Luka 24:6 - Katɔti Ɔku Kedee

⁶ Uuubo mɛni. Katɔti ɔ́gyila-nwu! Binyimo lɛla lɛni na ɔ́su-mii uwi ɔni na ɔkya Galilea ɔnii

Luka 24:6 ပူးပေါင်းရင်းမြစ်များ

Mateo 12:40

Kalɛ na Yona ɔ́kya kabɛ kebendi kaƒɔ kemmo emeyi atɛ usien ku ɔƒɛ ni, lɛni kani na Ukyuli Ɔyawine Ubi lɛnɔ ɔdubɔkya kalɔ kemmo emeyi atɛ usien ku ɔƒɛ.

Mateo 16:21

Ɔ́si uwi ɔmmɔ kemmo ni, Yesu úse kalɔ ɔɔsu nwuna batɛyane bammɔ nwaa ɔnii, “Ɔlɛka lisie Yerusalem na ntébo abi na kadi benengu ku bakpane benengu ku ɔda bubo ala batinane enu kemmo. Badubɔdu-mi. Nsu limeyi lɛtɛdi lɛlɔ ni, Katɔti ɔdubɔgyila-mi ɔlɛku kekpine na nsɔ mbelie ngba.”

Mateo 27:63

Na básu-nwu banini, “Unengu, uwi ɔni na ɔkɔ ɔnyine ɔmmɔ úlie ngba ni, ɔ́su ɔnini, ‘Si líkpi ni, nsɔ ndubɔta lɛlɛ bekpine akɔ emeyi atɛ kama.’

Mateo 28:6

Uuubo mɛni. Ɔ́ta úlie ngba aani kalɛ na ɔ́su úse. Bibo na bibanu likpo lɛni na báva-nwu.

Marko 16:6

Amu na okloƒu ɔmmɔ ɔ́su-ma ɔnini, “Bitayia. Ngyi ka Yesu Nasareni na bɛɛwia, anwu ɔni na bákana bámana ugyii lɛlɔ. Uuubo mɛni! Ɔ́ta uli ngba! Bɛnu! Mɛni ndi likpo lɛni na béti-nwu bákya.

Marko 8:31

Amu na Yesu úse kalɔ ɔɔtina nwuna batɛyane ala adi. Ɔ́su-ma ɔnini, “Ɔlɛka Ukyuli Ɔyawine Ubi ubo abi pii na ɔma benengu ku bakpane benengu ku ɔda bubo ala batinane enu kemmo na bedumi-nwu. Badubɔdu-nwu, nsu na limeyi lɛtɛdi lɛlɔ ni, ɔdubɔta ulie ngba.”

Luka 24:34

Na básu-ma banini, “Blɔti ɔ́ta ɔ́lɛ kekpine sɔsɔ, na údie lɛlɔ ɔ́tina Simon.”

Luka 24:5

Liƒu lɛ́da-ma geen ɔni na béboku lɛlɔ kalɔ béte bekyuli bammɔ. Na bekyuli bammɔ béye-ma banini, “Bi ɔsu na bɛɛwia ukyuli ɔni nli ngba na bekpine akɔ?

Luka 9:22

Yesu ɔ́sɔ ɔ́su-ma ɔnii, “Ɔlɛka ami, Ukyuli Ɔyawine Ubi, libo abi geen na kadi benengu ku bakpane benengu ku ɔda bubo ala batinane enu kemmo na beni-mi, na badu-mi. Nsu na emeyi atɛ kama ni, Katɔti ɔdubɔgyila-mi ɔlɛku bekpine akɔ mbelie ngba.”

Luka 9:44

“Bitayiƒala lɛla lɛni na líse kalɔ ndaku-mii bɔsu! Badubo Ukyuli Ɔyawine Ubi buti bɔkya bekyuli enu kemmo.”

Batalane Kabla 2:24

Nsu Katɔti ɔ́sɔ ɔ́gyila-nwu ɔ́lɛku bekpine akɔ na ɔ́lɛ kukpi enu kemmo, ɔsika kukpi kulakana-nwu lɛkpu bubo buse.

Tesalonikaƒuɔ 2 2:5

Binyimo ka uwi ɔni na lɛ́kya-mii kudɔ ni, lɛ́su-mii ala amɛni ƒui.