Luka 6:23 - Katɔti Ɔku Kedee

²³ “Bɛkɛ ebiti si amɛni ƒui aalɛ́ na bɛtɔ ku ebiti, ɔsika Katɔti ɔdubute-mii lɛyuƒɔla bonwu na katɔ. Ɔsika ala amɛni udu na béti bábla Katɔti kenye bediene bani nákya ƒui.

Luka 6:23 ပူးပေါင်းရင်းမြစ်များ

Samuel 2 6:16

Uwi ɔni na Bunyimi Adaka ɔmmɔ uuduo Dawid ɔma unengudi ɔmmɔ kemmo ni, Saul ubidi ulekubi Mikal unye ɔɔnu-ma taavinku ƒansili. Na ɔni na ɔ́nu kalɛ na Dawid ɔkɛ ɔɔtɔ́ na ɔɔƒulu na Unwoti anumi ni, nwuna lɛlɔ lítayɔ-nwu kaƒɔ munu munu.

Baga 1 18:4

Uwi ɔni na Isebel ɔ́kya útaadu Unwoti kenye bediene ni, Obadia úti kenye bediene bammɔ eti anyɔ útábɛla atabi libu bonwu inyɔ bɔdi kemmo. Na úle-ma ɔ́kya mmɔ liti liti na uute-ma adila ku ntu na mmɔ.

Baga 1 19:10

Amu na Elia údie kenye ɔnini, “Lɛ́sia anu kpakplaa na lɛ́kpa Unwoti Ɔyikune Ƒui uwi biala. Na Israelƒuɔ béni ƒula bunyimi na bábwɛ ƒula akpabi. Na bádu ƒula kenye bediene ƒui ku lɛkɛɛ, na ami lɛti nébu. Na ɔƒaani benye baawia kuƒi ka badu ami lɛnɔ.”

Baga 1 19:14

Amu na Elia údie kenye ɔnini, “Uwi biala ni, mɔɔkpá awɔ Unwoti Ɔyikune Ƒui, na Israelƒuɔ béni ƒula bunyimi na bábwɛ ƒula akpabi na bádu ƒula kenye bediene ƒui ku lɛkɛɛ, na ami kani nébu. Na ɔƒaani benye baawia kuƒi ka badu ami lɛnɔ.”

Baga 1 19:2

Mmɔ na Ahab ulekudi Isebel úti kenye úmene Elia ɔnini, “Asa na uteedu kɔnaadi ɔƒaalɛ bene si ńtaya na awɔ lɛnɔ ekpi aani bana kalɛ ni, na baƒiɔ bammɔ bani-mi kɔtu biala na baayɔ́.”

Baga 1 21:20

Amu na Ahab ɔ́su Elia ɔnini, “Bi? Bɔnu na awɔ mina ukisine ánu-mi?” Amu na Elia údie kenye ɔnini, “Lɛ́nu-ɔ, ɔsika éti lɛlɔ éye éte likpidi na Unwoti anumi.

Baga 1 22:27

Na asu-ma ka lɛni na ɔga ɔɔsu ɔnini, ‘Biti okloƒu ɔmɛni bɛkya ɔtɔ. Na bitete-nwu lɛla biala na ɔdi, si ɔɔɔdi bodobodo ku ntu kani wetédu ka línwini ḿbeduo buɛɛ.’ ”

Baga 1 22:8

Amu na Israelƒuɔ ɔga údie Yehosaƒat kenye ɔnini, “Kenye udiene unwi ɔdi úbu ɔni na bɔkana buye-nwu Unwoti kasusu bunu, nsu muukisi-nwu. Ɔsika ulédie kenye kabuni biala na mina lɛlɔ. Na kenye biala wasu mina lɛlɔ kaaadia. Na anwu baalɔ Mikaia, na ɔdi Imla ubidi.” Amu na Yehosaƒat ɔ́su Israelƒuɔ ɔga ɔnini, “Útalɛka asu lɛni.”

Baga 2 6:31

Amu na ɔga ɔmmɔ ɔ́su ɔnini, “Si ńtaya na bekulo Saƒat ubidi Elisa lili ɔmwi kadi asa na ɔƒɛ ɔ́sa ni, na Katɔti ɔni-mi kɔtu kpakplaa biala na ɔɔyɔ́!”

Ala Alɛdi 2 36:16

Nsu bɔma kani na bekyuli bamɛni báma kenye bediene bammɔ na bédumi-ma na béni ala ani ƒui na Katɔti ɔɔwia ka ɔsu-ma. Na ɔkɛnku ɔmɛni ɔsu kɔnyi kúbakɔ Unwoti Katɔti kɔ́vili útédu ka ɔni Yuda ku Yerusalem kɔtu.

