Luka 4:18 - Katɔti Ɔku Kedee

¹⁸ “Katɔti Kɔyu kɔ́ƒɔ-mi lɛlɔ kemmo ƒui, ɔsika Katɔti náƒuna-mi ɔnii nti litemi buni lɛmɛni mboku bawabane. Na ɔ́tala-mi ɔnii nkɔ lɛsa nte bekyuli bani na béƒie kalɛ na bakɛ bɔnwuna. Na bani na anumi ábwɛ-ma ni, bataanu. Na bekyuli bani na baanya taakya ku lɛbibo ni, bakɛ bɔnwuna.

Luka 4:18 ပူးပေါင်းရင်းမြစ်များ

Ala Kalɔ Buse 3:15

Na ndubɔya na awɔ ku uleku ɔmɛni binwini bekisine, na ƒula ubi ku uleku ɔmɛni ubi lɛnɔ benwini bekisine. Ɔdubo-ɔ lili bubo bɔbwɛ, na awɔ adu-nwu lɛnikpo.”

Ala Alɛdi 2 34:27

Ka kayi kágyu-ɔ uwi ɔni na énu ala ani na lɛ́su ka mabla kalɔ kamɛni ku kana bekyuli ni, éboku lɛlɔ kalɔ na kayi kemmo na áni ƒula awu ábwɛ na éwulo na mina anumi. Na mɔɔsu-ɔ geen ka línu ƒula buvele. Anwuɔsu nu lɛla lɛni na ndubo bɔbla.

Kɔgya 102:20

Na únu bekyuli bani na bákya ɔtɔ budumo ku bani na bádu-ma kukpi kɔtɔ ƒui kalɛ na udie-ma.

Kɔgya 147:3

Bani na bana enu áƒɛ ni, ɔ́ya na bákɛ lɛnunsia lɛwɔdi. Na ɔ́mana-ma alɛbi ƒui na ása.

Kɔgya 2:2

Kayawi baga bábla unwi na benye beekpóku awɔ ku ƒula Ukyuli Ɔƒunadi.

Kɔgya 2:6

“Sion Kɔbi kedee lɛlɔ na líse mina Ɔga Ɔƒunadi líse.”

Kɔgya 34:18

Unwoti ude bani na enu áƒɛ-ma na ala étulo-ma. Na ɔɔƒɔ́ bani na bana lɛnunsia ƒui lɛ́sa.

Kɔgya 45:7

Aayɔ́ lɛla lɛni nse siin, na eekisi ala ani naaakɛ ulu lɛlɔ. Anwuɔsu ni, ami ƒula Katɔti lɛ́ƒuna awɔ, Ati, ka akɛ kenyekɔ etulo na bakladi ƒui akɔ. Na lɛ́ya-a na ákɛ lɛlɔyɔ na uwi ɔni na líti nnɔmii líwi-ɔ aani likposela.

Kɔgya 51:17

Mmomu akpala ani mɔɔƒɔ́-ɔ anu ndi ka ukyuli ekpidi eduo-nwu geen na nwuna kayi kemmo, na eleni ɔmɛni.

Yesaia 32:3

Na ukyuli biala na ubo anumi ɔdubo-nya bubimi na ɔnu, na bani na bebo atu lɛnɔ badubuse atu na benu.

Yesaia 35:5

Na mmɔ ni, banumbwɛne badubɔnu na batutine benu.

Yesaia 42:7

Na adubɔya na banumbwɛne basɔ bataanu na aya na bekyuli bani na likpidi líbo-ma lɛkpu na bakya kasuudikɔ aani batɔntɛne bakɛ bɔnwuna na balɛ bana ekpidi kemmo.

Yesaia 45:13

Ndubɔya na Kores únwini ɔyikune ɔni mɔɔdi lɛlɔ na ulu siin lɛlɔ. Na ndubɔya na nwuna kasiakɔ ƒui kabla-nwu kpɛtɛ kpɛtɛ. Ami ndi Unwoti Ɔyikune Ƒui! Na Kores na lɛ́ya na ɔdubɔsɔku Yerusalem mina ɔma unengudi bɔtu na ɔya na mina bekyuli bakɛ bɔnwuna na belie ku atu bɔyɔ. Nsu ɔɔɔdi lɛyuƒɔla lɛdi kenye. Lɛla lɛni na ami Unwoti lɛ́su na lɛdi mmɔ.

Yesaia 49:9

Na ndubɔsu bani na béƒie bátɔlɔku nnii ‘Bɛlɛ-ma lɛlɔ bɔdi kalɔ na bɛkɛ bɔnwuna. Na amii bani nkya kasuudikɔ ni, bɛlɛ bibo bukeye kemmo!’ “Na badubɔbla aani baƒonu bani nnye kɔbi lɛlɔ baakun livo.

