɔ bɔnu, utulo muedi!

Luka 23:34

Mmɔ na Yesu ɔ́su ɔnini, “Ati, ti kyiɛ-ma, ɔsika baaagyi lɛla lɛni na baabla.” Ɔmmɔ kama ni, bekpone bammɔ béle Yesu adala aani kalɛ na ɔdi biala egulabi ani na ɔ́tu ádi kalɛ.

Luka 6:22

Lɛlɔ litaayɔ-mii si bekyuli beekisi-mii na beení-mii na beedumi-mii na baasu-mii banii bibo likyulikpi na ami Ukyuli Ɔyawine Ubi ɔsu!

Luka 6:35

Mmomu ni, bɛyɔ bina bekisine na bɛbla-ma lɛbuni. Bivo ala bite-ma, na bina anu atasia ka badubɔsɔku bete-mii kokooko. Si bɛ́bla lɛni ni, bɛdubɔkɛ lɛyuƒɔla bonwu. Na badubɔlɔ-mii banii Katɔti Ɔni Ntulo Ƒui bebi. Ɔsika Katɔti ubo kaƒɔ buni ute bani na ala alaƒɔ-ma anu ku belikplune lɛnɔ muedi.

Luka 8:15

Na edula ani nálɛ ébo kalɔ kabuni lɛlɔ ni, ese aani bekyuli bani muunú litemi lɛmmɔ teeti-ni taada ku kayi nwaa. Na beeboku lɛlɔ kalɔ na beenye momoomo teetédu kawɔlɔkɔ kalɛ na banwu ebi pii.

Luka 8:18

“Bɛnu lɛlɔ kemmo kaduɛ na kalɛ na biinú etemila lɛlɔ. Na ukyuli ɔni muunú na únu kalɔ ni, ɔdubunu kalɔ ubu. Na ukyuli ɔni neeese atu ni, libliidi lɛni na ɔɔbu ɔnii únu muedi ni, badubɔƒɔ-ni na nwuna kudɔ.”

Luka 8:8

Na akladi anya álɛ ébo kalɔ buni lɛlɔ. Na ka ákwɛ ni, ánwu ebi eti anyɔ anyɔ.” Amu na Yesu ɔ́su-ma ɔnini, “Bibimi atu, na binu kaduɛ!”

Batalane Kabla 10:38

Na bínu lɛnɔ kalɛ na Katɔti ɔ́ƒuna Yesu ɔni nási Nasaret ɔni na úti nwuna Kɔyu úse-nwu likpo na úti ɔyikun lɛnɔ úte-nwu. Na ɔ́kɛ útaavi taabla lɛbuni na útaabwi bani ƒui na ayu ekpidi eekpóku, ɔsika Katɔti ɔsiaku-nwu.

Batalane Kabla 16:28

Nsu ka Paulo ɔ́nu ɔ́ti lɛla lɛni na ɔ́yɔ ka ɔbla lɛlɔ ɔsu ni, ɔ́kpali-nwu ɔ́su ɔnini, “Tabla! Bula ƒui bɔkya mɛni.”

Batalane Kabla 7:60

Amu na ɔ́lɛ akɔnkɔ na ɔ́sɔ ɔ́kpali katɔ ɔ́su ɔnini, “Unwoti, teti bɔƒiɔ bɔmɛni tete-ma, énu!” Na ka útemi ɔ́su lɛni ɔ́wɔlɔ ni, ɔ́lɛ úbo kalɔ na ɔ́yula.

Galatiƒuɔ 6:10

Anwuɔsu uwi biala na kuƒi kɔtɛ-bu ni, bɛya na butaabla lɛbuni teete ukyuli biala. Ɔni ntulo ndi ka bɛbla bite banwa baƒɔtaadine.

Tesalonikaƒuɔ 1 5:15

Bɛnu kaduɛ na ɔdi uteti likpidi utaƒɔ likpidi kayu. Mmomu uwi biala kemmo ni, bitaabla lɛbuni teete lɛlɔ ku bekyuli ƒui.

Yohane 3 1:11

Mina ɔkpana ɔyɔne, tasiaku likpidi bɔbla kama. Mmomu siaku lɛbuni bɔbla kama. Na ukyuli biala ɔni mɔɔbla lɛbuni ni, ɔdi Katɔti ɔdi. Nsu ukyuli ɔni mɔɔbla ala ekpidi ni, ɔɔɔgyi Katɔti.