Nehemia 9:26

“Nsu báyu atuɔkplu na báta bénye-ɔ lɛlɔ. Na béti ƒula ɔda bubo bábala bana kama. Na bádu ƒula kenye bediene bani bákya-ma ɔkplu ka nka benwini bebo-ɔ kudɔ. Na bétemi enyekpi ani mɔɔda lɛƒu béwi-ɔ.

Kɔgya 58:11

Na bekyuli badubɔsu banini, “Sɔsɔ ni, báƒɔ bekyuli babuni kayu. Ɔsika Katɔti ɔni mɔɔtɛ litemi ulu lɛlɔ mɔɔdi kayawi lɛlɔ.”

Yesaia 35:6

Na bani na báƒɛ bewi kalɔ badubɔta na baƒulu ku lɛlɔyɔ aani bakwa. Na bamumu linyemi kɔbuli kɔƒɛnimi na bebo kudu ku lɛlɔyɔ. Na ntukpa bɔlɛ bɔsia bɔvi kalɔ kakwiidi kammɔ kemmo.

Yeremia 2:30

Lɛ́du bina bebi líti lɛ́ni-mii kɔtu nsu bíni na bítenwini bítebo-mii kudɔ. Bina kuwii na amii alati bíti bɛ́du bina kenye bediene aani bagyata bani néti kɔnyi.

Malakai 4:1

“Litemi Bɔtɛ Limeyi lɛdubo ɔni na lɛla lɛdi liletile kuƒi kɔmmɔ. Na limeyi lɛmmɔ lɛdubuse aani lɛyu lɛni náƒɔ ogya ku ogya livongu bonwu lɛni muudie ogya linyemi lɛni ndubo alaekpidi bablane ƒui bɔkyula kede kede aani livo. Na kegyigba iye ugyitu ɔdi ulébu. Ami, Unwoti Ɔyikune Ƒui, násu!

Mateo 5:12

Ebiti ada-mii na lɛlɔ lɛnɔ lɛyɔ-mii, ɔsika bibo lɛyuƒɔla bonwu na katɔ. Lɛni kani na békpoku Katɔti kenye bediene bani nágyu batɔ-mii.

Luka 1:41

Na ka Elisabet únu Maria kegye ni, ubi ɔni nkya-nwu kaƒɔ kemmo úkpo, na Katɔti Kɔyu kɔ́ƒɔ Elisabet lɛlɔ kemmo ƒui.

Luka 1:44

Uwi ɔni kani na ƒula kegye kánya kéduo-mi atu kemmo ni, mmɔ kani na ubi ɔni nkya-mi kaƒɔ kemmo úkpo na lɛlɔyɔ kemmo.

Luka 6:35

Mmomu ni, bɛyɔ bina bekisine na bɛbla-ma lɛbuni. Bivo ala bite-ma, na bina anu atasia ka badubɔsɔku bete-mii kokooko. Si bɛ́bla lɛni ni, bɛdubɔkɛ lɛyuƒɔla bonwu. Na badubɔlɔ-mii banii Katɔti Ɔni Ntulo Ƒui bebi. Ɔsika Katɔti ubo kaƒɔ buni ute bani na ala alaƒɔ-ma anu ku belikplune lɛnɔ muedi.

Batalane Kabla 14:10

Paulo ɔ́su-nwu ɔnini, “Ta nye ƒula lɛgba lɛlɔ!” Na ɔnana ɔmɛni úmi ɔ́ta na úse kalɔ ɔkɛ uusié.

Batalane Kabla 3:8

Na ɔ́ba lɛgyu ɔ́kɔ katɔ na úbenye lɛgba lɛlɔ. Na úse kalɔ uusié taavi na ɔɔba agyu na uumwi Blɔti. Na ɔ́siaku-ma útéduo kakpakɔ mmɔ.

Batalane Kabla 5:41

Na ka bésela ni, kubiti kɔ́da-ma kaduɛ, ɔsika bánu ka Katɔti ɔ́ka-ma ɔ́kya bekyuli bani muubó abi ku kɔƒa na Yesu ɔsu.

Romaƒuɔ 5:3

Na lɛnɔ ni, lɛlɔ lɛɛyɔ́-bu si buubó abi, ɔsika bɔgyi ka lɛbibo lɛmɛni udu lɛɛyá na buunye kpakplaa.

Korintoƒuɔ 2 12:10

Si Kristo ɔsu na ɔlɛ úbo-mi lɛlɔ, na bekyuli beedumi-mi, na muubó abi, na bekyuli beekpóku-mi, na ɔgbankpi ɔɔsiáku-mi ni, kaƒɔ kadubɔyɔ-mi. Ɔsika uwi ɔni na lɛ́sɔ ni, mɔɔkɛ́ Kristo ɔyikun.