Yesaia 50:4

Unwoti Ɔyikune Ƒui ɔ́tina-mi lɛla lɛni na libimi kenye lɛsu na lɛkya ukyuli ɔni na lɛlɔ lɛ́bla-nwu kpɛtɛ kpɛtɛ ogya. Ɔɔgyila-mi ɔtanta biala na ɔɔlɛmi-mi atu na muunú ala ani na ɔɔtina-mi.

Yesaia 57:15

Bula Katɔti ɔni nse kedee uli katɔ kakaaka ƒui úsela uwi ƒui, na anwu mɔɔsu ɔnini, “Ina ka katɔ kakaaka kesii kani nse kedee na nli ni, nkya-mii akɔ mɛni ka libunku bani ƒui néboku lɛlɔ kalɔ na béti bana anu ƒui básia-mi lɛlɔ na baanu-mi anumi.

Yesaia 59:21

“Líse-ma kenye ka ndubuti mina Kɔyu ku linyesia lite-ma. Na ɔmɛni ndi mina etela ani na ndubuti lite-ma ku bina kɔduli bekyuli úsela uwi ƒui.” Lɛni na Unwoti ɔ́su.

Yesaia 61:1

Unwoti Ɔyikune Ƒui Kɔyu kɔ́ƒɔ-mi lɛlɔ kemmo! Ɔsika ɔ́tala-mi ɔnii nkɔ litemi buni lɛsa nte bawabane. Na lɛbwi bani muunú ɔlɛ na bana kayi kemmo na basɔ beeebo lɛnunsia, na libo kudu lite bani na béƒie na bébo-ma lɛkpu ka badubɔkɛ bɔnwuna na balɛ kasuudikɔ mmɔ.

Yesaia 66:2

Mina kɔnu nábla ani bɛɛnu mɛni ƒui na ébo éte kalɛ na ese. Ami Unwoti násu. “Bekyuli bani mɔɔyɔ́-mi kaƒɔ ni, ama ndi bani muuboku lɛlɔ kalɔ na bana ekpidi eeduo-ma, na lɛlɔ lɛɛtɔ́-ma ku bɔyia si bénu-mi lɛdi, na mina lɛlɔ kani na bana anu asia.

Esekiel 9:4

“Sie vi ɔma Yerusalem ɔmmɔ ƒui kemmo na abla likposela asia ukyuli biala geen na alaekpidi ani na baabla na ɔma ɔmɛni kemmo aadá-nwu ɔƒɛ lɛtɛntɛ.”

Daniel 9:24

Katɔti ɔ́ɔlɛ ugyii na uwi ɔdi úse ka uwi ɔmmɔ liti ku aavlanyɔ akpa maatɛ budu kemmo ni, bina ɔma kedee ɔmmɔ ku nina bekyuli ƒui badubo abi bubo bɔƒɔ bana ekpidi bɔbla lili kayu. Na ɔmmɔ kama ni, likpidi udu biala bɔbla bɔdubo bɔyii na litemi bɔtɛ siin bɔƒɔ lɛla biala kenye uteesie uwi ƒui. Na ala ani na ánu ku kenye bediene etemila ani na básu ebo-nwu kemmo lɛni na bedie kesii kani ndubuse kedee ƒui keyi bete kadi ƒui.

Seƒania 3:12

Nsu bina akɔ bani muuboku lɛlɔ kalɔ buɛɛ na biibo-mi kudɔ bɛnii mbunku-mii ni, amii ɔsu naaayila-mii udu.

Sakaria 11:11

Na kalɛ na úbile bunyimi bɔmmɔ ni, bekyuli bani mɔɔdi baƒonu bamɛni kuye bani nánu-mi ni, báti kɔnakunwi ka linyesia lɛmɛni lɛ́si Unwoti kudɔ.

Malakai 4:2

Nsu amii bani mɔɔbu-mi ni, bina lɛlɔ bɔdi bɔdubɔbla aani kalɛ na ɔƒɛ uukeye na bukeye bɔmmɔ buute ɔlɔkplu. Na amii bɛdubo butaaƒulu taavi taaƒia aani ɔmantɛ bakɔ bebi.

Mateo 11:5

Banumbwɛne baanu, na bani náƒɛ bewi kalɔ beesié. Ama bani muuƒi ɔlɛgyie lɛlɔ lɛɛbla sɛɛn na batutine beenú. Bekpine baata na mɔɔkɔ́ litemi buni lɛmmɔ lɛsa teete bawabane.

Mateo 12:18

“Ɔmɛni ndi mina kabla ɔblane ɔni na lɛ́ƒuna, na mɔɔyɔ́-nwu. Na mina kayi kasia-nwu lɛlɔ geen. Ndubuti mina Kɔyu lɛkya-nwu lɛlɔ kemmo na wedie litemi bɔtɛ siin keyi watina kadi ƒui.

Mateo 12:20

Ɔdubɔda bani neeebo lɛlɔkplu buɛɛ, na ulakwanyiku bani na enu áƒɛ-ma. Mmomu ɔdubunye kpakplaa utédu ka litemi bɔtɛ siin wadi lɛlɔ geen.

