Luka 24:30 - Katɔti Ɔku Kedee

³⁰ Úlie kalɔ ɔnii ɔɔdiku-ma. Na úti bodobodo na ɔ́gya Katɔti enu, na ɔ́bwɛ-nwu kemmo na úti úte-ma.

Luka 24:30 ပူးပေါင်းရင်းမြစ်များ

Mateo 14:19

Na ɔ́su bekyuli bammɔ ƒui ɔnii belie kalɔ na livo lɛmmɔ lɛlɔ mmɔ. Amu na úti bodobodo ɛlɔ ku kɔkpaku inyɔ bɔmmɔ na ɔ́talaku anumi ɔ́nu katɔ na ɔ́gya Katɔti enu. Na ɔ́bwɛ bodobodo ɔmmɔ kɔkɛ kɔkɛ úte nwuna batɛyane. Na batɛyane bammɔ lɛnɔ béti béte bekyuli bammɔ.

Mateo 15:36

Na úti bodobodo maatɛ ku kɔkpaku kɔmmɔ na ɔ́gya Katɔti enu, na ɔ́bwɛ ɔdi biala kɔkɛ kɔkɛ na úti úte nwuna batɛyane. Na ama lɛnɔ béle-nwu béte bekyuli bammɔ.

Mateo 26:26

Uwi ɔni na Yesu ku nwuna batɛyane belie baadi ni, úti bodobodo. Na ka ɔ́gya Katɔti enu ni, ɔ́bwɛ-nwu kɔkɛ kɔkɛ na úle-ku úte-ma. Ɔ́su ɔnini, “Bɛƒɔ ɔmɛni na bɛdi. Ɔmɛni ndi mina ɔlɔna.”

Marko 14:22

Uwi ɔni na badaku bɔdi ni, Yesu úti bodobodo ɔdi. Na ka ɔ́gya Katɔti enu ɔ́wɔlɔ ni, ɔ́bwɛ-nwu kɔkɛ kɔkɛ na úle úte nwuna batɛyane. Na ɔ́su-ma ɔnini, “Bɛƒɔ ɔmɛni na bɛdi. Ɔmɛni ndi mina ɔlɔna.”

Marko 6:41

Amu na Yesu úti bodobodo ku kɔkpaku kɔmɛni na ka ɔ́nu katɔ laa ni, ɔ́gya Katɔti enu na ɔ́bwɛ bodobodo ku kɔkpaku kɔmɛni. Na úti úte nwuna batɛyane ɔnii bele bete esu esu ammɔ ƒui.

Marko 8:6

Yesu ɔ́su bana ƒui ɔnii basɔ belie kalɔ. Amu na úti bodobodo maatɛ ɔmmɔ, na ɔ́gya Katɔti enu, na ɔ́bwɛ-nwu kɔkɛ kɔkɛ, na úti úte nwuna batɛyane ɔnii beti bete bekyuli bamɛni ƒui. Ama lɛnɔ béti béle béte-ma.

Luka 22:19

Amu na úti bodobodo ɔdi na ɔ́gya Katɔti enu. Na ɔ́bwɛ-nwu kɔkɛ kɔkɛ na úti úte-ma. Na ɔ́su-ma ɔnini, “Ɔmɛni ndi mina ɔlɔna ɔni na ndubuti lɛkpa lite Katɔti na bina lili. Bɛbla ɔmɛni na biti bitaakali-mi.”

Luka 24:29

Nsu bábala-nwu básu banini, “Kadi káasa ɔsu ni, sɔ kya-bu kudɔ mɛni.” Anwuɔsu úsie útéduo-ma kudɔ mmɔ.

Luka 24:35

Amu na nkyuli inyɔ bammɔ lɛnɔ bédie kalɔ básu-ma ala ani nálɛ na ulu lɛlɔ ku kalɛ na bánu-nwu báti uwi ɔni na ɔ́bwɛ bodobodo ɔmmɔ úte-ma.

Luka 9:16

Yesu úti bodobodo ɛlɔ ku kɔbɛ inyɔ bɔmmɔ na ɔ́kɔliku anumi ɔ́nu katɔ. Amu na ɔ́gya Katɔti enu úte-ma, na ɔ́bwɛ-nwu kɔkɛ kɔkɛ na úti úte nwuna batɛyane ɔnii beti bele bete bekyuli bammɔ.

Yohane 6:11

Amu na Yesu úti bodobodo ɔmmɔ na ka ɔ́gya Katɔti enu ni, úle-nwu úte bani ƒui nlie kalɔ mmɔ. Lɛni kani na úti kɔkpaku lɛnɔ úle úte-ma kalɛ na baawia na bádi bémo.

Batalane Kabla 2:42

Amu na béti bana uwi ƒui béte batalane bammɔ, na baatina-ma ala, na baakpali katɔ, na baadi taasala lɛnɔ.

Batalane Kabla 2:46

Na béteesie Katɔti kakpakɔ limeyi ndi limeyi, na bátaasa esu esu lɛnɔ taadi na bana kɔduli na kubiti ku lɛlɔyɔ kemmo.

Batalane Kabla 27:35

Amu na Paulo úti bodobodo ɔdi, na ka ɔ́gya Katɔti enu na bana ƒui anumi mmɔ ni, ɔ́ƒɛ ɔdi na úti ɔ́di.