Luka 3:1 - Katɔti Ɔku Kedee

^1-2 Na lɛkwa leevu-lɛlɔndi lɛni na Ɔga Unengudi Kaesare Tiberio ɔɔdi lɛga ni, Kenye Udiene Yohane ɔni ndi Sakaria ubidi ɔ́kɛ linyesia lɛdi ɔ́siku Katɔti kudɔ uwi ɔni na uli ketele kemmo. Na Pontio Pilato ɔɔtɔnku aban na Yudea kalɔ lɛlɔ. Na Herode ɔɔdi Galilea kalɔ lɛlɔ. Na uwi ɔmmɔ kani kemmo ni, Herode ɔnwani Ƒilipo lɛnɔ ɔɔdi kalɔ kani baalɔ Iturea ku Trakoniti kalɛkɛ lɛlɔ. Na Lɛlɔ Ɔdine Lisania lɛnɔ ɔɔdi Abilene kalɔ lɛlɔ. Na uwi ɔmɛni kemmo ni, Hana ku Kaiaƒa badi Katɔti bakpane benengudi.

Luka 3:1 ပူးပေါင်းရင်းမြစ်များ

Ala Kalɔ Buse 49:10

Na ɔgagyii ulávi ulálɛ ƒula kaduli kudii. Na lɛlɔ ɔdine ugyii ɔdadi ulávi ulálɛ-ɔ lɛgba akɔ wetédu ka ugyii ɔmmɔ úbedu lɛlɔ ɔdine geen ɔmmɔ. Na kadi bekyuli ƒui badubɔdi ƒula litemi lɛlɔ.

Mateo 14:1

Lebo lɛmmɔ kemmo ni, Herode ɔni mɔɔdi lɛga na Galilea únu Yesu lɛlɔ litemi.

Mateo 14:3

Ɔ́su lɛni ɔsika Herode ɔmɛni náya na béƒie Yohane na ɔ́ya bényimi-nwu na béti-nwu bákya aban ɔtɔ. Herode ɔ́bla ɔmɛni na ɔnwani Ƒilipo ulekudi Herodia ɔsu.

Mateo 14:6

Limeyi lɛdi ni, Herode ɔɔdi nwuna lɛwɔmeyi na ɔ́lɔ bekyuli pii. Na Herodia ubidi ulekubi úbatɔ na bekyuli bammɔ anumi. Ɔmɛni ɔ́da Herode ebiti geen.

Mateo 22:17

Anwuɔsu, su-bu ƒula kasusu. Bula ɔda bubo buute kuƒi ka butaaƒɔ kuyi teete Romaƒuɔ Ɔga Unengudi munuu útalɛka butaaƒɔ?”

Mateo 27:2

Bébo-nwu kɔgba na béti-nwu bátákya Romaƒuɔ aban unengu Pilato enu kemmo.

Marko 6:17

Herode ɔlati náya na béƒie Yohane, na ɔ́ya na bényimi-nwu na béti-nwu bákya aban ɔtɔ. Herode ɔ́bla ɔmɛni na Herodia ɔni na úti ɔsu, ɔsika nka ɔnwani Ƒilipo ulekudi na ɔdi.

Marko 6:21

Kama kama ni, Herodia úbakɛ nwuna kuƒi. Limeyi lɛmmɔ lɛdi Herode lɛwɔmeyi. Herode ɔ́lɔ bekyuli benengudi na nwuna bagadine akɔ ku bekpone batɔnkune ku Galilea kalɔ lɛlɔ batɔnkune na kadikɔ.

Luka 13:31

Na uwi ɔmmɔ kemmo ni, Ƒarisiƒuɔ badi bébo Yesu kudɔ na bábasu-nwu banii, “Babla na avi alɛ mɛni kɔnakunwi eteesie likpo bamba, ɔsika Ɔga Herode ɔɔwia ka ɔdu-ɔ.”

Luka 2:1

Na uwi ɔmmɔ kemmo ni, Ɔga Unengudi Kaesare Augusto úte ɔyikun ɔnii benweni bekyuli bani ƒui nkya Roma lɛga bɔdi kalɔ anyi.

Luka 23:24

Anwuɔsu Pilato úkulo litemi lɛmmɔ kemmo kalɛ na bekyuli bammɔ baawia.

Luka 3:19

Na ka aban lɛga ɔdine Herode úƒie ɔnwani ulekudi ɔni baalɔ Herodia ɔ́ƒɔ ku udunkpi ala bamba pii ani na ɔ́bla ɔsu ni, Yohane ɔ́dɔnku-nwu.

Luka 9:7

Ka Herode ɔni mɔɔdi Galilea lɛlɔ únu ala ani ƒui mɔɔlɛ́ mɛni ni, úbeƒu ɔsika bekyuli badi baasu ka Ntu Ɔkpilane Yohane násɔ ɔ́ta úbo uli ngba.

Batalane Kabla 23:26

Ɔku ɔmɛni ɔ́si ami Klaudio Lisia kudɔ na liti muute awɔ Ɔgadine Ɔbune Ƒelike ku kegye.

Batalane Kabla 24:27

Amu na akwa anyɔ kama ni, bédie Ƒelike na béti Porkio Ƒesto bébesie-nwu keliekɔ. Nsu ka Ƒelike ɔɔwia ka Yudaƒuɔ bataayɔ-nwu litemi ɔsu ni, ɔ́ya na Paulo ɔ́sɔ ɔ́kya ɔtɔ katɛnkɔ mmɔ.

Batalane Kabla 26:30

Amu na ɔga ɔmɛni ku aban ɔgadine ku Berenike ku bekyuli bakladi ƒui báta.

Batalane Kabla 4:27

Ɔdi litemi geen ka Herode ku Pontio Pilato ku Israelƒuɔ ku bani naaadi Israelƒuɔ básala lɛlɔ na ɔma ɔmɛni kemmo, na báta bénye ƒ'ubidi Yesu ɔni ndi Ukyuli Ɔƒunadi Kedee ɔmmɔ lɛlɔ.