Luka 3:7 - Katɔti Ɔku Kedee

⁷ Bekyuli pii bálɛ bébo banii Yohane ɔkpila-ma ntu. Nsu Yohane ɔ́su-ma ɔnini, “Bibo likyulikpi aani balakpi! Bitatɔlɔ lɛlɔ bɛnii si bákpila-mii ntu kani ni, ɔ́sa na bɛ́lɛ Katɔti kɔtu kɔni na ɔdubɔni bekyuli bekpidi kemmo.

Luka 3:7 ပူးပေါင်းရင်းမြစ်များ

Ala Kalɔ Buse 3:15

Na ndubɔya na awɔ ku uleku ɔmɛni binwini bekisine, na ƒula ubi ku uleku ɔmɛni ubi lɛnɔ benwini bekisine. Ɔdubo-ɔ lili bubo bɔbwɛ, na awɔ adu-nwu lɛnikpo.”

Yesaia 59:5

Bina ablala eevuo balakpi bekpidi avala, na ɔdi biala makun bina avala ammɔ ɔdubo bukpi. Na kakwɛ biala na bɛdubudie keyi aani avala akladi ani nébu buvuo ni, balakpi bekpidi bammɔ kani ndubo bɔlɛ pii.

Mateo 12:34

Bɛdi bekyuli bekpidi geen aani balakpi! Na ala abuni adi alalɛ-mii kenye! Ala ani nkya ukyuli kasusu kemmo kani na uudie keyi.

Mateo 23:33

“Bekyuli bekpidi bɛdi! Bise aani balakpi ku bana bebi! Anwuɔsu ni, bɛɛɛdubo bɔkana na bikeli Katɔti kɔtu kɔni na ɔdubɔni-mii na lɛgyavonku kemmo!

Mateo 3:6

Bédie bana ala ekpidi kalɔ na Yohane ɔ́kpila-ma ntu na Yordan Ketu kemmo.

Yohane 8:44

Bina ɔti ndi ukisine ɔmmɔ, na bɛwia ka bɛbla nwuna lɛƒɔyɔ. Bekyuli ɔdune kani na ɔdi ɔ́si kalɔ kesekɔ ƒui. Na ulayɔ litemi geen lɛmmɔ, ɔsika ulasu lɛla siin lɛdi kudii. Si ɔ́nyi ɔkɔ ni, nwuna udu na uudie taatina na bɔtɛmi kemmo. Ɔsika ɔkɔ ɔnyine na ɔdi, na anwu ndi ɔkɔ bɔnyi ƒui ɔti.

Tesalonikaƒuɔ 1 1:10

Na binye bɛgya Ubidi Yesu ɔni na ɔ́gyila ɔ́lɛku bekpine akɔ, na úbo uli ngba ku Katɔti, na ɔsɔ ɔdubɔsi Katɔ Ɔga Ɔma mmɔ ubo. Yesu ɔmɛni kani ndubɔkana na ɔƒɔ-bu ɔlɛku kɔtu bɔni bɔni na Katɔti ɔdubute ekpidi bablane ƒui kemmo.

Hebriƒuɔ 6:18

Katɔti ɔ́bla ɔmɛni ɔkɛnku alakpa anyɔ ani naaavumana lɛlɔ. Na Katɔti lɛnɔ ulakana ɔkɔ bɔnyi. Na ɔmɛni ɔdubɔya na abu bani nékeli bɔ́tamiku-nwu ni, enu alaƒɛ-bu na lɛnunsia lɛni na úti ɔ́kya-bu lɛlɔ kemmo ɔsu.

Yohane 1 3:8

Ukyuli ɔni muulie taabla likpidi ni, ɔdi Satan ɔdi. Ɔsika Satan nli mɔɔbla likpidi ɔ́si kayawi kalɔ kesekɔ. Na lɛla lɛni ɔsu na Katɔti Ubidi ɔmmɔ úbo ni, ani ndi ka ɔyila Satan ablala.