Luka 3:11 - Katɔti Ɔku Kedee

¹¹ Amu na údie kenye ɔ́su-ma ɔnini, “Awɔ ɔni mbo awu ɔkyadi na údu inyɔ ni, ti unwi te ukyuli ɔni neeebo ɔdi. Na ukyuli ɔni mbo adila lɛnɔ ni, na ule-nya lɛni kani.”

Luka 3:11 ပူးပေါင်းရင်းမြစ်များ

Esekiel 18:7

Na ulanya ukyuli taakya iye uyu ɔdi lɛnɔ. Na lɛla biala na ukyuli ɔdi úti úse lɛlɔ kama úte-nwu asa na úvo lɛla lɛdi ni, ɔɔsɔku-ni teete-nwu. Na uleyu bekyuli. Na uute bawabane adila. Na bani nkɛ ku kasɔngya ni, uute-ma adala.

Daniel 4:27

Anwuɔsu, Ɔga Ɔbune, buvele, nu kalɔ na abla lɛla lɛni na ndubo-ɔ bɔsu mɛni. Da ƒula ekpidi ani na aabla ya na enwini kama akya-nya na ataabla lɛbuni. Na ataanu bekyuli bani na ala eekpóku kɔnyana, na ɔƒaalɛ lɛla biala lɛdubɔtɛ lite-ɔ.”

Mateo 25:40

“Amu na Ɔga ɔmmɔ ɔdubudie kenye ɔnini, ‘Mɔɔsu-mii nnii uwi ɔni na bíbunku ukyuli ɔni na bilábu ƒui na mina badi akɔ ni, ami na bɛ́bla bíte.’

Luka 11:41

Biti ala ani ƒui nkya bina akyami ku lɛɛƒɛɛ kemmo mmɔ bite bawabane kalɛ na bina lɛla biala lɛbla sɛɛn.

Luka 18:22

Ka Yesu únu-nwu litemi lɛmmɔ ni, ɔ́su-nwu ɔnini, “Lɛla linwi lɛ́sɔ líbu-ɔ na abla. Ti ala ani nse-ɔ ƒui ye, na eti egulabi ammɔ ete bawabane. Ɔmɛni ndubɔya-a na akɛ akɛla ese ete lɛlɔ na katɔ. Ɔmmɔ kama na ebo abasiaku-mi.”

Luka 19:8

Amu na Sakeo ɔ́ta únye na ɔ́su Blɔti ɔnini, “Ati! Buvele, nu! Ndubuti mina lɛkɛ kakɛ kenwi ƒui lite bawabane. Na bekyuli bani ƒui na líti lɛnungyie kemmo lɛ́ƒɔ-ma ala litulo kalɛ na ɔdi ka lɛƒɔ ni, ndubɔƒɔ-ma kayu kammɔ akpa ene.”

Yohane 13:29

Na ka Yuda ɔmɛni nda bana kavumi ɔsu ni, batɛyane bammɔ badi bákali ka bɔsu na Yesu ɔ́ɔsu-nwu ɔnii utéye ala ani na badubuti badi limeyi uboku iye utéte bawabane ala adi.

Batalane Kabla 10:2

Ɔdi ukyuli ɔbuni, na anwu ku nwuna kaduli bekyuli ƒui beeti ɔbu teete Katɔti. Ukyuli ɔmɛni úteete bekyuli ala ku nwuna kayi ƒui, na ɔɔyɔ́ katɔ bɔkpali lɛnɔ.

Batalane Kabla 10:31

Ɔ́su-mi ɔnini, ‘Kornelio, ƒula lɛƒɔndia ku ƒula katɔ bɔkpali ƒui uudú Katɔti kudɔ! Na ɔƒaani ni, tala bekyuli badi na besie Yopa na batálɔ Simon Petro ɔni nli Simon ɔni mɔɔbla bebuo lɛku kabla na uli ɛpu kudɔ.’

Batalane Kabla 10:4

Amu ka Kornelio ɔ́nu-nwu ni, liƒu lɛ́da-nwu geen. Amu na úye-nwu ɔnini, “Ati, bi na aawia?” Amu na Katɔti ɔtu ɔmɛni ɔ́su-nwu ɔnini, “Ƒula bekyuli ala bute ku ƒula katɔ bɔkpali ni, búduo Katɔti kudɔ.

Eƒesoƒuɔ 4:28

Ukyuli ɔni muuyú ni, ɔda buyu ɔya na uti nwuna enu ɔbla kabla kabuni na ɔkɛ ala na anwu lɛnɔ ubunku bawabane.

Timoteo 1 6:17

Su ama bani mbo kayawi ala pii anii batatalaku lɛlɔ katɔ na beteti bana anu batasia ala ani udu naaakana-ma bɔƒɔ lɛlɔ. Mmomu beti bana anu basia Katɔti lɛlɔ. Anwu muute-bu lɛla biala ku kaƒɔ ƒaa kalɛ na bɔkɛ lɛlɔyɔ.

Timoteo 1 6:18

Su-ma anii bataabla lɛbuni kalɛ na benwini balakɛne na lɛƒɔndia bɔbla kemmo. Na beteete bekyuli ala ku kaƒɔ ƒaa.

Hebriƒuɔ 6:10

Katɔti ɔɔbla lɛla biala ulu lɛlɔ. Na uláyiƒala bina ala ani na bɛ́bla. Ɔgyi ka bɛɛyɔ́-nwu ɔkɛnku kalɛ na bíbunku nwuna bekyuli. Na bɛmu biibunku-ma úbedu ɔƒɛni.

Yakobo 1:27

Bɔƒɔtaadi ulu ɔni na Katɔti ɔɔnu ka use sɛɛn na bɔƒiɔ bɔdi buuubo-nwu kemmo ndi ɔmɛni. Ɔlɛka ukyuli ubunku bekyuli bani muubó abi aani bekpinebi ku bekpinele kalɛ. Na ɔda lɛlɔ udie kayawi ekpidi biala kemmo.

Yakobo 2:14

Mina banwa, si ɔdi ɔ́su ɔnii ubo bɔƒɔtaadi geen na uléti-mu taabla kabla kadi ni, na nwuna bɔƒɔtaadi bɔmmɔ udu buuubo kɔsia kɔdi. Na bulakana na bɔƒɔ-nwu ngba lɛnɔ.

Yohane 1 3:17

Si ukyuli ɔdi ubo ala adi na ɔɔnu ka ɔnwani ɔɔyaki nsu útete-nwu kebunku kadi mmomu ɔ́da anumi údie ɔnwani ɔmmɔ lɛlɔ ni, dɛ na wakana bɔsu ɔnii ɔɔyɔ́ Katɔti?

Yohane 1 4:20

Si ukyuli ɔdi ɔɔsu ɔnii ɔɔyɔ́ Katɔti nsu uukisi nwuna ɔnwa ɔƒɔtaadine ni, ɔkɔ ɔnyine na ɔdi. Ɔsika ukyuli biala ɔni naaayɔ ɔnwani ɔni na ɔɔnu ku nwuna anumi ni, dɛ na wakana na wayɔ Katɔti ɔni na ulánu ku anumi?