Mateo 5:3

“Lɛlɔ litaayɔ bekyuli bani nánu báti ka Katɔti lɛti lɛlɔ na basia anu. Ama ndubuduo Katɔti Lɛga Kadikɔ.

Luka 4:17

Amu na béti Katɔti Kenye Udiene Yesaia ɔku béte-nwu. Ɔ́ƒɛnimi ɔku ɔmmɔ na ɔ́ka kesii kani na bénweni banii,

Luka 6:20

Yesu ɔ́sia nwuna basiakune anu na ɔ́su-ma ɔnini, “Lɛlɔ litaayɔ amii bawabane, ɔsika Katɔti lɛga kadikɔ kadi bina ɔdi!

Luka 7:22

Amu na údie kenye na ɔ́su Yohane batalane ɔnini, “Bɛsɔ binwini na bitásu Yohane ala ani na bɛ́nu na bínu bɛnii banumbwɛne baanu, bani na báƒɛ bewi kalɔ beesié, ɔlɛgyie beƒine lɛlɛ lɛ́ba-ma, batutine beenú, bekpine baata teelie ngba, na mɔɔsu bawabane Katɔti litemi buni.

Yohane 1:41

Lɛla lideedi lɛni na Andrea ɔ́bla ndi ka úsie útáwia ɔnwani Simon na ɔ́su-nwu ɔnini, “Abu bɔ́nu Mesia ɔmmɔ,” iye Kristo. Na anyi ammɔ kalɔ budie ndi Ukyuli Ɔƒunadi.

Yohane 12:46

Líbo kayawi kamɛni kemmo aani ukyuli ɔni mɔɔyá na bekyuli baanu bukeye kalɛ na ukyuli biala ɔni náƒɔ-mi ɔ́di ni, uláƒɔ lɛlɔ ulakya lɛdisa kemmo.

Yohane 3:34

Ukyuli Ɔƒunadi ɔni na Katɔti ɔ́tala ni, anwu mɔɔsu Katɔti etemila. Ɔsika Katɔti ɔ́tala nwuna Kɔyu ɔnii kubelie ukyuli ɔmɛni lɛlɔ ku kuna ɔyikun ƒui.

Batalane Kabla 10:38

Na bínu lɛnɔ kalɛ na Katɔti ɔ́ƒuna Yesu ɔni nási Nasaret ɔni na úti nwuna Kɔyu úse-nwu likpo na úti ɔyikun lɛnɔ úte-nwu. Na ɔ́kɛ útaavi taabla lɛbuni na útaabwi bani ƒui na ayu ekpidi eekpóku, ɔsika Katɔti ɔsiaku-nwu.

Batalane Kabla 26:18

Na ndubɔya-a na etébimi-ma anumi na balɛ Satan ɔyikun kemmo na kasuudikɔ mmɔ bebo Katɔti ɔyikun ku bukeye kemmo. Na Katɔti ɔdubuti bana ekpidi ɔkyiɛ-ma na wabla-ma katɔ ala badine aani bani na ɔ́ƒuna úte nwuna lɛlɔ ka báƒɔ-mi bádi ɔsu.’

Batalane Kabla 4:26

Kayawi baga bábla unwi na benye beekpóku awɔ ku ƒula Ukyuli Ɔƒunadi.’

Batalane Kabla 4:27

Ɔdi litemi geen ka Herode ku Pontio Pilato ku Israelƒuɔ ku bani naaadi Israelƒuɔ básala lɛlɔ na ɔma ɔmɛni kemmo, na báta bénye ƒ'ubidi Yesu ɔni ndi Ukyuli Ɔƒunadi Kedee ɔmmɔ lɛlɔ.

Koloseƒuɔ 1:13

Na anwu náda-bu údie ukisine ɔmmɔ enu kemmo na kasuudikɔ mmɔ, na úti-bu útákya Ubidi ɔni na ɔɔyɔ́ geen mmɔ lɛga bɔdi kemmo.

Yakobo 2:5

Banwa, binu! Bɛgyi geen ka Katɔti ɔ́ƒuna kayawi kamɛni bawabane ka babla nwuna badi. Na ka báƒɔ Blɔti Yesu Kristo bádi ɔsu ni, bénwini kɔyu kemmo ala bakɛne. Na ama ndubuduo Katɔ Ɔga Ɔma aani kalɛ na Katɔti ɔ́su bekyuli bani mɔɔyɔ́-nwu úse.

Petro 1 2:9

Nsu amii ni, bɛdi bekyuli bani na Katɔti ɔ́ƒuna. Na bɛdi bakpane bani muumwi Katɔti ɔni ndi Ɔga. Bɛdi Katɔti bekyuli kedee bani na ɔ́lɔ ɔnii binwini anwu badi. Na amii ndubo nwuna ablala ebendi kudu bubo. Ɔsika anwu geen nálɔ-mii ɔ́lɛku likpidi lɛdisa kemmo úsienku ngba bɔƒɔ bukeye kemmo.