Luka 24:44 - Katɔti Ɔku Kedee

⁴⁴ Amu na ɔ́su-ma ɔnini, “Ala amɛni lɛlɔ kɔtɛ geen na lɛ́tɛmiku-mii ɔni na lɛ́kya-mii kudɔ. Ala ani ƒui na bénweni na Mose ɔda bubo ɔku kemmo ku Katɔti kenye bediene ala ani bénweni ku kɔgya ɔku kemmo ni, ɔlɛka ebo-nwu kemmo lɛni.”

Luka 24:44 ပူးပေါင်းရင်းမြစ်များ

Ala Kalɔ Buse 14:18

Amu na Katɔti ɔni Ntulo Ƒui ɔkpane ɔni baalɔ Melkisedek na ɔ́si Salem ɔma kemmo ni, údie bodobodo ku ntɛ bɔdi úte Abram.

Ala Kalɔ Buse 22:18

Na ɔkɛ ƒula kaba kemmo ni, ndubute kayawi ƒui bekyuli kusɛ kusɛ. Ɔsika énu-mi litemi na ádi-ni lɛlɔ.”

Ala Kalɔ Buse 3:15

Na ndubɔya na awɔ ku uleku ɔmɛni binwini bekisine, na ƒula ubi ku uleku ɔmɛni ubi lɛnɔ benwini bekisine. Ɔdubo-ɔ lili bubo bɔbwɛ, na awɔ adu-nwu lɛnikpo.”

Ala Kalɔ Buse 49:10

Na ɔgagyii ulávi ulálɛ ƒula kaduli kudii. Na lɛlɔ ɔdine ugyii ɔdadi ulávi ulálɛ-ɔ lɛgba akɔ wetédu ka ugyii ɔmmɔ úbedu lɛlɔ ɔdine geen ɔmmɔ. Na kadi bekyuli ƒui badubɔdi ƒula litemi lɛlɔ.

Kɔgya 118:22

Lɛtabi lɛni na batune béni báva ni, ani nébenwini lɛtabi lɛni náƒɔ kuye lítulo na atabi ƒui akɔ.

Yesaia 28:16

Unwoti ɔnini, “Binu! Lɛ́ƒuna lɛtabi lɛni náƒɔ kuye na Sion, na ɔdi lɛtabi kpakplaa lɛni mabala kowodu likpo. Na ukyuli biala ɔni maƒɔ madi ni, enu alaƒɛ-nwu kudii.

Yesaia 52:13

Unwoti ɔ́su ɔnini, “Mina kabla ɔblane ɔdubo lɛlɔ bɔdi! Na bekyuli badubo-nwu bumwi ku ɔbu unengudi ƒui.

Yesaia 7:14

Ɔmmɔ ɔsu ni, Unwoti ɔlati ɔdubute-mii likposela lɛdi. Bɛnu! Adagyaa ɔdi ɔdubɔda kaƒɔ na ɔwɔ ubi ɔnanabi. Na badubɔlɔ-nwu banii Imanuel.

Yesaia 9:6

Ɔsika báwɔ ubi ɔnanabi béte-bu. Na bekyuli ƒui lɛlɔ bɔdi lɛdubɔsia-nwu lɛlɔ. Na badubɔlɔ-nwu banii Kasusu Buni Ɔkyane ku Katɔti Ɔyikune ku Ati Ɔni Nli Uwi Ƒui ku Keyi Buɛɛ Ɔga Ubi.

Yeremia 23:5

Na limeyi lɛdi ni, ndubɔƒuna ɔga ɔni mɔɔsu litemi geen lɛsiku Dawid kaduli. Na ɔdubɔbla ɔga ɔni náda anu na ɔdubɔdi bekyuli lɛlɔ na ɔtɛ litemi na ulu siin ɔmmɔ lɛlɔ.

Yeremia 33:14

Unwoti ɔnini, “Líse Israel ku Yuda kenye kabuni kadi. Na uwi ɔdi ɔdubo ɔni na ndubɔdi linyese lɛmmɔ lɛlɔ.

Esekiel 17:22

“Limeyi lɛdi ni, ami Unwoti ndubo kugyii kpakplaa kɔni kagba mɔɔlɛ́ ɔwɔdi bukulo na liti-ku lɛlɛ Israel Kɔbi kɔni nákuku kutulo ƒui lili. Na kɔdubunye mmɔ kɔbi lɛlɔ kunwini kugyii bonwu kpakplaa na kɔnwu ebi bonwu bonwu lɛnɔ.

