Luka 24:32 - Katɔti Ɔku Kedee

³² Amu na básu lɛlɔ banii, “Uwi ɔni na ɔkya ɔɔtɛmiku-bu na uudie Bunweni Kedee Ɔku etemila kalɔ teete-bu na ulu lɛlɔ ni, ebiti adi udu áda-bu kayi kemmo.”

Luka 24:32 ပူးပေါင်းရင်းမြစ်များ

Kɔgya 104:34

Mbo lɛnunsia ka mina kasusu kani muuti kadubɔƒɔ-nwu anu. Ɔsika Unwoti mɔɔyá na mɔɔkɛ́ lɛlɔyɔ.

Kɔgya 39:3

Kayi kaakpulu-mi geen. Na si nli mɔɔbla kasusu ni, na mina kayi keekpóku-mi. Anwuɔsu na lɛ́su na kawɔlɔkɔ nnini,

Agba 27:17

Kalɛ na lɛbuala lɛɛdɔ́ lɛbuala ni, lɛni kani na ɔkpana ɔɔklibi ɔkpana.

Agba 27:9

Bɔlɛ bɔni na ƒula ɔkpana ɔ́lɛ-ɔ na bɔ́ƒɔ-ɔ anu ni, buse aani ugyulo ƒɛƒɛɛ ɔni baakyula iye nnɔmii ƒɛƒɛɛ bɔni baawɛɛ.

Yesaia 50:4

Unwoti Ɔyikune Ƒui ɔ́tina-mi lɛla lɛni na libimi kenye lɛsu na lɛkya ukyuli ɔni na lɛlɔ lɛ́bla-nwu kpɛtɛ kpɛtɛ ogya. Ɔɔgyila-mi ɔtanta biala na ɔɔlɛmi-mi atu na muunú ala ani na ɔɔtina-mi.

Yeremia 15:16

Uwi ɔni na átɛmiku-mi ni, ebiti áda-mi geen ka lɛbla lɛsiaku lɛni kani, ɔsika awɔ Unwoti Ɔyikune Ƒui ɔdi na ndi.

Yeremia 20:9

Na ɔɔbla-mi uwi ɔdi aani nda ƒula lɛlɔ kasusu buti iye ƒula lɛnyi muedi bɔlɔ nnya. Nsu ƒula litemi lɛɛdu-mi lɛlɔ kemmo aani ogya na naaakana na libile kenye lɛsɔ lilie kpoo.

Yeremia 23:29

Mina etemila ebo ɔyikun aani ogya. Na ese aani lɛbuala bonwu lɛni na beeti teebo atakpɛ teegyingya.

Marko 4:34

Útetemi útete-ma ɔni na útebo agba. Nsu si uwi ɔni na anwu ku nwuna batɛyane lɛti belie ni, na uudie-nya kalɔ taatina-ma.

Luka 24:45

Mmɔ na ɔ́lɛmi-ma kasusu kalɛ na benu Bunweni Kedee Ɔku kemmo etemila ammɔ kalɔ.

Yohane 6:63

Katɔti Kɔyu muute ngba. Na ukyuli ɔlɔna ɔɔɔdi lɛla lɛdi. Ala ani ƒui na mɔɔsu-mii ni, ndanku Katɔti Kɔyu kɔni muute ngba líboku-mii.

Batalane Kabla 28:23

Amu na bése limeyi lɛdi bese, na bekyuli pii bébo-nwu kudɔ. Mmɔ na ɔ́tɛmi úte-ma ɔ́siku Katɔti lɛga kadikɔ lɛlɔ. Na ɔ́lɔ-ma kasusu úsienku kesii kani na Mose ku Katɔti kenye bediene bénweni ala bése básiku Yesu lɛlɔ. Na ɔ́tɛmiku-ma ɔ́si ɔtanta útédu useyi uwi.

Hebriƒuɔ 4:12

Katɔti litemi lɛdi lɛla lɛni mbo ngba na lɛɛbla kabla pla pla teetulo kewii kani na bádɔ-ka lɛvi inyɔ. Na liiduo ukyuli kasusu ku kɔyu ntɛ. Na lɛɛbla lɛni aani kalɛ na kewii keele ɔlɔna ku ekubi ntɛ. Litemi lɛmmɔ lɛɛnu lɛla biala lɛni nkya ukyuli kasusu ku kayi kemmo taatina-nwu.