Luka 6:12 - Katɔti Ɔku Kedee

¹² Uwi ɔmmɔ kemmo ni, Yesu ɔ́tɔlɔ úsie kɔbi lɛlɔ. Na ɔkya ɔɔkpali katɔ usien ɔmmɔ ƒui.

Luka 6:12 ပူးပေါင်းရင်းမြစ်များ

Kɔgya 22:2

O mina Unwoti Katɔti, mɔɔva laa limeyi limodi nsu alakpete-mi. Usien lɛnɔ muuwulo taalɔ-ɔ na liiibo bɔnwuna nsu neeenu kɔku kɔdi.

Yesaia 26:9

Mɔɔwia-a kpakplaa usien umodi, na ɔtanta ni, ƒula kɔka kɔɔda mina kɔyu. Ɔsika si átɛku bayawine litemi ni, kayawi bekyuli baatɛya kalɛ na babla ƒula lɛyɔla.

Daniel 6:10

Daniel únu ɔda bubo bɔni na bényimi, nsu ka úsie kaduli ɔ́kɔ úsie ɔtɔ ɔtɔdi kemmo ni, úténye ƒansili ɔni néti anumi ɔ́tina Yerusalem na ɔ́lɛ akɔnkɔ ɔ́kpali Katɔti kalɛ kani na ɔɔyɔ́ bɔbla limeyi ndi limeyi, ɔsika kɔtɛ na ɔɔkpali Katɔti limeyi biala kemmo taagya-nwu enu.

Mateo 5:1

Na ka Yesu ɔ́nu bekyuli pii bani nsiaku-nwu ni, úsie kɔbi kɔdi lili na úlie kalɔ. Mmɔ na nwuna basiakune bákpɛ béde-nwu.

Mateo 6:6

Na si aakpali katɔ ni, duo ƒula katɔma na akalɛ ɔtɔ, na akpali ƒ'ɔti ɔni na balanu. Na anwu ɔni mɔɔnu-ɔ uwi ɔni na bekyuli bamba balánu-ɔ ni, ɔdubɔƒɔ-ɔ kayu.

Marko 1:35

Ɔtanta tutuutu asa na kadi kadubɔda ni, Yesu ɔ́ta ɔ́lɛ kaduli mmɔ. Na ɔ́lɛ ɔma ɔmmɔ kemmo úsie kesii kani na ukyuli ɔdi biala uuude, na útákpali katɔ.

Marko 3:13

Nwuna kama ni, Yesu úsie kɔbi kɔdi lɛlɔ. Na mmɔ ni, ɔ́lɔ nwuna basiakune bani na ɔɔwia.

Marko 6:46

Ɔmɛni kama ni, anwu lɛnɔ ɔ́tɔlɔ úsie kɔbi kɔdi lili útákpali katɔ.

Luka 5:16

Nsu uwi ndi uwi ni, ɔɔlɛ́ teesie kesii kani nábɛ taatákpali katɔ.

Luka 6:11

Kɔnyi kɔ́kɔ bana ƒui ɔsu bése kalɔ beeti kasusu na lɛla lɛni na badubɔkana Yesu bɔbla lɛlɔ.

Luka 6:17

Uwi ɔni na Yesu ku nwuna batɛyane báyu bási kɔbi kɔmmɔ lɛlɔ ni, bébo bébenye kesii kani nse ƒiaa. Na nwuna basiakune pii badi bakya mmɔ ku bekyuli lisu bonwu lɛni nási Yudea kalɔ lɛlɔ ƒui ku Yerusalem ku lɛma lɛni nde ɛpu kɔtu lɛni ndi Tiro ku Sidon.

Luka 9:18

Ka Yesu lɛti ɔkya ɔɔkpali katɔ limeyi lɛdi ni, nwuna batɛyane bébo-nwu kudɔ. Amu na úye-ma ɔnini, “Ɔma na bekyuli baasu banii anwu na ndi?”

Luka 9:28

Ɔ́bla aani Kwasida unwi ɔni na Yesu ɔ́su ala amɛni kama ni, útiku Petro ku Yohane ku Yakobo na bákɔ bésie kɔbi lili batákpali katɔ.

Luka 9:29

Ka ɔdaku katɔ bɔkpali ni, nwuna anumi bɔnu bɔ́vumana na nwuna adala eekeye na aatu anumi.

Yohane 6:3

Amu na Yesu ku nwuna batɛyane bákɔ bésie abi lɛlɔ na bátáyu bélie kalɔ na mmɔ.

Koloseƒuɔ 4:2

Bitada Katɔti bɔkpali bitaya. Na binye kagyumana, na biteeti linugya teete-nwu.

Hebriƒuɔ 5:7

Uwi ɔni na Yesu úlie ngba na kayawi kamɛni lɛlɔ ni, ɔ́kpali katɔ úvele Katɔti ɔni kani ndubɔkana na udie-nwu na kukpi kemmo ku kɔvanu momoomo ku imii. Na Katɔti únu-nwu bɔkpali, ɔsika úboku lɛlɔ kalɔ úte-nwu na ɔɔbu-nwu ɔsu.

Samuel 1 15:11

“Úduo-mi geen ka lɛ́ya na Saul ɔ́di lɛga, ɔsika únwini kama ɔ́kya-mi na útadi mina kenye kani na lɛ́su-nwu lɛlɔ.” Lɛla lɛmɛni líkpoku Samuel geen, anwuɔsu útalɛɛ, mmomu ɔkya ɔɔkpali Katɔti teevele usien umodi ɔmmɔ.