Esekiel 34:23

“Na ɔmmɔ kama ni, ndubute-mii baƒonu ɔdane buni ɔni ndubɔsi mina kabla ɔblane ɔni ndi Ɔga Dawid ɔtɔ kemmo na bina ƒui bani mbo ɔlɔkplu ku bani na bese kpɛtɛ kpɛtɛ ƒui bakɛ ɔdane unwi pɛ na ɔnu-mii lɛlɔ kaduɛ.

Daniel 2:44

Na uwi ɔni na baga bammɔ badubo bekyuli lɛlɔ butaadi ni, Katɔti ɔni mɔɔdi lɛla biala lɛlɔ ɔ́siku katɔ kakaaka mmɔ ɔdubudie lɛga kadikɔ bamba kadi use kani ndubunye kete uwi ƒui na kelebo kawɔlɔkɔ kudii. Na kadubɔbla aani lɛtabi lɛni na bánwi básiku kɔbi lɛlɔ mmɔ, na ɔɔɔdi ukyuli nánwi-ni. Lɛtabi lɛmɛni nábwɛ abuala kpakplaa ku abuala egyiedi ku lɛti ku sika ɔƒualadi ku sika ugyiedi ɔmmɔ ƒui. Ɔga Ɔbune, na ƒula kɔna kemmo ni, Katɔti Ɔyikune Ƒui ɔ́su-ɔ lɛla lɛni ndubo libalɛ na ɔdi ka aƒɔ kalɔ budie bɔmɛni adi.”

Daniel 7:13

Ntɛ mɔɔnu ala ani ƒui mɔɔlɛ́ usien ɔmmɔ, na lɛ́nu ukyuli ɔdi ɔni nse aani ɔyawine ubi na ɔ́si ɔdubo na ulɔyɔ kemmo na kayaa. Na bébeti-nwu bétényene Katɔti ɔni nli uwi ƒui anumi.

Hosea 3:5

Nsu kama ƒui ni, Israel ɔdubɔsɔ unwini usie nwuna Unwoti Katɔti ku nwuna Ɔga Dawid kudɔ. Badubusie Unwoti kudɔ ku bɔyia ku ɔbu. Na emeyi ekplodi ammɔ kemmo ni, badubɔnu nwuna lɛƒɔndia.

Amos 9:11

“Nwuna kama ni, ndubɔsɔ libo na mbasɔku Dawid lɛga kadikɔ lise na lɛklibi ala ani néebie mmɔ, na asɔ atɛ kaduɛ.

Sakaria 12:10

“Ami Unwoti ndubɔya na Yerusalem bebi ku bawɔ ƒui beduo kɔnyana bonwu kɔdi kemmo na bakpali-mi bevele uwi ɔni na bánu ukyuli ɔni na bátu lɛtula lɛdi. Na badubo-nwu buwulo aani kalɛ na bawɔne badi beewulo bana ubi unwi pɛ ɔni na báwɔ na úkpi iye ubi udeedi ɔni na báyila.

Sakaria 13:7

Unwoti Ɔyikune Ƒui ɔnini, “Ya liti mina kewii na likpoku mina baƒonu ɔdane ku mina ɔkpana. Du baƒonu ɔdane ɔmmɔ na baƒonu bammɔ badubugyingya, na ndubudie banamudi bammɔ atu.

Sakaria 14:4

Ɔdubusie utáwia kenyekɔ na Nnɔ Egyii Kɔbi lili na Yerusalem ɔƒɛ katukɔ kakɛ. Na kɔbi kɔmmɔ kɔdubɔbwɛ kemmo kule akpa anyɔ usie ɔvi ɔni ku ɔni, na ɔdubɔbla kɔwɛ bonwu ɔsi ɔƒɛ katukɔ úsie ɔƒɛ kanukɔ.

Sakaria 6:12

Na asu-nwu ka ami Unwoti Ɔyikune Ƒui násu nnii, ‘Ukyuli ɔdi ɔdubɔkɔ ɔlɛ mɛni aani kugyii kagba kalɛ na ɔtu mina kakpakɔ ute-mi. Na ndubɔlɔ-nwu nnii Kugyii Kagba na anwu ndubo bekyuli lɛlɔ bɔdi aani ɔga ɔni mbo ɔbu kalɛ. Na ɔkpane ɔdi ɔdubunye-nwu kɔmadɔ na nwuna lɛgaboku kudɔ. Na bana inyɔ badubɔbla kabla basala ku ebiti ku keyi buɛɛ.’

Sakaria 9:9

Ukyuli biala ɔni nkya Sion ɔdi limeyi na ɔva momoomo ku ebiti banini, “Bɛnu! Bina ɔga ɔdubo-mii kudɔ. Use siin na ɔdanku bɔƒɔ. Uboku lɛlɔ kalɔ na ulie ebuo ala utine ubi lɛlɔ ɔdubo.

