Luka 5:30 - Katɔti Ɔku Kedee

³⁰ Ƒarisiƒuɔ ku ɔda bubo ala batinane bani nkya kasalakɔ mmɔ bákyaku Yesu basiakune unyeƒi banii, “Bi ɔsu na bɛɛdi na bɛɛní ku kuyi baƒɔne ku alaekpidi bablane babambadi bamɛni?”

Luka 5:30 ပူးပေါင်းရင်းမြစ်များ

Yesaia 65:5

Bekyuli bamɛni mɔɔsu bekyuli bamba banii batani betede-ma, ɔsika ama bese sɛɛn na belese lɛlɔ aani bana bakpana. Nsu geen ni, bekyuli bamɛni bese aani uyɔ na mina enwu kemmo na bese aani ogya ɔni mɔɔda limeyi limodi.

Mateo 5:46

Si bekyuli bani mɔɔyɔ́-mii kani na amii lɛnɔ bɛɛyɔ́ ni, Katɔti ɔɔɔdubo-mii kayu kadi bɔƒɔ. Lɛni kani na kuyi baƒɔne lɛnɔ baabla.

Mateo 9:11

Amu na Ƒarisiƒuɔ bani nánu ɔmɛni ni, béye nwuna batɛyane banii, “Bi ɔsu na bina ala ɔtinane ku bekyuli bamɛni udu baadi?”

Marko 2:16

Anwuɔsu uwi ɔni na ɔda bubo ala batinane bani nási Ƒarisiƒuɔ lɛkpa lɛmmɔ kemmo bánu ka Yesu ulie ɔɔdiku bekyuli bani lɛlɔ neeebo ɔbu mɛni ni, béye nwuna batɛyane banii, “Dɛ na ɔ́bla na anwu ku bekyuli bamɛni udu nlie mɔɔdi?”

Marko 7:3

Bánu ɔmɛni báti ɔsika Ƒarisiƒuɔ ku Yudaƒuɔ babambadi ƒui baasiaku bana bati kuuku ɔdi ala bɔbla bɔni na báda bése-ma. Amu ntu báƒɔ bana enu kalɛ na bátina-ma asa badi.

Marko 9:16

Yesu úye nwuna batɛyane ɔnini, “Bi lɛlɔ lɛsɛ na amii ku-ma binye bɛɛní?”

Luka 18:11

Ƒarisini ɔmmɔ ɔ́ta anwu lɛti na útákpali katɔ ɔnini, ‘Katɔti mɔɔgyá-a enu, ɔsika liiibo egulabi lɛnungyie, na liiibo likyulikpi, na naaadi kɔsɔnɔ aani bekyuli bakladi kalɛ. Na mɔɔgyá-a enu lɛnɔ, ɔsika liiise aani kuyi ɔƒɔne ɔni ngye lɛnɔ kalɛ.

Luka 19:7

Bekyuli bammɔ ƒui bése kalɔ beetemi na Yesu lɛlɔ kalɔ kalɔ banii, “Ɔnana ɔmɛni úsela utéduo ukyuli ɔni ndi alaekpidi ɔblane ɔmɛni kudɔ.”

Luka 5:17

Limeyi lɛdi ka Yesu ɔkya ɔɔtina ala ni, Yudaƒuɔ lɛkpa lɛni baalɔ Ƒarisiƒuɔ ku ɔda bubo ala batinane badi bási Galilea ku Yudea kalɔ lɛlɔ ekpo ekpo ƒui bébo bélie mmɔ. Na Katɔti ɔyikun ɔni Yesu uti ɔbwi balɛne lɛnɔ ɔkya-nwu lɛlɔ kemmo.

Luka 5:21

Amu na Ƒarisiƒuɔ ku ɔda bubo ala batinane bákya anumi ku lɛlɔ buye banii, “Ɔma na ɔdi mɛni na úti lɛlɔ ɔɔkɔ́ku Katɔti lɛni! Katɔti lɛti pɛ kani ndubɔkana na uti ukyuli ekpidi ɔkyiɛ-nwu!”

Luka 7:34

Ka Ukyuli Ɔyawine Ubi úbo ni, anwu ɔ́di na ɔ́ni ntɛ. Na bɛnii, ‘Bɛnu ɔdivone ku ntɛkpine ɔmɛni! Ɔdi kuyi baƒɔne ku alaekpidi bamba lidu bablane ɔkpana!’

Luka 7:39

Ka Ƒarisini ɔni nálɔ Yesu bɔdi ɔ́nu ɔmɛni ni, ɔ́bla kasusu ɔnii, “Si ukyuli ɔmɛni ɔdi Katɔti kenye udiene geen ni, nka ɔlɛka ɔnu ɔti uleku ɔni udu nébo uutuku-nwu mɛni, na ɔti lɛyalɛ ngba bɔni lɛnɔ na ulie!”

Batalane Kabla 23:9

Mɛni na owogyo ɔdi úbeduo-ma akɔ. Na ɔda bubo ala batinane bani ndi Ƒarisiƒuɔ bénye Paulo litemi lɛmmɔ kama banii lɛdi litemi geen. Na báva momoomo básu banini, “Bútanu lɛla likpidi lɛdi na nwuna lɛlɔ! Na si kɔyu kɔdi iye Katɔti ɔtu ɔdi nétemiku-nwu ni, bitaya na bukpoku Katɔti!”