Luka 6:19 - Katɔti Ɔku Kedee

¹⁹ Bekyuli bammɔ ƒui bákya ɔkplu ka betuku Yesu na bana lɛlɛ lɛba-ma, ɔsika ɔyikun ɔdi udu útaalɛ Yesu lɛlɔ kemmo na ɔɔbwi bekyuli ƒui.

Luka 6:19 ပူးပေါင်းရင်းမြစ်များ

Baga 2 13:21

Amu na kekwa kadi uwi lɛlɔ ni, Israelƒuɔ badi bada ukpine ɔdi batáva. Mmɔ na bánu Moabƒuɔ bekpone badi na bana kalɔ lɛlɔ. Amu na bekyuli bammɔ béƒwimi ukpine ɔmmɔ bátákya Elisa kaƒiɔtɔ kemmo na békeli. Na ka ukpine ɔmmɔ ɔlɔna ɔ́nya útuku Elisa likubi kani na ukpine ɔmmɔ ɔ́gyinya na ɔ́ta únye.

Mateo 14:36

Na balɛne bammɔ bévele-nwu banii ɔya na betuku nwuna awu kɔtu. Na bani ƒui nétuku-nwu awu kɔtu ni, bana lɛlɛ lɛ́ba-ma.

Marko 5:30

Kɔnakunwi ni, Yesu ɔ́ti ka ɔyikun ɔdi ɔ́lɛ-nwu lɛlɔ kemmo. Anwuɔsu ɔ́tu únwini na úye bekyuli bani nsiaku-nwu ɔnii, “Ɔma nétuku mina awu?”

Marko 6:56

Na ekpo ani ƒui na Yesu úsie ni, ɔma na ɔdi o-o, lɛkpaklɔ na lɛdi o-o ni, bekyuli beeti balɛne teesienku kuyeya na beevele-nwu ka ɔya na betuku nwuna awu kɔtu. Na bani nétuku-nwu ni, lɛlɔ lɛ́yu-ma ɔkplu.

Marko 8:22

Ka bésie bétédu Betsaida ni, bekyuli badi béti ɔnumbwɛne ɔdi béboku Yesu na bévele-nwu banii utuku-nwu.

Luka 5:17

Limeyi lɛdi ka Yesu ɔkya ɔɔtina ala ni, Yudaƒuɔ lɛkpa lɛni baalɔ Ƒarisiƒuɔ ku ɔda bubo ala batinane badi bási Galilea ku Yudea kalɔ lɛlɔ ekpo ekpo ƒui bébo bélie mmɔ. Na Katɔti ɔyikun ɔni Yesu uti ɔbwi balɛne lɛnɔ ɔkya-nwu lɛlɔ kemmo.

Luka 6:18

Bébo banii bebenu ala ani na Yesu ɔɔtina na ɔbwi-ma lɛlɛ lidu lɛni na beeƒi. Bekyuli bani na ayu ekpidi eekpóku lɛnɔ bébo na ɔ́bwi-ma.

Batalane Kabla 19:12

Na si béti nwuna adala adi bétuku ɔlɛne ɔdi muedi ni, aabwi-nwu, na asɔ aagyá ayu ekpidi lɛnɔ taalɛku bekyuli bani kemmo na eli.

Petro 1 2:9

Nsu amii ni, bɛdi bekyuli bani na Katɔti ɔ́ƒuna. Na bɛdi bakpane bani muumwi Katɔti ɔni ndi Ɔga. Bɛdi Katɔti bekyuli kedee bani na ɔ́lɔ ɔnii binwini anwu badi. Na amii ndubo nwuna ablala ebendi kudu bubo. Ɔsika anwu geen nálɔ-mii ɔ́lɛku likpidi lɛdisa kemmo úsienku ngba bɔƒɔ bukeye kemmo.