Bumomo Bɔka 21:8

Amu na Unwoti ɔ́su Mose ɔnini, “Vɔ kɔlakpi udu ɔdi na akɔliku-nwu aƒala ugyii ɔdi eli. Na ukyuli biala na kɔlakpi kɔ́du-nwu na unwini ɔnu kɔlakpi kɔni nƒa ugyii lɛlɔ mmɔ na nwuna ɔlɛ ɔba-nwu.”

Bumomo Bɔka 35:25

Na ɔlɛka kadi bagyumana ukyuli ɔni nátati na ɔ́du ukyuli mmɔ na ukyuli ɔni bádu mmɔ lɛlɔ bekyuli kudɔ, na basɔku-nwu batákya katamikukɔ ɔma ɔmmɔ kemmo. Na ɔdubɔkya mmɔ utédu ka ɔkpane unengudi ɔni na béwi-nwu lili nnɔmii bése-nwu likpo úkpi.

Mateo 1:22

Maria lɛlɔ etemila amɛni álɛ lɛni kalɛ na ala ani na Katɔti ɔ́su úse ɔkɛ nwuna kenye udiene lɛlɔ ebo ete lɛni sɔsɔ. Ɔ́su ɔnii,

Mateo 16:21

Ɔ́si uwi ɔmmɔ kemmo ni, Yesu úse kalɔ ɔɔsu nwuna batɛyane bammɔ nwaa ɔnii, “Ɔlɛka lisie Yerusalem na ntébo abi na kadi benengu ku bakpane benengu ku ɔda bubo ala batinane enu kemmo. Badubɔdu-mi. Nsu limeyi lɛtɛdi lɛlɔ ni, Katɔti ɔdubɔgyila-mi ɔlɛku kekpine na nsɔ mbelie ngba.”

Mateo 26:54

Nsu si bébo na békpo béte-mi ni, na Bunweni Kedee Ɔku etemila ammɔ elebo aani kalɛ na Katɔti ɔ́su úse lɛni na ɔdi ka ɔlɛ.”

Mateo 26:56

Nsu ala amɛni ƒui álɛ lɛni kalɛ na ala ani na básu bése na Bunweni Kedee Ɔku kemmo ébo éte lɛni.” Amu na nwuna batɛyane ƒui békeli bátɔlɔ-nwu kudɔ.

Marko 9:31

ɔsika ɔkya ɔɔtina nwuna batɛyane ala. Ɔ́su-ma ɔnini, “Ukyuli ɔdi ɔdubo Ukyuli Ɔyawine Ubi kakya bɔkya na uti-nwu ute bekyuli na badu-nwu. Na limeyi lɛtɛdi lɛlɔ ni, ɔsɔ ɔdubɔta na ulie ngba.”

Luka 21:22

Ɔsika uwi ɔmmɔ kemmo ndi kɔtu bɔni emeyi ani nálɛ ka ebo aani kalɛ na Bunweni Kedee Ɔku kemmo etemila átina kalɛ.

Luka 22:37

Na mɔɔsu-mii nnii Bunweni Kedee Ɔku kemmo litemi lɛni mɔɔsu lɛnii, ‘Baka-nwu bákya bekyuli bekpidi akɔ’ ni, ɔlɛka libo-nwu kemmo lɛni na mina lɛlɔ. Ɔsika lɛla lɛni na bénweni básiku-mi lɛlɔ ni, ɔlɛka ubo-nwu kemmo lɛni sɔsɔ.”

Luka 24:46

Na ɔ́su-ma ɔnini, “Lɛni na bénweni banii Ukyuli Ɔƒunadi ɔmmɔ ɔdububo abi na ɔdubɔta ɔlɛ bekpine akɔ limeyi lɛtɛdi lɛlɔ.

Luka 9:22

Yesu ɔ́sɔ ɔ́su-ma ɔnii, “Ɔlɛka ami, Ukyuli Ɔyawine Ubi, libo abi geen na kadi benengu ku bakpane benengu ku ɔda bubo ala batinane enu kemmo na beni-mi, na badu-mi. Nsu na emeyi atɛ kama ni, Katɔti ɔdubɔgyila-mi ɔlɛku bekpine akɔ mbelie ngba.”

Luka 9:44

“Bitayiƒala lɛla lɛni na líse kalɔ ndaku-mii bɔsu! Badubo Ukyuli Ɔyawine Ubi buti bɔkya bekyuli enu kemmo.”

