Luka 5:35 - Katɔti Ɔku Kedee

³⁵ Nsu ni, limeyi lɛdi lɛdubo lɛni na badubuti uleku ɔgya ɔmmɔ batɔlɔku-ma kudɔ. Na mmɔ ni, ɔɔɔdi ukyuli ɔdi nsɔ ndubo-ma bɔsu asa na badubulie kɔka.”

Luka 5:35 ပူးပေါင်းရင်းမြစ်များ

Yesaia 22:12

Uwi ɔmmɔ ni, Unwoti Katɔti Ɔyikune Ƒui ɔ́lɔ-mii ɔnii biwulo keku ku kɔnyana geen, na bikpeyi bina eli na biti adikpi binyimi,

Daniel 9:26

Na uwi ɔmɛni kawɔlɔkɔ ni, badubo Ukyuli Ɔƒunadi ɔmɛni bɔdu na nwuna lɛla biala lilébu. Kadi bamba lɛlɔ ɔdine ɔni ndi ɔƒɔ ɔdi ku nwuna bekpone badubo babasia mmɔ bavi aani kalɛ na ketu keeyi taagba taavi kesii kadi na babwɛ ɔma ɔmmɔ ku kakpakɔ kammɔ na kekpo ku ala bubile bɔmmɔ bɔdubusie anumi utédu kawɔlɔkɔ aani kalɛ na Unwoti ɔ́lɛ ugyii úse.

Sakaria 13:7

Unwoti Ɔyikune Ƒui ɔnini, “Ya liti mina kewii na likpoku mina baƒonu ɔdane ku mina ɔkpana. Du baƒonu ɔdane ɔmmɔ na baƒonu bammɔ badubugyingya, na ndubudie banamudi bammɔ atu.

Mateo 9:15

Yesu údie kenye ɔnini, “Bɛɛƒɔ́ taadi ka bekyuli bani na bálɔ béboku uleku ketikɔ badubo kɔnyana buteewulo na uwi ɔni na uleku ɔgya ɔmmɔ ɔkya-ma kudɔ? Ulebo ulete lɛni kudii! Nsu limeyi lɛdi lɛdububo ɔni na badubuti uleku ɔgya ɔmmɔ na bana kudɔ. Na uwi ɔmmɔ na badubulie kɔka.

Marko 2:20

Nsu limeyi lɛdi ni, badubuti-nwu bɔtɔlɔku nwuna bakpana kudɔ na bakpana bammɔ badubunyimi kenye ku kɔnyana.

Luka 17:22

Amu na Yesu ɔ́su nwuna batɛyane ɔnini, “Uwi ɔdi ɔdubo ɔni na bɛdubɔwia bɛnii bɛɛnu limeyi lɛni na ami, Ukyuli Ɔyawine Ubi, mebo. Nsu bilanu!

Luka 5:34

Amu na Yesu údie kenye ɔnini, “Bɛɛkali ka bekyuli bani na bálɔ béboku uleku ketikɔ badubulie kɔka lebo lɛni na uleku ɔgya ɔmmɔ ɔmu ɔkya-ma kudɔ? Kudi kudii! Ulakana bubo bute lɛni!

Luka 5:36

Ɔmmɔ kama ni, Yesu ɔ́sɔ úbo-ma lɛgba lɛmɛni ɔnini, “Ukyuli ɔdi ulabwɛ awu awɔdi taaka taada ɔkukudi liƒi. Si ɔdi ɔ́bla lɛni ni, agyi anii úbile awu ɔwɔdi ɔmmɔ. Na ɔkukudi ɔmmɔ lɛnɔ ku ɔwɔdi ɔmmɔ ulamanku lɛlɔ.

Yohane 12:8

Bawabane bammɔ bakya-mii kudɔ uwi biala. Nsu ami lɛɛɛdubo-mii kudɔ bɔkya uwi biala.”

Yohane 13:33

“Mina bebi, uwi blii ɔdi kani nébu na lɛkya-mii kudɔ. Bɛdubo-mi bɔwia, nsu mɔɔsu-mii lɛla lɛni na lɛ́su Yudaƒuɔ benengu nnii, ‘Kesii kani na lísela ni, bilakana mmɔ bubo.’

Yohane 16:28

Sɔsɔ na ɔdi ka Ati kudɔ na lɛ́si líbo kayawi. Na ɔƒɛni mɔɔtɔlɔ kayawi kamɛni kemmo nteesie Ati kudɔ.”

Batalane Kabla 1:9

Na ɔmɛni bɔ́su kama ni, Katɔti úti-nwu ɔ́kɔliku katɔ na benye baanu-nwu útédu ka úduo kemmo na ɔ́yii-ma anumi.

Batalane Kabla 14:23

Amu na Paulo ku Barnaba lɛnɔ bédie batɔnkune béte baƒɔtaadine akpa akpa ƒui, na bákpali katɔ na bélie kɔka na béti-ma bákya Blɔti ɔni na báƒɔ bádi lɛkɔkɔ.

Batalane Kabla 3:21

Ɔlɛka Yesu ɔƒɔ lɛlɔ ɔkya katɔ mmɔ wetédu uwi ɔni na Ɔti wasɔku lɛla biala webese ligeen aani kalɛ na nwuna kenye bediene básu bése.

Korintoƒuɔ 1 7:5

Si bana akɔ ɔdi ɔɔda ɔdi ɔkwɛ ni, ɔtuna ute-nwu amu ntu bɔka na bɛ́ka lɛlɔ kalɔ bunu ka bɛbla lɛni na biti uwi ɔmmɔ bite katɔ bɔkpali. Na ɔmmɔ kama ni, ɔdi ka bɛsɔ bilie kalɛ kani na bilie kukuuku. Si bɛ́bla lɛni ni, bileduo ukisine ɔmmɔ kakpagyuɛ kemmo. Ɔsika bilakana lɛlɔ lɛlɔ bɔdi na bɛsɔ bilie lɛni ƒui.

Korintoƒuɔ 2 11:27

Lɛ́bla kabla kpakplaa lítu lɛlɔ kaduɛ. Ńtatɛ ńtalɛɛ usien pii. Na kɔka ku utukwɛ ɔ́da-mi, na adila ábɔ-mi uwi pii. Na kɔyɔ kɔda-mi, na ńtakɛ lɛla lɛni na libi lɛlɔ.