Luka 6:21 - Katɔti Ɔku Kedee

²¹ Lɛlɔ litaayɔ amii bani na kɔka kɔɔda ɔƒɛni, ɔsika amii ndubumo! Lɛlɔ litaayɔ amii bani muuwulo ɔƒɛni, ɔsika bɛdubɔma!

Luka 6:21 ပူးပေါင်းရင်းမြစ်များ

Ala Kalɔ Buse 17:17

Mmɔ ni, Abraham ɔ́yu úbi kalɔ na úye lɛlɔ ɔnii, “Ami ɔnana ɔni náaƒɔ akwa eti anyɔ mɛni ku ukyuli ɔdi bɔdubɔkana ubi ɔdi bɔwɔ? Na Sara lɛnɔ ɔ́ɔƒɔ akwa liti ku aavlene. Ɔdubɔkana kaƒɔ bɔda?” Litemi lɛmɛni lɛ́da-nwu lɛma, na ɔ́ma.

Ala Kalɔ Buse 21:6

Ɔmmɔ ɔsu ni, Sara ɔ́su ɔnini, “Katɔti ɔ́ya na mina anumi aƒɛnimi ku lɛma. Na ukyuli biala ɔni menu lɛla lɛmɛni ɔdubo bɔma ku-mi ku ebiti.”

Kɔgya 107:9

Bani na utukwɛ ɔɔda ni, uute-ma ntu na baaní. Na bani na kɔka mɔɔda-ma ni, uute ama lɛnɔ adila abuni na baadi teemo.

Kɔgya 119:136

Naaada buwulo taaya uwi ɔdi na ɔni na bekyuli baládi ƒula ɔda bubo lɛlɔ ɔsu.

Kɔgya 143:6

Lɛ́kɔliku mina enu katɔ mɔɔkpali-ɔ aani kalɔ kani lɛlɔ na ntu bɔ́kwii bɔ́sa ƒui.

Kɔgya 17:15

Nsu ami ndubɔnu-ɔ anumi, ɔsika ntabla lɛla likpidi lɛdi. Na si lɛ́ta mina kalɛɛkɔ ni, ndubɔnu kalɛ na ese na lɛlɔ lɛyɔ-mi.

Kɔgya 28:7

Unwoti mɔɔgyumana-mi na uute-mi ɔyikun. Nwuna lɛlɔ na mina kayi kasia na úbunku-mi sɔsɔ. Ɔmmɔ ɔsu na kayi kaayɔ́-mi geen. Na ndubɔtu enugya ɔnu lite-nwu.

Kɔgya 65:4

Lɛlɔ lɛdubɔyɔ bekyuli bani na awɔ ɔlati áƒuna ka bebelie-ɔ kudɔ na ƒula kakpakɔ kedee kaduli. Na badubɔkɛ ebiti geen na ƒula kudɔ bulie kemmo na mmɔ.

Yesaia 25:6

Na Sion Kɔbi kɔmɛni lɛlɔ ni, Unwoti Ɔyikune Ƒui ɔdubɔlɔ bekyuli ƒui limeyi buni kadikɔ. Na use adila abuni geen ute-ma ku lɛna ku ntɛ bɔbuni ƒui geen.

Yesaia 30:19

O amii Sion kadi bekyuli bani nli Yerusalem ɔma, útalɛ ka bɛsɔ bilie biteewulo. Unwoti ubo lɛƒɔndia geen na si bɛ́va bɛ́kpali-nwu ɔdubunu na nanu-mii kɔnyana.

Yesaia 66:10

Bɛkɛ lɛlɔyɔ ku Yerusalem na ebiti ada amii bani mɔɔyɔ́-nwu. Bibo lɛlɔyɔ kudu momoomo amii bani néwulo-nwu kɔnyana.

Yeremia 13:17

Na si bɛ́talaku lɛlɔ katɔ na bítenu-nwu litemi ni, ami lɛti ndubo buwulo uwi ɔni na badubuti Katɔti bekyuli batɔlɔku aani bekyuli batɔntɛne.

Yeremia 31:25

Bani na lɛlɔ lítu-ma na bábla kpɛtɛ kpɛtɛ ni, badubo ɔyikun ku ngba ɔwɔdi bɔkɛ.

Yeremia 31:9

Badubo buteewulo na baatákpali-mi teevele uwi ɔni na bakɛ ulu badubo ɔma. Na ndubo-ma bɔkpanku busienku abiɔ ani kemmo na ntu bɔbuni bɔkya na bani. Na badubɔsia ulu ɔni ntɛ kalɔ ƒiaa lɛlɔ na beletulo iye bagbanta. Ɔti na ndi nte Eƒraim mina kaƒɔ ubi udeedi ku nwuna badi.

Yeremia 9:1

Si bunwini na mina anumi enwini imii ku libiɔ na nteewulo usien ku ɔƒɛ na mina bekyuli bani na bádu ɔsu nka ɔdia-mi.

Esekiel 7:16

Na bani na ndubo bubu bulie ngba lɛnɔ badubo bukeli busie abi lɛlɔ aani babloduma bani mɔɔtɔlɔ kɔwɛ kemmo taatáwia kabɛkɔ kesii kani na bakɛ bɔƒɔ. “Na bina ƒui bɛdubo kɔnyana buwulo na bina ekpidi ɔsu.

