Luka 6:1 - Katɔti Ɔku Kedee

¹ Na lɛnwunameyi lɛdi lɛlɔ ni, Yesu ku nwuna basiakune bakɛ ulu ɔni ntɛ ɔ́vi edula kemmo kadi. Amu na basiakune bammɔ bakya baaƒɛ edula ammɔ taavumi taakun.

Luka 6:1 ပူးပေါင်းရင်းမြစ်များ

Israelƒuɔ Bɔlɛ 12:15

Biti emeyi maatɛ bɛdi bodobodo ɔni kemmo na bátakya bɔnyii. Na emeyi maatɛ ammɔ limeyi lideedi ni, ukyuli biala na ubo bɔnyii na nwuna kaduli ubo-nwu uwiakun. Na Ukyuli biala madi bodobodo ɔni kemmo na bákya bɔnyii emeyi maatɛ ammɔ kemmo ni, ndubɔda-nwu lidie mina bekyuli akɔ.

Lewiƒuɔ Ɔda Bubo 23:15

“ ‘Bɛka kwasida maatɛ ɔ́si lɛnwunameyi lɛni lɛlɔ na bíti bina edula ebi aboyo bíbakɔliku katɔ bɛ́tina Unwoti bíbo-nya kudu mmɔ.

Lewiƒuɔ Ɔda Bubo 23:7

Na limeyi lideedi lɛni na emeyi bɔdi bɔmɛni búse kalɔ ni, bɛsa bɔsa kedee na mina lɛnyi lɛlɔ na ɔdi utabla limeyi ndi limeyi kabla kadi.

Luka 5:39

Na ɔƒɛni lɛnɔ ni, ukyuli ɔdi ɔ́sɔ uláwia ntɛ bɔwɔdi si ɔ́ɔni bɔkukudi úmo. Si ɔɔɔdi lɛni ni, bɔsu na ɔdubɔsu ɔnii, ‘Budeedi bɔdia butulo bɔmɛni!’ ”

Luka 6:6

Na lɛnwunameyi lɛbambadi lɛlɔ ni, Yesu úsie Yudaƒuɔ kasalakɔ na útátina ala. Na mmɔ ni, ukyuli ɔdi ɔkya ɔni na nwuna kɔdianu kɔ́gogolo-nwu.

Lɛkpa Ulu 16:9

Na kwasida maatɛdi lɛlɔ ɔ́si uwi ɔni na bíse kalɔ ku bina edula bɔƒɛ ni, bisie kesii kani na bina Unwoti Katɔti ɔ́su úse ka bitaakpa-nwu mmɔ na bitádi Edula Bɔƒɛ Limeyi. Na si bísela ni, biti edula ammɔ adi bɛda aani kalɛ na Katɔti úte-mii kusɛ kusɛ kenye, na biti bɛtina ka bɛɛbu-nwu.

Lɛkpa Ulu 23:25

Na si ɔdi ɔ́kɛ ɔɔví na útáda ɔ́lɛ ɔkpanadi edula kemo ni, ubo kuƒi ka uti kɔnu na ukpeli edula ammɔ adi na ɔdi kalɛ na ɔkana. Nsu uuubo kuƒi ka ukulo adi ɔtɔlɔku.