Luka 4:8 - Katɔti Ɔku Kedee

⁸ Amu na Yesu ɔ́su-nwu ɔnini, “Bunweni Kedee Ɔku ɔɔsu ka ni, ‘Unwoti Katɔti lɛti pɛ kani na ukyuli ɔdubumwi na ɔbla-nwu kabla.’ ”

Luka 4:8 ပူးပေါင်းရင်းမြစ်များ

Baga 2 19:15

Na ɔ́kpali Unwoti ɔ́su ɔnini, “O Unwoti, ɔni ndi Israelƒuɔ Katɔti, awɔ nli ƒula lɛgaboku lɛlɔ na katɔ katɔ na kesii kani na Kerub ngba bebweyi bammɔ begyingya bana avwi bámana. Na awɔ lɛti ndi Katɔti ɔni mɔɔdi kayawi kamɛni lɛgakɔdikɔ ƒui lɛlɔ. Na awɔ nédie katɔ ku kalɔ.

Kɔgya 83:18

Ya na bati ka awɔ ɔni ndi Unwoti ni, awɔ kani ndi Ɔyikune Ƒui ɔni mɔɔdi kayawi ƒui lɛlɔ.

Yesaia 2:11

Limeyi lɛmmɔ ni, bekyuli bekpidi bani mɔɔnu bekyuli ɔnusɛ bɔdubɔkya lili kalɔ, na lɛlɔ katɔ bɔkɔliku biala bɔdububo kalɔ.

Mateo 16:23

Yesu únwini kɔnakunwi ɔ́su Petro ɔnini, “Satan! Gyu tɔlɔ-mi lɛlɔ! Éti lɛlɔ eenwíni ukisine na mina lɛlɔ. Aayɔ́ akpanku-mi atákya likpidi kemmo! Kasusu kani na éti mɛni kátasi Katɔti kudɔ. Mmomu bekyuli kasusu kadi.”

Mateo 4:10

Amu na Yesu údie kenye ɔnini, “Satan, gyu-mi lɛlɔ! Bunweni Kedee Ɔku ɔ́su ɔnii, ‘Ƒula Unwoti Katɔti kani na ɔlɛka alɛ akɔnkɔ emwi.’ ”

Luka 4:4

Nsu Yesu ɔ́su-nwu ɔnini, “Bunweni Kedee Ɔku ɔ́su ɔnii ɔɔɔdi lɛdila lɛti pɛ muute ukyuli ngba geen.”

Luka 4:7

Anwuɔsu ala amɛni ƒui adubunwini awɔdi si ákya lili kalɔ ete-mi.”

Lɛkpa Ulu 10:20

Na biti ɔbu bite bina Unwoti Katɔti na bitaakpa anwu lɛti pɛ. Bɛsiaku-nwu kama kpakplaa.

Lɛkpa Ulu 6:13

Bɛyia bina Unwoti Katɔti ɔmmɔ na bɛkpa anwu lɛti. Na si biisé kenye kadi ni, bise-ka na anwu lɛti lɛnyi kemmo.

Yakobo 4:7

Anwuɔsu biboku lɛlɔ kalɔ bite Katɔti. Bitatunaku ukisine ɔmmɔ, na ɔdubukeli-mii kudɔ.

Petro 1 5:9

Binye kpakplaa na bina bɔƒɔtaadi kemmo na bitile-nwu kuƒi, ɔsika abi amɛni udu kani na bina bakpana baƒɔtaadine bani nkya kayawi mɛni ƒui beebó.

Budie Taatina 19:10

Mmɔ ni, lɛ́yu líbi kalɔ na nwuna lɛgba akɔ na límwi-nwu aani Katɔti kalɛ. Nsu ɔ́su-mi ɔnini, “Tabla lɛni! Ami lɛnɔ kabla ɔblane ɔkpana na ndi aani ƒula kalɛ ku ƒula banwa bakladi bani nsiaku Blɔti Yesu ala bɔtina kama. Katɔti kani na ɔlɛka emwi lɛni. Ɔsika ala ani na Yesu ɔ́tina ni, ana kenye budie ndi Kɔyu ɔyikun ɔni nákya Katɔti kenye bediene lɛlɔ kemmo.”

Budie Taatina 22:9

Nsu ɔ́su-mi ɔnini, “Tabla lɛni! Ami lɛnɔ kabla ɔblane ɔkpana na ndi aani ƒula kalɛ ku ƒula banwa kenye bediene babambadi ku bakladi bani mɔɔda etemila ani nkya ɔku ɔmɛni kemmo ƒui kaduɛ. Katɔti kani na ɔlɛka emwi lɛni!”

Samuel 1 7:3

Limeyi lɛdi ni, Samuel ɔ́su Israelƒuɔ ƒui ɔnini, “Si bɛɛyɔ́ ka binwini udu na biti lɛlɔ bite Unwoti bɔdi ni, amu ɔlɛka bidie bɛtina nwaa na bina ɔbladu kemmo. Na bɛyila baƒiɔ bani na bɛ́vɔ bíte lɛlɔ udu. Na bɛyila Astarot baƒiɔ bani lɛnɔ bɛ́vɔ mmɔ udu. Binwini kama bɛkya baƒiɔ bammɔ ƒui na biti bina kayi bite Unwoti ƒui kede kede. Na bitaakya lili kalɔ teete anwu lɛti pɛ na ɔda-mii udie Ƒilsitiƒuɔ enu kemmo.”