Yohane 3:14

“Bínu na Mose ɔku kalɛ na ɔ́kana kɔlakpi kɔni bávɔ ku lɛbuala ɔ́mana ugyii lɛlɔ, na ɔ́kɔliku-ku katɔ na ketele kukuuku kalɛ na bekyuli bammɔ bakɛ ngba. Lɛni kani na ɔlɛka bakɔliku ami Ukyuli Ɔyawine Ubi katɔ,

Yohane 5:39

Bɛɛtɛya Bunweni Kedee Ɔku kemmo ala uwi biala ku kakali ka si bɛ́bla lɛni ni, bɛdubɔkɛ ngba bɔni nsɔ naaadu bɔsa kudii. Na ɔku ɔmmɔ geen muudie kenye taasiku-mi lɛlɔ.

Yohane 5:46

Si bɔƒɔ na bɛ́ƒɔ Mose bɛ́di ni, nka bɛdubɔƒɔ-mi bɛdi! Ɔsika únweni ala ɔ́siku-mi lɛlɔ.

Batalane Kabla 13:40

Anwuɔsu bɛnu kaduɛ! Bitaya na Katɔti kenye bediene etemila ani básu alɛku-mii.

Batalane Kabla 2:27

Na alanyonu mina kɔyu alakya kekpine. Na lɛnɔ ni, alaya ƒula Ubi Kedee ɔlɔna webu.

Batalane Kabla 3:18

Nsu ni, Unwoti ɔ́su ka nwuna Ukyuli Ɔƒunadi webo abi lɛni. Na ɔmɛni ndi kalɛ na ɔ́ya na nwuna kenye bediene linyese líbo líte.

Batalane Kabla 7:37

“Mose ɔmmɔ ɔlatidi násu Israelƒuɔ ɔnini, ‘Katɔti ɔdubudie kenye udiene ɔdi aani ami kalɛ, na ɔdubudie-nwu ɔlɛku bina kaba kemmo.’

Hebriƒuɔ 10:1

Ɔda bubo ndi ekposela úte ala abuni ani ndubo. Na ɔɔɔdi ɔda bubo bɔmmɔ ndanku ala abuni ammɔ alati geen tɔ. Ɔmɛni ɔsu ni, akpala ani nkɛnku ɔda bubo bɔmɛni ani na baabla lɛkwa ndi lɛkwa ni, alakana bekyuli bani mɔɔwia ka bakpa Katɔti bɔbla sɛɛn bɔwɔlɔ.

Hebriƒuɔ 3:5

Mose ɔ́bla lɛla biala ulu lɛlɔ na Katɔti kaduli aani kabla ɔblane. Na údie ala ani na Katɔti ɔdubo ubasu ɔ́tina.

Hebriƒuɔ 7:1

Melkisedek ɔmɛni ɔ́di lɛga na Salem, na ɔ́bla ɔkpane kabla úte Katɔti ɔni ntulo ƒui. Uwi ɔni na Abraham ɔ́si kekpokɔ útádi baga bani nkya amadɔ mmɔ lɛlɔ ɔdubo ni, Melkisedek ɔmɛni útásiaku-nwu na úte-nwu kusɛ kusɛ.

Hebriƒuɔ 9:8

Katɔti Kɔyu kɔkɛnku ɔmmɔ lɛlɔ kɔɔtina-bu nwaa ɔ́si uwi ɔmmɔ ka ulu ɔni lɛlɔ na bɔdubɔsia buduo Katɔti katɔma geen kammɔ kemmo ni, útedie-nwu tɔ keyi uwi ɔni na kakpakɔ kedeedi kammɔ kamu kenye.

Petro 1 1:11

Básia ulu biala lɛlɔ ka bati uwi ku ukyuli ɔni lɛlɔ na ala amɛni adubɔlɛ. Na Kristo Kɔyu náƒɔ-ma lɛlɔ kemmo na kɔ́ya na básu-bu ala bése. Kɔyu kɔmmɔ kɔ́su kúse kalɛ na Kristo ɔdubo abi bubo ku kalɛ na lɛlɔ lɛdubo-nwu bɔyɔ na ɔmmɔ kama.

Budie Taatina 19:10

Mmɔ ni, lɛ́yu líbi kalɔ na nwuna lɛgba akɔ na límwi-nwu aani Katɔti kalɛ. Nsu ɔ́su-mi ɔnini, “Tabla lɛni! Ami lɛnɔ kabla ɔblane ɔkpana na ndi aani ƒula kalɛ ku ƒula banwa bakladi bani nsiaku Blɔti Yesu ala bɔtina kama. Katɔti kani na ɔlɛka emwi lɛni. Ɔsika ala ani na Yesu ɔ́tina ni, ana kenye budie ndi Kɔyu ɔyikun ɔni nákya Katɔti kenye bediene lɛlɔ kemmo.”