Luka 4:43 - Katɔti Ɔku Kedee

⁴³ Nsu ɔ́su-ma ɔnini, “Ɔlɛka lisie ntásu Katɔti lɛga bɔdi litemi buni lɛmɛni na lɛma bamba lɛnɔ kemmo, ɔsika ɔmɛni na Katɔti ɔ́tala-mi ɔnii mbabla.”

Luka 4:43 ပူးပေါင်းရင်းမြစ်များ

Yesaia 48:16

“Bɛni bide-mi bibu na binu! “Ala ani ƒui na lɛ́ɛka bɔsu ni, ńtasu-nya ńtabɛ na ɔdi útenu-nya. Na uwi ɔni na ala ammɔ aalɛ́ lɛnɔ ni, nli mmɔ.” Unwoti Katɔti ɔkɛnku nwuna Kɔyu ɔyikun lɛlɔ na ɔ́tala-mi.

Mateo 4:23

Yesu ɔ́vi Galilea kalɔ lɛlɔ ƒui na ɔ́tina ala na Yudaƒuɔ kasalakɔ. Na ɔ́kɔ lɛsa na Katɔti lɛgadi litemi buni lɛlɔ. Na ɔ́bwi bekyuli bani muuƒi lɛlɛ lidu lidu ƒui.

Marko 1:35

Ɔtanta tutuutu asa na kadi kadubɔda ni, Yesu ɔ́ta ɔ́lɛ kaduli mmɔ. Na ɔ́lɛ ɔma ɔmmɔ kemmo úsie kesii kani na ukyuli ɔdi biala uuude, na útákpali katɔ.

Yohane 20:21

Ɔmmɔ kama ni, Yesu ɔ́sɔ ɔ́su-ma ɔnini, “Keyi buɛɛ kasiaku-mii. Kalɛ na Ati ɔ́tala-mi ni, lɛni kani na ami lɛnɔ mɔɔtala-mii.”

Yohane 9:4

Si uwi ɔni na kadi kátasa tɔ ni, ɔdi ka butaabla Katɔti ɔni nátala-mi kabla. Ɔƒɛ ɔdubo bɔsa ɔni na ukyuli biala ɔsɔ ulakana lɛla lɛdi biala bɔbla.

Batalane Kabla 10:38

Na bínu lɛnɔ kalɛ na Katɔti ɔ́ƒuna Yesu ɔni nási Nasaret ɔni na úti nwuna Kɔyu úse-nwu likpo na úti ɔyikun lɛnɔ úte-nwu. Na ɔ́kɛ útaavi taabla lɛbuni na útaabwi bani ƒui na ayu ekpidi eekpóku, ɔsika Katɔti ɔsiaku-nwu.

Timoteo 2 4:2

si bebo kɔnu o-o, iye beeebo kɔnu o-o ni, die litemi buni lɛmmɔ kenye. Klibi-ma, na adɔnku-ma, na akya-ma ogya. Na si eedie ala kalɔ taatina-ma ni, na ewi lɛlɔ na akɛku-ma kayi geen.