Esekiel 9:4

“Sie vi ɔma Yerusalem ɔmmɔ ƒui kemmo na abla likposela asia ukyuli biala geen na alaekpidi ani na baabla na ɔma ɔmɛni kemmo aadá-nwu ɔƒɛ lɛtɛntɛ.”

Mateo 5:4

Lɛlɔ litaayɔ bekyuli bani muuwulo kɔnyana. Katɔti ɔdubɔsia-ma kɔnu.

Mateo 5:6

Lɛlɔ litaayɔ bekyuli bani na anumi eegyie-ma ka belie siin na Katɔti anumi. Badubɔkɛ lɛla lɛni mayɔ-ma kaƒɔ.

Luka 1:53

Ɔ́ya na bekyuli bani na kɔka kɔɔda ƒui bémo ku ala abuni sɔɔn, na balakɛne bénwini ku enukplu.

Luka 6:20

Yesu ɔ́sia nwuna basiakune anu na ɔ́su-ma ɔnini, “Lɛlɔ litaayɔ amii bawabane, ɔsika Katɔti lɛga kadikɔ kadi bina ɔdi!

Luka 6:22

Lɛlɔ litaayɔ-mii si bekyuli beekisi-mii na beení-mii na beedumi-mii na baasu-mii banii bibo likyulikpi na ami Ukyuli Ɔyawine Ubi ɔsu!

Luka 6:25

Bɔbuɛ muute amii bani némo ɔƒɛni, ɔsika kɔka kɔdubo-mii bɔda! Bɔbuɛ muute amii bani mɔɔmá ɔƒɛni, ɔsika bɛdubo kɔnyana ku keku buwulo!

Yohane 11:35

Mmɔ ni, Yesu úwulo.

Yohane 4:10

Yesu údie kenye ɔnini, “Si bɔti na adubɔti litela lɛni na Katɔti ubo ute-ɔ ku ukyuli ɔni udu muuvele-ɔ ntu ɔnii ɔɔní ni, nka awɔ mmomu ndubuvele-mi ntu bɔni mɔɔgbá na buute ngba, na lite-ɔ ntu bɔmmɔ.”

Yohane 6:35

Mmɔ na Yesu ɔ́su-ma ɔnini, “Ami ndi adila ani mɔɔyá na bekyuli beelie ngba. Na ukyuli ɔni muubo-mi kudɔ ni, kɔka kɔsɔ kulada-nwu. Na ukyuli ɔni mɔɔƒɔ́-mi taadi ni, utukwɛ ɔsɔ ulada-nwu kudi kudii.

Korintoƒuɔ 1 4:11

Úti úbalɛ ku ɔƒɛni ni, bɔkɛ ku kɔka ku utukwɛ. Na buuubo adala abuni adi. Na bekyuli beebó-bu. Na buuubo keliekɔ kadi.

Korintoƒuɔ 2 11:27

Lɛ́bla kabla kpakplaa lítu lɛlɔ kaduɛ. Ńtatɛ ńtalɛɛ usien pii. Na kɔka ku utukwɛ ɔ́da-mi, na adila ábɔ-mi uwi pii. Na kɔyɔ kɔda-mi, na ńtakɛ lɛla lɛni na libi lɛlɔ.

Korintoƒuɔ 2 12:10

Si Kristo ɔsu na ɔlɛ úbo-mi lɛlɔ, na bekyuli beedumi-mi, na muubó abi, na bekyuli beekpóku-mi, na ɔgbankpi ɔɔsiáku-mi ni, kaƒɔ kadubɔyɔ-mi. Ɔsika uwi ɔni na lɛ́sɔ ni, mɔɔkɛ́ Kristo ɔyikun.

Korintoƒuɔ 2 6:10

Ina ka bula lɛlɔ lɛɛkywí kaƒɔ ni, lɛlɔ lɛɛyɔ́-bu uwi biala. Baanu-bu aani bawabane, nsu bɔɔyá na bekyuli beenwíni Katɔ Ɔga Ɔma balakɛne. Baanu-bu aani bekyuli bani neeebo lɛla lɛdi. Nsu geen ni, ala ƒui ása-bu.

Yakobo 1:12

Lɛlɔ lɛdubɔyɔ ukyuli ɔni náƒɔ ɔ́di na unye kpakplaa na ɔɔsiáku ala ani ƒui muukpóku-nwu. Ɔsika si enu átaƒɛ-nwu ni, ɔdubɔkɛ ngba ƒui lɛyuƒɔla lɛni na Katɔti ɔ́su úse ka ɔdubute bekyuli bani mɔɔyɔ́-nwu.

Budie Taatina 21:3

Na línu lɛdi bonwu lɛdi ɔ́si lɛgaboku lɛmmɔ kudɔ ka lɛɛsu lɛnini, “Bɛnu! Katɔti keliekɔ káyu kébo bekyuli akɔ. Ɔdubulie-ma kudɔ na ama benwini-nwu bekyuli. Na Katɔti ɔlati ɔkya-ma akɔ na ɔdi-ma Kɔti.

Budie Taatina 7:16

Na kɔka iye utukwɛ ɔsɔ uladu-ma kudii. Na ɔƒɛ iye liwulu lɛdi lɛsɔ lileƒi-ma.