Koloseƒuɔ 1:24

Na ɔƒɛni ni, ɔdi-mi kubiti ka muubó abi na amii ɔsu. Na mina abi ani na muubó na ɔlɔna kemmo mɛni ni, ɔ́ya na muubunku na libo abi ani na Kristo ɔlɛka ubo na nwuna baƒɔtaadine lɛkpa lɛni ndi nwuna ɔlɔna ɔmmɔ lili lɛwɔlɔ.

Timoteo 2 2:12

Si bɔ́kana na bunye kpakplaa na lɛbibo biala kemmo ni, abu ku-nwu bɔdubɔdi lɛga. Na si buuní-nwu ni, anwu lɛnɔ ɔdubuni-bu.

Hebriƒuɔ 11:26

Ɔ́nu ka si bákya-nwu kɔƒa na Ukyuli Ɔƒunadi ɔni lɛlɔ na nwuna anu asia lɛlɔ ni, ɔ́ƒɔ-nwu kuye utulo ka ɔsiaku Egyipteƒuɔ akɛla kama. Ɔsika unye ɔɔnu ulu ute lɛyuƒɔla lɛni na Katɔti ɔdubute-nwu.

Hebriƒuɔ 11:6

Na ukyuli ɔdi lɛlɔ liláda Katɔti kubiti si uuubo bɔƒɔtaadi. Ɔsika ukyuli biala ɔni muubo Katɔti kudɔ ni, ɔdi ka ɔƒɔ ɔdi ka Katɔti ɔkya na ɔɔƒɔ kayu buni teete bekyuli bani mɔɔwia-nwu kama ulu kpakplaa.

Yakobo 1:2

Banwa, lɛlɔ litaayɔ-mii si ala lidu lidu eekpóku-mii.

Petro 1 4:13

Mmomu ni, bɛya na lɛlɔ litaayɔ-mii ka amii lɛnɔ biibó abi aani Kristo kalɛ. Ɔsika ebiti adubɔda-mii na lɛlɔ lɛyɔ-mii geen uwi ɔni na wasɔ webo na nwuna bukeye bonwu kemmo.

Budie Taatina 2:17

“Si bibo atu ni, na binu lɛla lɛni na Katɔti Kɔyu kɔɔsu baƒɔtaadine akpa ammɔ. Anwu ɔni madi ekpidi lɛlɔ ni, ndubo-nwu adila ani na Katɔti ɔ́bala úse adi bute. Na ndubute-nwu lɛtabi lɛƒualadi lɛdi lɛnɔ lɛni lɛlɔ na bénweni lɛnyi lɛwɔdi básia lɛni na ukyuli ɔmmɔ kani ndubɔti-ni.”

Budie Taatina 2:26

“Na ukyuli ɔni madi ekpidi lɛlɔ na wenye kpakplaa wetédu kawɔlɔkɔ ni, ndubute-nwu ɔyikun aani kalɛ na lɛ́ƒɔ lɛ́siku mina Ɔti kudɔ na ɔdubɔdi kadi ƒui lɛlɔ. Bénweni bése banii, “ ‘Ɔdubɔdi-ma lɛlɔ ku ɔyikun kpakplaa na ɔbwɛ-ma uwi kalɔ kpɛtɛ kpɛtɛ aani ebui kalɛ.’

Budie Taatina 2:7

“Si bibo atu ni, na binu lɛla lɛni na Katɔti Kɔyu kɔɔsu baƒɔtaadine akpa ammɔ. Anwu ɔni madi ekpidi lɛlɔ ni, ndubute-nwu ulu na ɔdi ngba kugyii kɔni nnye Katɔti Paradiso kemmo mmɔ ebi.”

Budie Taatina 21:7

Ukyuli ɔni madi ekpidi lɛlɔ ni, ɔdubɔkɛ kadikɔ kamɛni. Na ami lɛdi-nwu Kɔti, na anwu wadi mina ubi.

Budie Taatina 3:12

Ndubo ukyuli ɔni madi lɛlɔ bɔbla aani lɛkpa na mina Katɔti kakpakɔ ɔni na lɛsɔ lilágyu mmɔ kudii. Ndubo mina Katɔti lɛnyi ku nwuna ɔma kedee ɔmmɔ lɛnyi bunweni bɔsia-nwu lɛlɔ. Na ɔdi Yerusalem ɔwɔdi ɔni mayu masi katɔ na Katɔti kudɔ. Na ndubo ami ɔlati lɛnyi lɛwɔdi lɛnɔ bunweni bɔsia-nwu lɛlɔ.

Budie Taatina 3:5

Ukyuli ɔni madi ekpidi lɛlɔ ni, ɔdubɔda ala aƒualadi aani bana kalɛ. Na lɛɛɛdubo-ma anyi bɔda budie ngba ɔku kemmo. Na ndubudie-ma kenye na mina Ɔti ku Katɔti batu ƒui anumi ka badi ami badi.