Luka 5:1 - Katɔti Ɔku Kedee

¹ Limeyi lɛdi ni, Yesu unye ɛpu ɔni baalɔ banii Genesaret kɔtu, na bekyuli baanwanɛ lɛlɔ kalɛ na bakpɛ bede-nwu na benu Katɔti litemi lɛni na ɔɔsu.

Luka 5:1 ပူးပေါင်းရင်းမြစ်များ

Bumomo Bɔka 34:11

Na ɔmii ɔmmɔ ɔdubɔsia ɔyu ɔsi Seƒan mmɔ utédu Ribla na Ain ɔƒɛ katukɔ kakɛ na uti ɔsia abi kɔƒɔna na Kineret Ɛpu ɔƒɛ katukɔ kakɛ.

Mateo 11:12

Na ɔ́si Ntu Ɔkpilane Yohane uwi úbalɛ ɔmwi ni, bekyuli pii báta ku lɛnungyie batáwia Katɔ Ɔga Ɔma ɔmmɔ beduo. Nsu bekyuli bani anumi egyie-ma geen lɛti na baanwanɛ lɛlɔ ni, ama ndubuduo mmɔ.

Mateo 14:34

Ka bétédu ɛpu ɔmmɔ ɔvi ngye ni, bátáyu na Genesaret kalɔ lɛlɔ.

Marko 3:9

Lebo lɛmmɔ ka Yesu ɔ́ɔbwi bekyuli pii ɔsu ni, balɛne pii baanwanɛ lɛlɔ ka bebetuku-nwu na lɛlɔ lɛyu-ma ɔkplu. Anwuɔsu Yesu ɔ́su nwuna batɛyane ɔnii bawia ɔkɔlɔ ɔdi bebese ketudɔ kalɛ na si bekyuli bammɔ beemomo taavili ni, na ɔkɔ uduo-nwu kemmo.

Marko 4:1

Yesu ɔ́sɔ úsie Galilea Ɛpu kudɔ na úsie ɔɔtina litemi buni lɛmmɔ. Na bekyuli pii bani nábaka bámana-nwu bumomo ɔsu ni, úduo ɔkɔlɔ ɔdi nsia ntu anumi kemmo na úlie kalɔ. Na bekyuli bammɔ bébenye utubili na Yesu ɔɔtɛmiku-ma.

Marko 5:24

Amu na Yesu ɔ́ta na ɔsiaku-nwu. Bekyuli bani nsiaku Yesu bemomo ɔsu ni, báka-nwu bakya ntɛ uwi ɔni na úsela.

Marko 6:53

Ka bétédu ɛpu ɔmmɔ ɔvi ngye ni, bátáyu na Genesaret. Na mmɔ na bényimi bana ɔkɔlɔ bényene.

Luka 12:1

Ka bekyuli mpim mpim badi bábasa mmɔ ɔni na baanya lɛlɔ muedi ni, Yesu ɔ́ka nwuna batɛyane bɔsu ɔnini, “Binye kagyumana kaduɛ na Ƒarisiƒuɔ ɔkɔ ablala ani muuƒú bekyuli mmɔ lɛlɔ.

Luka 5:2

Yesu ɔ́nu ka lɛkɔlɔ inyɔ linye ɛpu kɔtu mmɔ na lɛsawu bewine bammɔ bátɔlɔ bésie baaƒɔ bana lɛsawu.

Luka 8:22

Limeyi lɛdi ni, Yesu úduo ɔkɔlɔ kemmo ku nwuna batɛyane. Amu na ɔ́su-ma ɔnini, “Bɛya na bɔvia busie ɛpu ɔvi ɔni ngye.” Anwuɔsu ama lɛnɔ bése kalɔ ku ɔkɔlɔ ɔmmɔ buku.

Luka 8:23

Ka bakɛ ntu anumi bésela ni, Yesu ɔ́lɛɛ. Na kɔnakunwi ni, ɔƒɛƒɛɛ kpakplaa ɔdi úbo uukpó na ntu anumi mmɔ ɔni na ɔkɔlɔ ɔmmɔ kemmo ƒui kadaku ntu bɔƒɔ ɔsu bakya kukpi ku ngba ntɛ.

Luka 8:33

Anwuɔsu bávi bálɛ ɔnana ɔmmɔ lɛlɔ kemmo bétéduo baplakuo bammɔ kemmo. Na bana ƒui békeli báyu kataku kammɔ lɛlɔ na bátányina lɛlɔ bákya ɛpu kemmo na báyii ku udu.

Luka 8:45

Amu na Yesu úye ɔnii, “Ɔma nétuku-mi?” Nsu ukyuli biala úni. Amu na Petro ɔ́su-nwu ɔnini, “Ati, nu kalɛ na bekyuli ƒui bɛ́mu basiaku-ɔ!”

Yohane 1:40

Na bekyuli bamɛni akɔ unwi ɔdi Andrea ɔni ndi Simon Petro ɔnwani.

Yohane 6:1

Na ɔmmɔ kama ni, Yesu ɔ́via ɛpu ɔni baalɔ banii Galilea Ɛpu na básɔ baalɔ-nwu Tiberia Ɛpu úsie nwuna ɔvi unyɔdi.

Lɛkpa Ulu 3:17

Na nwuna ɔƒɛ kanukɔ kakɛ na Yordan Ketu kakya ɔ́si Galilea Ɛpu na katɔ kakɛ ɔ́yu úbedu Mma Ɛpu na ɔkɛ ɔdanku Pisga Kɔbi.

Hebriƒuɔ 13:7

Binyimo bina batɔnkune bani násu-mii Katɔti litemi. Na bɛbu bɛnu kɔsia kɔni na bákɛ na ulu ɔni na béti bélie ngba kemmo. Na bɛnu bana bɔƒɔtaadi bɛtɛya.

Yosua 12:3

Na ɔdanku Yordan Kɔwɛ uti ɔsi Galilea Ɛpu lɛba kada kakɛ utédu Bet-Yesimot na Mma Ɛpu ɔƒɛ katukɔ kakɛ na ɔkɛ Pisga Kɔbi kaƒɔna.

Yosua 13:27

Ɔkɛ Yordan Ketu kɔwɛ kɔmmɔ kemmo ku Bet-Haram ku Bat-Nimra ku Sukot ku Saƒon ɔni ndi Hesbon Ɔga Sihon kalɔ kakladi. Na Yordan Ketu ndi ɔmii úti útédu ɛpu kada kakɛ na Galilea Ɛpu úti ɔ́via úsie Yordan ɔƒɛ katukɔ.